પ્રયાગરાજઃ યુપીના પ્રયાગરાજમાં શુક્રવારે થયેલી હિંસાની (prayagraj violence case) ઘટનાના માસ્ટરમાઈન્ડ જાવેદ પંપના ઘરે બાબાનું બુલડોઝર ચાલાવવામાં આવ્યું હતું. પ્રયાગરાજ ડેવલપમેન્ટ ઓથોરિટીની (PDA ) ટીમ પણ હાજર હતી. PDA પાસેથી નકશા મંજૂર કર્યા વિના જ જાવેદે પોતાનું ઘર નિયમો વિરુદ્ધ બનાવવામાં આવ્યું હોવાનો દાવો કરવામાં આવી રહ્યો છે. આ કારણોસર રવિવારે તેને તોડી પાડવામાં આવ્યું હતું. ડિમોલિશનની કાર્યવાહી પહેલા આ વિસ્તારમાં મોટી સંખ્યામાં પોલીસ દળો તૈનાત કરવામાં આવ્યા (bulldozer On violence mastermind) હતા. આ સાથે અધિકારીઓએ પોલીસકર્મીઓને કોઈપણ પ્રકારની પરિસ્થિતિનો સામનો કરવા માટે તૈયાર રહેવા જણાવ્યું છે.
આ પણ વાંચો : Violence in Gujarat: આણંદમાં ગઈકાલે રાત્રે હિંસા, બે સમુદાયો વચ્ચે અથડામણમાં અનેક લોકો ઈજાગ્રસ્ત
પ્રયાગરાજ હિંસા કેસની યાદી : હિંસાના માસ્ટરમાઇન્ડ (violence mastermind Prayagraj) કહેવાતા જાવેદ મોહમ્મદ ઉર્ફે જાવેદ પંપનું નામ પણ પ્રયાગરાજ હિંસા કેસની યાદીમાં સામેલ છે. જાવેદનું ઘર કારેલીના જેકે આશિયાના વિસ્તારમાં છે. ત્યાં પણ PDA સર્વેની કામગીરી હાથ ધરી છે. આ સાથે આ ઘટનાને અંજામ આપવામાં મહત્વની ભૂમિકા ભજવનાર અન્ય 37 લોકોના નામ પણ બે પાનાની આ યાદીમાં સામેલ છે.
અતિક્રમણ અભિયાન ચલાવાશે : ADG ઝોન પ્રયાગરાજ પ્રેમ પ્રકાશે શુક્રવારે જ કહ્યું હતું કે, આ ઉપદ્રવ માટે કાવતરું ઘડનારાઓની તપાસ કરવામાં આવી રહી છે. જે લોકો તપાસમાં સામેલ થશે તેમના ગેરકાયદે બાંધકામો તોડી પાડવામાં આવશે. તેમજ તેમની સામે કાયદેસરની કાર્યવાહી કરવામાં આવશે. એટલું જ નહીં, અટાલા વિસ્તારમાં રોડની બાજુમાં ગેરકાયદેસર રીતે બનાવેલી દુકાનો સામે પણ અતિક્રમણ અભિયાન ચલાવવામાં આવશે. આ એપિસોડમાં પ્રયાગરાજ ડેવલપમેન્ટ ઓથોરિટીની ટીમ શનિવારે અટાલા વિસ્તારમાં પહોંચી અને રોડ મેપ અને ઘરના નકશા અનુસાર તપાસ શરૂ કરી છે.
આ પણ વાંચો : હાવડામાં 3 દિવસ માટે ઈન્ટરનેટ સેવાઓ રહેશે બંધ
કાનપુર હિંસામાં આરોપીની પૂછપરછ : આ સાથે જ, કાનપુરના પરેડ સ્ક્વેર ખાતે હિંસા મામલે પોલીસે મુખ્ય આરોપી હયાત ઝફર હાશ્મી અને અન્ય 3 આરોપીઓની પૂછપરછ કરી હતી. પોલીસ કસ્ટડીમાં 9 કલાકની પૂછપરછ દરમિયાન આરોપીઓએ ઘણા રહસ્યો ખોલ્યા છે. કોર્ટના આદેશ પર પોલીસે મુખ્ય આરોપી હયાત અને તેના અન્ય સહયોગીઓને શનિવારથી 72 કલાકના રિમાન્ડ પર લીધા છે.
