હજારો લોકો ઘોડાની અંતિમ વિધીમાં જોડાયા, 15 લોકો સામે કેસ દાખલ

કર્ણાટકમાં ઘોડાના અંતિમ સંસ્કારમાં ભાગ લેવા માટે લોકોએ કર્યું કોરોના ગાઇડલાઇનનું ઉલ્લંઘન કર્ણાટકના બેલાગવીના મરાડિમાથ વિસ્તારમાં સેંકડો લોકો ઘોડાના અંતિમ સંસ્કારમાં જોડાયા હતા. જે દરમિયાન કોરોના સંક્રમણથી બચવા માટે જાહેર કરવામાં આવેલી માર્ગદર્શિકાનું ઉલ્લંઘન થઇ રહ્યું હોવાનું વીડિયોમાં સામે આવ્યું છે.

• કર્ણાટકમાં ભેગા થયા હજારો લોકો
• ઘોડોની અંતિમ વિધીમાં ઉમટી ભીડ
• પોલીસે દાખલ કરી ફરીયાદ

બેલાગાવી: કર્ણાટકના બેલાવાના મારાડી મથ વિસ્તારમાં કોરોનાની ગાઇડની અવગણના કરીને હજારો લોકો એકઠા થયા હતાં. પ્રાપ્ત માહિતી અનુસાર બેલાગાવીમાં લોકોને મારાડી મથમાં અખૂટ શ્રદ્ધા છે અને આ મઠનો એક ઘોડો છે જેને શૌર્ય નામ આપવામાં આવ્યું હતું. લોકોમાં એવી માન્યતા છે કે આ ઘોડો દિવ્ય છે.

15 લોકો સામે નોંધાઇ ફરીયાદ

આ ઘોડાનું પરમ દિવસે અવસાન થયું હતું જેના કારણે હજારો લોકો ઘોડાની અંતિમ યાત્રામાં જોડાયા હતાં. જો કે આ અંતિમયાત્રામાં કોરોનાના તમામ નિયમોની અવગણના કરવામાં આવી હતી. આ ઘટનાનો વીડિયો સોશિય મીડિયામાં વાઇરલ થતાં પોલીસે આ ઘટનાને ગંભીરતાથી લીધી છે અને 15 લોકો સામે કેસ નોંધવામાં આવ્યા છે. આ ઉપરાંત જે લોકો આ અંતિમ વિધીમાં જોડાયા હતાં તે તમામના ટેસ્ટ કરવામાં આવ્યા છે.