અમરાવતી : વડાપ્રધાન નરેન્દ્ર મોદી આજે લગભગ 1:30 વાગ્યે આંધ્ર પ્રદેશના લેપાક્ષીમાં વીરભદ્ર મંદિરમાં પૂજા કરશે. વડાપ્રધાન બપોરે 3:30 વાગ્યે શ્રી સત્ય સાંઈ જિલ્લાના પલાસમુદ્રમ પહોંચશે અને નેશનલ એકેડેમી ઓફ કસ્ટમ્સ, ઇનડાયરેક્ટ ટેક્સીસ એન્ડ નાર્કોટિક્સ (NACIN)ના નવા કેમ્પસનું ઉદ્ઘાટન કરશે. પ્રધાનમંત્રી ભારતીય મહેસૂલ સેવા (કસ્ટમ્સ અને પરોક્ષ કર)ની 74મી અને 75મી બેચના અધિકારી તાલીમાર્થીઓ તેમજ ભૂટાનની રોયલ સિવિલ સર્વિસના અધિકારી તાલીમાર્થીઓ સાથે પણ વાર્તાલાપ કરશે.
નેશનલ એકેડમી ઓફ કસ્ટમ્સ, ઇનડાયરેક્ટ ટેક્સીસ એન્ડ નાર્કોટિક્સ (NACIN): નાગરિક સેવા ક્ષમતા નિર્માણ દ્વારા શાસનમાં સુધારો કરવાના PM મોદીના વિઝન હેઠળ, નેશનલ એકેડેમી ઓફ કસ્ટમ્સ, ઇનડાયરેક્ટ ટેક્સીસ એન્ડ નાર્કોટિક્સ (NACIN) શ્રી સત્ય સાઈ જિલ્લાના પલાસમુદ્રમ ખાતે સ્થાપિત કરવામાં આવી છે. આંધ્ર પ્રદેશ NACIN ના નવા અદ્યતન કેમ્પસની કલ્પના કરવામાં આવી છે.
એકેડમીની ખાસીયત : આ એકેડમી 500 એકર વિસ્તારમાં ફેલાયેલી છે. તે પરોક્ષ કરવેરા (કસ્ટમ્સ, સેન્ટ્રલ એક્સાઇઝ અને ગુડ્સ એન્ડ સર્વિસીસ ટેક્સ) અને નાર્કોટિક્સ કંટ્રોલ એડમિનિસ્ટ્રેશનના ક્ષેત્રમાં ક્ષમતા નિર્માણ માટે ભારત સરકારની સર્વોચ્ચ સંસ્થા છે. રાષ્ટ્રીય સ્તરની વિશ્વ કક્ષાની તાલીમ સંસ્થા ભારતીય મહેસૂલ સેવા (કસ્ટમ્સ અને પરોક્ષ કર) તેમજ કેન્દ્રીય સંલગ્ન સેવાઓ, રાજ્ય સરકારો અને ભાગીદાર દેશોના અધિકારીઓને તાલીમ આપશે.
નવી તકો મળશે : આ નવા કેમ્પસના ઉમેરા સાથે, NACIN તાલીમ અને ક્ષમતા નિર્માણ માટે નવી યુગની તકનીકો જેમ કે ઓગમેન્ટેડ અને વર્ચ્યુઅલ રિયાલિટી, બ્લોક-ચેન તેમજ આર્ટિફિશિયલ ઈન્ટેલિજન્સ અને અન્ય ઉભરતી તકનીકોના ઉપયોગ પર ધ્યાન કેન્દ્રિત કરશે.
