- ઉત્તરાખંડમાં પડેલા વરસાદથી ભારે વિનાશ
- દુર્ઘટનાને કારણે અત્યાર સુધીમાં 35 લોકોના મોત
- રાજ્યને 5000 કરોડનું નુકસાન થયું
દેહરાદૂન: ઉત્તરાખંડમાં પડેલા વરસાદથી ભારે વિનાશ (Heavy destruction by rain)થયો છે. આવી સ્થિતિમાં વડાપ્રધાન મોદી (Prime Minister Modi)રાજ્યમાં થઈ રહેલા આપત્તિ રાહત અને બચાવ કાર્ય પર પણ નજર રાખી રહ્યા છે. આજે સવારે વડાપ્રધાન મોદીએ મુખ્યપ્રધાન પુષ્કર સિંહ ધામી (Chief Minister Pushkar Singh Dhami)પાસેથી રાહત અને બચાવ કાર્ય વિશે માહિતી લીધી.
વડાપ્રધાન મોદીએ ધામી પાસેથી રહેલી રાહત અને બચાવ કામગીરીની જાણકારી લીધી
વડાપ્રધાન નરેન્દ્ર મોદીએ ઉત્તરાખંડમાં (Uttarakhand)આફત અંગે ચાલી રહેલી રાહત અને બચાવ કામગીરી અંગે મુખ્યપ્રધાન ધામી પાસેથી જાણકારી લીધી. આવી સ્થિતિમાં મુખ્યપ્રધાન ધામીએ વડાપ્રધાન મોદીને કહ્યું કે, અસરગ્રસ્ત વિસ્તારોમાં રાહત કાર્ય ઝડપથી ચાલી રહ્યું છે. આ સાથે અસરગ્રસ્તોને આર્થિક સહાય પણ આપવામાં આવી રહી છે. તે જ સમયે, આપત્તિ પીડિતોના પુનર્વસન માટે કામ ચાલુ છે.
રાજ્યને થયેલા નુકસાનની વાસ્તવિક તસવીરો સામે આવી
ઉત્તરાખંડમાં 17, 18 અને 19 ઓક્ટોબરે ભારે વરસાદને કારણે થયેલા નુકસાન ધીમે ધીમે સામે આવી રહ્યા છે. આ દુર્ઘટનામાં ઘણા લોકોએ જીવ ગુમાવ્યા છે. રાજ્યમાં હજુ પણ ઘણા રસ્તાઓ બ્લોક છે. સરકાર-પ્રશાસન આપત્તિના કારણે થયેલા નુકસાનમાંથી બહાર આવવા માટે રાહત અને બચાવ કાર્યમાં સતત વ્યસ્ત છે. મુખ્યપ્રધાન પુષ્કર ધામી સતત દુર્ઘટનાગ્રસ્ત વિસ્તારોની મુલાકાત લઈ રહ્યા છે અને વ્યવસ્થાઓની સમીક્ષા કરી રહ્યા છે. આ સાથે અસરગ્રસ્તોની સમસ્યાઓથી વાકેફ કરવામાં આવી રહ્યા છે. રાહત અને બચાવ કામગીરી પૂર્ણ કરવામાં આવી રહી છે. જો કે, રાજ્યને થયેલા નુકસાનની વાસ્તવિક તસવીરો સામે આવી રહી છે.
જિલ્લામાં 74 ઇમારતોને નુકસાન
રાજ્યને 5000 કરોડનું નુકસાન થયું છે. આપત્તિ વ્યવસ્થાપનના આંકડા રાજ્યમાં આકાશી તબાહી મચાવ્યા બાદ સ્થિતિ કેવી છે તે સાબિત કરી રહ્યા છે. નૈનીતાલ જિલ્લામાં દુર્ઘટનાને કારણે અત્યાર સુધીમાં 35 લોકોના મોતની પુષ્ટિ થઈ છે. 5 લોકો ઘાયલ થયા છે. જિલ્લામાં 74 ઇમારતોને નુકસાન થયું છે. આ ઉપરાંત જિલ્લામાં 4 રાજ્યના મોટર માર્ગો અને 36 ગ્રામ્ય મોટર માર્ગો બ્લોક છે, તેને ખોલવાની કાર્યવાહી કરવામાં આવી રહી છે.
આ પણ વાંચોઃ પુતિને 'આતંકવાદી જૂથ'ની શ્રેણીમાંથી હટાવવાનો આપ્યો સંકેત, તાલિબાને નિર્ણયને આવકાર્યો
આ પણ વાંચોઃ અમિત શાહના જમ્મૂ-કાશ્મીર પ્રવાસનો આજે ત્રીજો દિવસ, વિવિધ વિકાસકાર્યોનો કરશે શિલાન્યાસ
