તમિલનાડુ: રાજ્ય સરકારે રાજીવ ગાંધી હત્યા કેસમાં (Rajiv Gandhi assassination case) દોષિતોમાંથી એક નલિની શ્રીહરન એક મહિનાની પેરોલ આપવાનો નિર્ણય કર્યો છે. નલિનીના વકીલ રાધાક્રિષ્નને જણાવ્યું હતું કે, તેને આજે શુક્રવારે પેરોલ પર મુક્ત (Nalini will be released on parole today) કરવામાં આવશે.
નલિનીને આજે પેરોલ પર મુક્ત કરવામાં આવશે
તમિલનાડુના વિશેષ સરકારી વકીલ હસન મોહમ્મદ ઝીણાએ ગુરુવારે મદ્રાસ હાઈકોર્ટમાં (Madras High Courtp) નલિનીના પેરોલ માટે સરકારનું વલણ રજૂ કર્યું હતું. નલિનીના વકીલે જણાવ્યું હતું કે, તેની બીમાર માતા પદ્માએ કોર્ટને પેરોલ મંજૂર કરવાની વિનંતી કરી હતી, જેને સ્વીકારવામાં આવી હતી. હવે નલિની તેની બીમાર માતા પદ્માને જોવા જઈ શકશે. નલિની હાલમાં વેલ્લોરની વિશેષ મહિલા જેલમાં બંધ છે.
નલિની માતા સાથે ચુસ્ત પોલીસ બંદોબસ્ત હેઠળ રહેશે
જસ્ટિસ PN પ્રકાશ અને R હેમલતાની બેન્ચે પેરોલની મંજૂરી આપતી વખતે નલિની માટે ઘણા નિયમો નક્કી કર્યા છે. તે તેની માતા સાથે વેલ્લોરના સતુવાચેરી ખાતે ચુસ્ત પોલીસ બંદોબસ્ત હેઠળ ભાડાના મકાનમાં રહેશે. તેની સાથે બહેન કલ્યાણી અને ભાઈ બકિયાનાથન પણ રહેશે.
નલિનીની બીજી અરજી કોર્ટમાં પેન્ડિંગ
નલિનીની બીજી અરજી કોર્ટમાં પેન્ડિંગ છે, જેમાં તેણે જેલમાંથી મુક્તિની માંગ કરી છે. નલિની લગભગ 30 વર્ષથી જેલમાં છે. ટ્રાયલ કોર્ટે 1998માં ભૂતપૂર્વ વડા પ્રધાન રાજીવ ગાંધી હત્યા કેસમાં (Rajiv Gandhi assassination case) નલિનીને મૃત્યુદંડની સજા સંભળાવી હતી, જે 2000માં આજીવન કેદમાં ફેરવાઈ હતી.
નલિની અને તેના પતિ સહિત સાત લોકોને આજીવન કેદની સજા
21 મે 1991ના રોજ ચેન્નાઈ નજીક શ્રીપેરુમ્બુદુરમાં ચૂંટણી રેલી દરમિયાન ભૂતપૂર્વ વડા પ્રધાન રાજીવ ગાંધીની આત્મઘાતી હુમલામાં હત્યા કરવામાં આવી હતી. જેમાં નલિની અને તેના પતિ સહિત સાત લોકોને આજીવન કેદની સજા ફટકારવામાં આવી હતી.
આ પણ વાંચો: રાજીવ ગાંધીની હત્યાના આરોપી મુરૂગન અને નલિનીએ હાઈકોર્ટ પાસે વોટ્સએપ કોલ માટે અરજી કરી
આ પણ વાંચો: રાજીવ ગાંધીના હત્યારાના પિતાનું શ્રીલંકામાં અવસાન થયું
