- દેશમાં પેટ્રોલ અને ડીઝલના ભાવ સતત આસમાને
- સતત બીજા દિવસે ભાવમાં વધારો
- પેટ્રોલ- ડીઝલની કિંમતો અત્યાર સુધીની સર્વોચ્ચ સપાટીએ
નવી દિલ્હીઃ દેશમાં પેટ્રોલ અને ડીઝલના (Petrol and Diesel Price)ભાવ સતત આસમાને છે. પેટ્રોલિયમ પેદાશોના ભાવ દરરોજ વધી રહ્યા છે. તેલ કંપનીઓએ શુક્રવારે પણ પેટ્રોલ અને ડીઝલના ભાવમાં વધારો કર્યો છે.
પેટ્રોલ અને ડીઝલના ભાવમાં વધારો
પેટ્રોલ અને ડીઝલના ભાવમાં પ્રતિ લીટર 35 પૈસાનો વધારો કરવામાં આવ્યો છે. આ વધારા સાથે દેશભરમાં પેટ્રોલ (Petrol)અને ડીઝલની(Diesel) કિંમતો અત્યાર સુધીની સર્વોચ્ચ સપાટીએ પહોંચી ગઈ છે. પેટ્રોલિયમ કંપની ઈન્ડિયન ઓઈલ કોર્પોરેશન (IOCL) અનુસાર, પેટ્રોલની કિંમત દિલ્હીમાં 108.64 રૂપિયા પ્રતિ લીટર અને મુંબઈમાં 114.47 રૂપિયા પ્રતિ લીટર થઈ ગઈ છે. તે જ સમયે, દેશની આર્થિક રાજધાની મુંબઈમાં ડીઝલ હવે 105.49 રૂપિયા પ્રતિ લિટર મળી રહ્યું છે, જ્યારે રાષ્ટ્રીય રાજધાની દિલ્હીમાં ડીઝલની કિંમત 97.37 રૂપિયા પ્રતિ લિટર છે.
મહાનગરોમાં પેટ્રોલ અને ડીઝલના આજના ભાવ
| શહેરનું નામ | પેટ્રોલ | ડીઝલ |
| દિલ્હી | 108.64 | 97.37 |
| મુંબઈ | 114.47 | 105.49 |
| કોલકાતા | 109.02 | 100.49 |
| ચેન્નાઈ | 105.43 | 101.59 |
ઓક્ટોબરમાં પેટ્રોલ અને ડીઝલના ભાવમાં રેકોર્ડ વધારો
ઓક્ટોબરમાં પેટ્રોલ અને ડીઝલના ભાવમાં રેકોર્ડ વધારો થયો છે. જ્યારે દેશના તમામ મોટા શહેરોમાં પેટ્રોલ 100 રૂપિયા પ્રતિ લીટરને સ્પર્શી ગયું છે, ત્યારે ડીઝલ પણ એક ડઝનથી વધુ રાજ્યોમાં તે સ્તરને વટાવી ગયું છે. શ્રીનગરથી ચેન્નાઈ સુધીના ઘણા શહેરોમાં ડીઝલની સદી 100નો આંકડો પાર કરી ગઈ છે.
ટેક્સના આધારે રાજ્યોમાં ભાવ અલગ-અલગ
સ્થાનિક ટેક્સના આધારે રાજ્યોમાં પેટ્રોલ અને ડીઝલના ભાવ અલગ-અલગ હોય છે. આંતરરાષ્ટ્રીય બજારમાં ક્રૂડની કિંમતના આધારે પેટ્રોલ અને ડીઝલની કિંમત દરરોજ અપડેટ કરવામાં આવે છે. ઓઇલ માર્કેટિંગ કંપનીઓ કિંમતોની સમીક્ષા કર્યા પછી દરરોજ પેટ્રોલ અને ડીઝલના ભાવ નક્કી કરે છે. ઈન્ડિયન ઓઈલ, ભારત પેટ્રોલિયમ અને હિન્દુસ્તાન પેટ્રોલિયમ ઓઈલ કંપનીઓ દરરોજ સવારે વિવિધ શહેરોની પેટ્રોલ અને ડીઝલના ભાવની માહિતી અપડેટ કરે છે.
એસએમએસ દ્વારા તમારા શહેરમાં પેટ્રોલ અને ડીઝલની પ્રતિ લિટર કિંમત જાણો
તમે માત્ર એક SMS દ્વારા તમારા શહેરમાં દરરોજ પેટ્રોલ અને ડીઝલની કિંમત જાણી શકો છો. આ માટે ઈન્ડિયન ઓઈલ (IOCL)ના ગ્રાહકોએ RSP કોડ લખીને 9224992249 નંબર પર મોકલવાનો રહેશે.
આ પણ વાંચોઃ કર્ણાટકના કોડાગુની શાળામાં કોરોના બોમ્બ વિસ્ફોટ 31 વિદ્યાર્થીઓ સંક્રમિત
આ પણ વાંચોઃપ્રશાંત કિશોરે કોંગ્રેસને બતાવ્યો અરીસો, બોલ્યા- રાહુલ PM મોદીની તાકાતનો અંદાજો નથી લગાવી શકતા
