પંજાબના મુખ્યપ્રધાનના ફાર્મ હાઉસનો ઘેરાવ કરતા AAP કાર્યકર્તા પર પાણીનો મારો ચલાવાયો

પંજાબમાં વીજ સંકટ મામલે આમ આદમી પાર્ટીના કાર્યકર્તાઓએ મુખ્યપ્રધાન અમરિન્દર સિંહના ફાર્મ હાઉસનો ઘેરાવ કર્યો હતો. આ સાથે આપ કાર્યકર્તાઓએ બેરીકેટ્સ પણ તોડ્યા હતા, જે બાદ પોલીસે તેમના પર પાણીનો મારો ચલાવ્યો હતો.

• AAP કાર્યકર્તાઓએ પંજાબના મુખ્યપ્રધાનના ફાર્મ હાઉસનો ઘેરાવ કર્યો
• AAP કાર્યકર્તાઓ પર પાણીનો મારો ચલાવવામાં આવ્યો
• પંજાબના મુખ્યપ્રધાને કરકસરપૂર્વક વીજ વપરાશ કરવા માટે અપીલ કરી

ચંદીગઢ : પંજાબમાં વીજળી સંકટને કારણે આમ આદમી પાર્ટીના કાર્યકર્તાઓ દ્વારા પંજાબના મુખ્યપ્રધાન અમરિંદર સિંહના સિસવા ફર્મ હાઉસની બહાર વિરોધ પ્રદર્શન કરવામાં આવી રહ્યો છે. આપ કાર્યકર્તાઓને હટાવવા માટે પોલીસ દ્વારા અગ્નિશામક દળની ગાડીનો ઉપયોગ કરીને AAP કાર્યકર્તાઓ પર પાણીનો મારો ચલાવવામાં આવ્યો છે.

AAP કાર્યકર્તાઓએ પંજાબના મુખ્યપ્રધાનના ઘરનો ઘેરાવ કર્યો

ઉલ્લેખનીય છે કે, આમ આદમી પાર્ટીના કાર્યકર્તાઓએ પંજાબના મુખ્યપ્રધાન કેપ્ટન અમરિંદર સિંહના ફાર્મ હાઉસનો ઘેરાવ કર્યો હતો. કાર્યકર્તાઓને રોકવા માટે પોલીસે બેરીકેડિંગ કરવામાં આવ્યું હતું. આ બેરીકેટ્સ આપ કાર્યકર્તાઓએ તોડી નાખ્યા હતા. જે બાદ પોલીસે પ્રદર્શનકારીઓ પર પાણીનો મારો ચલાવ્યો હતો. આ પહેલા પંજાબમાં વીજકાપના વિવિદ વચ્ચે કોંગ્રેસ નેતા નવજોત સિંહ સિદ્ધુએ શિરોમણી અકાલી દળ અને ભારતીય જનતા પાર્ટીની ગઠબંધનવાળી સરકાર દ્વારા કરવામાં આવેલા વીજળી ખરીદ વાટાઘાટો (PPA)ને રદ્દ કરવા માટે નવો કાયદો લાવવા માટે આગ્રહ કર્યો હતો.

રાજ્યમાં 14,500 મેગાવોટ વીજની જરૂરિયાત

મુખ્યપ્રધાન અમરિંદર સિંહ પર પરોક્ષ રીતે શાબ્દિક પ્રહાર કરતા જણાવ્યું કે, જો રાજ્ય સાચી દિશામાં કામ કરી રહ્યું છે તો, પંજાબમાં વીજકાપ કે કાર્યાલયના સમયને વિનિયમિત કરવા માટેની કોઇ આવશ્યકતા રહેતી નથી. વીજળી મુદ્દે શ્રેણીબદ્ધ ટ્વીટ કરતા પૂર્વ પ્રધાને જણાવ્યું હતું કે, PPA રાજ્યની જનતાના હિત માટે નથી અને તેને રદ્દ કરવામાં આવવો જોઇએ. પંજાબની રાજ્ય સરકારે ગુરૂવારના રોજ ઓફિસ સમયે શુક્રવારથી વધુ વીજ વપરાશ કરતા ઉદ્યોગોને વીજળી આપી શકાય તે માટે આ વીજકાપ કરવાનો આદેશ આપ્યો છે. રાજ્યમાં 14,500 મેગાવોટ વીજની જરૂરિયાત છે, જે કારણે પંજાબના મુખ્યપ્રધાને જરૂરિયાત પૂરતો અને કરકસરપૂર્વક વીજ વપરાશ કરવા માટે અપીલ કરી હતી.

પંજાબ સરેરાશ યુનિટ દીઠ 4.54 રૂપિયાના ખર્ચે વીજળી ખરીદી રહ્યું છે

પંજાબની મુખ્ય વિપક્ષ આમ આદમી પાર્ટીએ સોમવારના રોજ આક્ષેપ કર્યો છે કે, ગત ટર્મની સરકારના કાર્યકાળ દરમિયાન સહી થયેલા ખામીયુક્ત PPAને કારણે રાજ્યના પાવર સેક્ટર પર પ્રતિકૂળ અસર પડી હતી. મુળ પંજાબ મોડલની હિમાયત કરતાં સિદ્ધુએ જણાવ્યું હતું કે, સૌર અને બાયો-ફ્યુઅલ આધારિત ઉર્જાનો ઉપયોગ બાકી છે. વીજ ખરીદીના ખર્ચ અંગે સિદ્ધુએ જણાવ્યું હતું કે, પંજાબ સરેરાશ યુનિટ દીઠ 4.54 રૂપિયાના ખર્ચે વીજળી ખરીદી રહ્યું છે, જે યુનિટ દીઠ 3.85ની રાષ્ટ્રીય સરેરાશ કરતા ઘણી વધારે છે. રાજ્યના ત્રણ ખાનગી થર્મલ પ્લાન્ટ્સ પર એકમ દીઠ રૂપિયા 5થી 8ના દરે રાજ્યની અવલંબનને કારણે અન્ય રાજ્યોની તુલનામાં પંજાબે વધુ ચુકવણી કરવાની રહેશે.

પંજાબના વીજ સંકટથી જાહેર જનજીવન, ઉદ્યોગ અને કૃષિ ખરાબ રીતે પ્રભાવિત - માયાવતી

માયાવતીએ ટ્વિટ કર્યું હતું કે, “પંજાબના વીજ સંકટથી જાહેર જનજીવન, ઉદ્યોગ અને કૃષિ ખરાબ રીતે પ્રભાવિત છે, જે સાબિત કરે છે કે, રાજ્યની કોંગ્રેસ સરકાર પરસ્પર જૂથવાદ, ઝઘડા અને મુકાબલોમાં ફસાયેલી છે. જનહિત અને લોક કલ્યાણની જવાબદારી છોડી દીધી છે. લોકોએ આ ધ્યાને લેવું જરૂરી છે.

આ પણ વાંચો -