દેશના અનેક રાજ્યોમાં વરસાદને કારણે પૂરની સ્થિતિ સર્જાઇ

દેશના ઘણા રાજ્યોમાં પૂર જેવી પરિસ્થિતિ ઉભી થઈ છે. મહારાષ્ટ્ર સહિત ઘણા રાજ્યોમાં વરસાદને કારણે લોકોને જીવન જીવવું મુશ્કેલ થઈ રહ્યું છે. શુક્રવારે સવારથી ભેજ બાદ અચાનક બપોર પછી વાતાવરણમાં પલટો આવ્યો હતો અને જોરદાર મુશળધાર વરસાદ શરૂ થયો હતો.

• મહારાષ્ટ્ર સહિત ઘણા રાજ્યોમાં વરસાદને કારણે લોકોનું જીવન જીવવું મુશ્કેલ
• આ વિસ્તારની ઘણી નદીઓમાં પૂરની સ્થિતિ આવી
• વરસાદના પાણીના પ્રવાહને કારણે રસ્તાઓ ધોવાઈ ગયા

હૈદરાબાદ : દેશના ઘણા રાજ્યોમાં પૂર જેવી પરિસ્થિતિ ઉભી થઈ છે. તે જ સમયે મહારાષ્ટ્ર સહિત ઘણા રાજ્યોમાં વરસાદને કારણે લોકોને જીવન જીવવું મુશ્કેલ થઈ રહ્યું છે. બિહાર, બંગાળમાં હવેથી પૂર જેવી પરિસ્થિતિ ઉભી થઈ છે. મળતી માહિતી અનુસાર, આ વિસ્તારની ઘણી નદીઓમાં પૂરની સ્થિતિ આવી ગઇ છે.

વરસાદને કારણે રસ્તાઓ પાણીયુક્ત બન્યા

રાજસ્થાનમાં બાડમેરના રણ વિસ્તારમાં વાવાઝોડાની અવધિ પછી શુક્રવારે બપોરે ભારે વરસાદને કારણે રસ્તાઓ પાણીયુક્ત બન્યા હતા. ક્યાંક વાહનો પાણીમાં તરતા જોવા મળ્યા હતા અને ક્યાંક વરસાદના પાણીના પ્રવાહને કારણે રસ્તાઓ ધોવાઈ ગયા હતા.

ગરમીના કારણે ઘણા દિવસોથી તાપમાનનો પારો ઉંચકાયો

ગરમીના (Rajasthan Weather Today) કારણે ઘણા દિવસોથી તાપમાનનો પારો ઉંચકાયો હતો. શુક્રવારે સવારથી ભેજ બાદ અચાનક બપોર પછી વાતાવરણમાં પલટો આવ્યો હતો અને જોરદાર મુશળધાર વરસાદ શરૂ થયો હતો. લગભગ એક કલાક સુધી પડેલા ભારે વરસાદને કારણે શહેરના માર્ગો અને બજારોની ગલીઓ પાણીથી ભરાઈ ગઈ હતી.

વાહન ચાલકોને ભારે મુશ્કેલીનો સામનો કરવો પડ્યો

આ દરમિયાન વાહન ચાલકોને ભારે મુશ્કેલીનો સામનો કરવો પડ્યો હતો. ગામના લધુ સિંહ કહે છે કે, છેલ્લા ઘણા દિવસોથી ગરમીને કારણે સામાન્ય લોકો ખૂબ પરેશાન હતા. આજે ભારે વરસાદને કારણે જ્યાં ગરમીથી રાહત મળે છે.

