રાજસ્થાન : જિલ્લાના મંદાર પોલીસ સ્ટેશને રવિવારે નોટોથી ભરેલી કાર ઝડપાઈ છે. પોલીસે કારને રોકીને તેની તલાશી લીધી, જેમાં ત્રણ કરોડ રૂપિયા મળી આવ્યા. આ સાથે પોલીસે આ કેસમાં બે લોકોની ધરપકડ કરી હતી. પોલીસે પકડાયેલા આરોપીની પૂછપરછ હાથ ધરી છે. સ્ટેશન ઓફિસર ભંવરલાલે જણાવ્યું હતું કે, આ પૈસા હવાલાના છે.
ગુજરાત જતી કારમાંથી 3 કરોડ રૂપિયા ઝડપાયા : મંદાર પોલીસ સ્ટેશનના અધિકારી ભંવરલાલે જણાવ્યું હતું કે, એસપી મમતા ગુપ્તાની સૂચના પર રવિવારે મંદાર ટોલ બ્લોક પર નાકાબંધી કરવામાં આવી રહી હતી, તે દરમિયાન સિરોહીથી ગુજરાત તરફ જતી કારને રોકવામાં આવી હતી. આ દરમિયાન કાર ચાલકને પૂછપરછ કરવામાં આવતા તે સંતોષકારક જવાબ આપી શક્યો ન હતો. પોલીસને કારમાં કોઈ શંકાસ્પદ વસ્તુ હોવાની શંકા હતી, જેના આધારે કારની તલાશી લેવામાં આવી હતી. કારની સીટ નીચે એક અલગ બોક્સ મળી આવ્યું હતું, જે ખોલીને તપાસ કરતાં રોકડ ભરેલું બંડલ મળી આવ્યું હતું. પોલીસે રૂપિયા સાથે કાર કબજે કરી હતી.
આ પણ વાંચો : Vadodara Crime News : સાવલી પોલીસે ભારતીય બનાવટનાં વિદેશી દારૂનો મોટો જથ્થો ઝડપી પાડ્યો
નોટો ગણવા મશીન મંગાવ્યું, પૈસા સોંપવામાં આવ્યા : પોલીસ અધિકારીએ જણાવ્યું હતું કે, મોટી રકમની રોકડ મળી આવ્યા બાદ પોલીસ સ્ટેશનમાં નોટ ગણવાનું મશીન મંગાવવામાં આવ્યું હતું. રૂપિયાની ગણતરી કરવામાં આવી હતી, જેમાં 500 અને 2000ની નોટ સામેલ હતી. ગણતરી દરમિયાન કારમાંથી ત્રણ કરોડ રૂપિયા મળી આવ્યા હતા. તેણે જણાવ્યું કે આ પૈસાની હેન્ડઓવર હતી જે ગુજરાતના જોધપુરથી ગાંધીનગર જઈ રહી હતી.
આ પણ વાંચો : Ahmedabad hit and run case: સોલામાં હિટ એન્ડ રન કેસમાં સામેલ આરોપીની ક્રાઈમ બ્રાન્ચે ગણતરીના કલાકોમાં કરી ધરપકડ
બે આરોપીઓની ધરપકડ : મંદાર પોલીસ અધિકારી ભંવરલાલના જણાવ્યા અનુસાર મંદાર પોલીસે આ કેસમાં ગુજરાતના મહેસાણાના રહેવાસી સુરેન્દ્રભાઈ પુત્ર માધવલાલ પટેલ અને નીલેશ પુત્ર અમૃતલાલ પટેલની ધરપકડ કરી છે. બીજી તરફ પોલીસે કરેલી કાર્યવાહીમાં મંદાર પોલીસ સ્ટેશનના ઓમપ્રકાશ અને જુથારામે મહત્વની ભૂમિકા ભજવી હતી. પોલીસ આરોપીની પૂછપરછ કરી રહી છે કે કેટલા લોકો પાસે પૈસા હતા અને ડિલિવરી ક્યાં આપવાના હતા. તેમણે કહ્યું કે, આ મામલાની જાણ આવકવેરા વિભાગને કરવામાં આવી છે.
