નવી દિલ્હી: સીબીઆઈ એક્સાઈઝ પોલિસીના મામલામાં આજે સવારે 11 વાગ્યે દિલ્હીના ડેપ્યુટી સીએમ મનીષ સિસોદિયાની પૂછપરછ કરવા જઈ રહી છે.(CBI is going to question Delhi Deputy CM) ઘરની બહાર નીકળતા પહેલા મનીષ સિસોદિયા તેની માતાના આશીર્વાદ લેતા જોવા મળ્યા હતા.
ચૂંટણી પ્રચાર અટકશે નહીં: આ સાથે જ સિસોદિયાએ ટ્વીટ કર્યું હતું કે, "મારી સામે સાવ ખોટો કેસ કરવામાં આવ્યો છે. મારા ઘરે દરોડો પડ્યો, કંઈ મળ્યું નહીં, મારા બધા બેંક લોકર જોયા, કંઈ મળ્યું નહીં, મારા ગામમાં જઈને બધી તપાસ કરી, કંઈ મળ્યું નહીં. આ કેસ સાવ ખોટો છે, પરંતુ મારા જેલમાં જવાથી ગુજરાતમાં ચૂંટણી પ્રચાર અટકશે નહીં. આજે દરેક ગુજરાતી ઉભા થયા છે. ગુજરાતનું બાળક હવે સારી શાળા, હોસ્પિટલ, નોકરી, વીજળી માટે ઝુંબેશ ચલાવી રહ્યું છે. ગુજરાતમાં આવનારી ચૂંટણી એક આંદોલન બની રહેશે. તેઓ મારી સામે ખોટો કેસ કરીને મારી ધરપકડ કરવાની તૈયારી કરી રહ્યા છે."
સંપૂર્ણ સહયોગ આપશે: તેમણે આગળ કહ્યું હતું કે, "આગામી દિવસોમાં ચૂંટણી પ્રચાર માટે મારે ગુજરાત જવાનું હતું. આ લોકો ગુજરાતને ખરાબ કરી રહ્યા છે. તેમનો હેતુ મને ગુજરાત ચૂંટણી પ્રચારમાં જવાથી રોકવાનો છે. તેમણે એમ પણ કહ્યું કે તેઓ સીબીઆઈ હેડક્વાર્ટર જશે અને સંપૂર્ણ સહયોગ આપશે. સીબીઆઈ હેડક્વાર્ટર જતા પહેલા તેઓ રાજઘાટની પણ મુલાકાત લેશે."
ત્રણની ધરપકડ: બીજી તરફ, આમ આદમી પાર્ટીએ દાવો કર્યો છે કે, સીબીઆઈ મનીષ સિસોદિયાની ધરપકડ કરશે અને આરોપ લગાવ્યો છે કે આ પગલું ગુજરાતમાં આગામી વિધાનસભા ચૂંટણીને ધ્યાનમાં રાખીને શરૂ કરવામાં આવ્યું છે. જ્યાં તે ભાજપ સાથે સીધી સ્પર્ધામાં છે. એક્સાઈઝ કેસમાં સીબીઆઈ એફઆઈઆરમાં સિસોદિયાનું નામ પ્રથમ આરોપી તરીકે રાખવામાં આવ્યું છે અને આ કેસમાં અગાઉ પણ સિસોદિયાની પૂછપરછ કરવામાં આવી છે. આ કેસમાં અત્યાર સુધીમાં ત્રણની ધરપકડ કરવામાં આવી છે.
કલમ 144 લાગુ: સિસોદિયાના ઘરની આસપાસ કલમ 144 લાગુ કરવામાં આવી છે. સિસોદિયાના નિવાસસ્થાને કાર્યકરો ભેગા થવાની આશંકાથી આ પગલું ભરવામાં આવ્યું છે. ઘરની આસપાસ દિલ્હી પોલીસ અને અર્ધલશ્કરી દળોને ભારે તૈનાત કરવામાં આવ્યા છે.
