નવી દિલ્હી: સુપ્રીમ કોર્ટે કહ્યું કે, તે આ કેસની તપાસ એકાઉન્ટન્ટ જનરલના કાર્યાલયને સોંપી શકે છે. સુપ્રીમ કોર્ટે કોવિડ-19ને કારણે (Supreme Court on Covid Case) જીવ ગુમાવનારા લોકોના પરિવારના સભ્યોને રૂ. 50,000નું એક્સ-ગ્રેશિયા મેળવવાના ખોટા દાવાઓ (Fake Covid death claims) પર ચિંતા વ્યક્ત કરી છે.
અમે ક્યારેય અપેક્ષા નહોતી રાખી
જસ્ટિસ એમ.આર.શાહ અને જસ્ટિસ બી.વી. નાગરત્નાની બેન્ચે કહ્યું કે, અમે ક્યારેય અપેક્ષા નહોતી રાખી અને ક્યારેય વિચાર્યું નથી કે, આનો પણ દુરુપયોગ થઈ શકે છે. આ શિષ્ટાચારનું કાર્ય છે અને અમારી નૈતિકતા એટલી સંકોચાઈ નથી કે તેમાં કેટલાક ખોટા દાવાઓ હશે. અમે ક્યારેય તે વિશે વિચાર્યું નથી.
કોવિડ-19 પીડિતોના પરિવારના સભ્યોને વળતર
ખંડપીઠે (Supreme Court Top Bench) ગયા અઠવાડિયે વળતર ચૂકવવા માટે કોવિડ -19 થી મૃત્યુના બનાવટી પ્રમાણપત્રો પર ચિંતા વ્યક્ત કરી હતી અને કહ્યું હતું કે, તે આ મુદ્દાની તપાસનો આદેશ આપી શકે છે. બેન્ચે કહ્યું હતું કે, જો અધિકારી આવા ખોટા દાવાઓમાં સામેલ હોય તો તે ખૂબ જ ગંભીર બાબત છે. સુપ્રીમ કોર્ટે અગાઉ તમામ રાજ્ય સરકારો અને કેન્દ્રશાસિત પ્રદેશોને કોવિડ-19 પીડિતોના પરિવારના સભ્યોને વળતર ચૂકવવા માટે સહાય કરવા માટે રાજ્ય કાનૂની સેવા પ્રાધિકરણ (SLSA) ના અધિકારીની નિમણૂક કરવાનો નિર્દેશ આપ્યો હતો.
આ પણ વાંચો- Barack Obama Covid Positive: પીએમ મોદીએ ટ્વિટ કર્યુ, અમેરિકાના પૂર્વ રાષ્ટ્રપતિ બરાક ઓબામા કોવિડ પોઝિટિવ
સોમવારે સુનાવણી દરમિયાન, કેન્દ્ર તરફથી હાજર રહેલા સોલિસિટર જનરલ તુષાર મહેતાએ બેન્ચને જણાવ્યું હતું કે, બે સૂચનો છે કે, સુપ્રીમ કોર્ટ કેટલીક અંતિમ મર્યાદા નક્કી કરવા પર વિચાર કરી શકે છે જેથી જે પણ અરજી કરવા માંગે છે તે નિર્ધારિત સમયમર્યાદામાં અરજી કરી શકે છે. બેન્ચે મહેતાને કહ્યું કે, સુનાવણીની છેલ્લી તારીખે તેણે સત્તાવાળાઓને આ અંગે યોગ્ય અરજી કરવા કહ્યું હતું.
આ પણ વાંચો- સીતારમણે લોકસભામાં જમ્મુ-કાશ્મીર માટે બજેટ પ્રસ્તાવ રજૂ કરતા ઉગ્ર વિરોધ
મહેતાએ કહ્યું કે, તેઓ મંગળવારે અરજી કરશે અને કોર્ટ બુધવારે આ મામલે સુનાવણી કરી શકે છે. ખંડપીઠે મહેતાને કહ્યું હતું કે, અરજીમાં બોગસ દાવાઓના મુદ્દે પણ ઓથોરિટીને કંઈક કહેવાની જરૂર છે. તેના પર સોલિસિટર જનરલે કહ્યું કે, તેને સામેલ કરવામાં આવશે. આ પછી સુપ્રીમ કોર્ટે આ મામલે સુનાવણી માટે 21 માર્ચની તારીખ નક્કી કરી છે. સુપ્રીમ કોર્ટ ગૌરવ બંસલ અને અન્ય દ્વારા દાખલ કરાયેલી અરજીઓની સુનાવણી કરી રહી હતી. અરજીમાં કોવિડ-19 પીડિતોના પરિવારના સભ્યોને એક્સ-ગ્રેશિયા સહાય આપવાની વિનંતી કરવામાં આવી છે.