હવામાન પોતાનો રંગ બતાવવા માંડ્યું

રાજ્યમાં ચોમાસાના આગમનનો સમય જુલાઈના પહેલા અઠવાડિયા તરીકે મનાવવામાં આવે છે. આવી સ્થિતિમાં હવામાન પોતાનો રંગ બતાવવા માંડ્યું છે. હવામાન કેન્દ્રના જણાવ્યા અનુસાર, રાજ્યમાં આગામી કેટલાક દિવસોમાં વાવાઝોડા સાથે વરસાદની સંભાવના છે. આગામી થોડા દિવસોમાં પ્રતાપગઢ, બાંસવાડા, ભીલવાડા, દૌસા, બુંદી, ડુંગરપુર, જયપુર, ચિત્તોડ સહિતના અડીને આવેલા વિસ્તારોમાં જોરદાર પવન સાથે વરસાદ પડી શકે છે.

નેશનલ હાઇવે નં-58 ભૂસ્ખલનને કારણે બંધ કરાયો

ઉત્તરાખંડના ટીહરી ગઢવાલના બિયાસી નજીક નેશનલ હાઇવે નં-58 (ઋષિકેશ-શ્રીનગર હાઇવે) ભૂસ્ખલનને કારણે બંધ કરાયો છે. ઉત્તરાખંડમાં સતત થઇ રહેલા વરસાદના કરાણે અલકનંદા નદી ભયના નિશાનથી ઉપર વહી રહી છે. ઉત્તર પ્રદેશના મુરાદાબાદમાં સતત થઇ રહેલા વરસાદને કારણે ઘણી જગ્યાએ પાણી ભરાઇ ગયું હતું.

દિલ્હીમાં વાદળો, વરસાદ અને વાવાઝોડાનું અનુમાન

હવામાન વિભાગે આગાહી કરી કે, આજે શનિવારે રાજધાની દિલ્હીમાં ગાજવીજ અને આંશિક વાદળછાયું વાતાવરણ રહેશે. આજે દિલ્હીમાં મહત્તમ અને લઘુત્તમ તાપમાન અનુક્રમે આશરે 36 ડિગ્રી અને 26 ડિગ્રીની આસપાસ રહે તેવી સંભાવના છે.

હવામાન વિભાગે ચેતવણી આપી, વીજળી પડવાની સંભાવના

ભારતીય હવામાન વિભાગના જણાવ્યા અનુસાર, 19 જૂન એટલે કે, આજે ઉત્તર પ્રદેશ, મધ્યપ્રદેશ, છત્તીસગઢ, બિહાર અને ઝારખંડમાં મધ્યમથી તીવ્ર વાવાઝોડા સાથે જમીન પર વીજળી પડવાની સંભાવના છે. હવામાન વિભાગે ચેતવણી આપી છે કે, બહાર રહેતા લોકો અને પ્રાણીઓને નુકસાન થઈ શકે છે.

ઝારખંડની સ્થિતિ

ઝારખંડમાં ચોમાસુ સંપૂર્ણ રીતે સક્રિય જોવા મળે છે. આગલા કેટલાક દિવસોની વાત કરીએ તો, આ સમયગાળા દરમિયાન હળવાથી મધ્યમ વરસાદની સંભાવના છે. 20 જૂન સુધી હળવેથી મધ્યમ વરસાદ પડી શકે છે. 21 જૂને ગાજવીજ સાથે વરસાદની સંભાવના છે.

બંગાળમાં આગલા બે દિવસ વરસાદની અસર

પશ્ચિમ બંગાળમાં ચક્રવાત પરિભ્રમણની અસરને કારણે, દક્ષિણ-પશ્ચિમ ચોમાસાની અસર અને ચક્રવાત પરિભ્રમણને કારણે આગામી બે દિવસમાં વધુ વરસાદની સંભાવના છે. હવામાન વિભાગના જણાવ્યા અનુસાર, દક્ષિણ બંગાળમાં અવિરત વરસાદને કારણે અજોય, દારકેશ્વર, બ્રહ્માણી, શીલાવતી, સુબરનરેખા અને કંગાસાવતી સહિત અનેક નદીઓના પાણીના સ્તરમાં વધારો થયો છે. જેના કારણે આસપાસના વિસ્તારોમાં પૂર આવી ગયું છે. આવી સ્થિતિની સંભાવના વધી ગઈ છે.