નવી દિલ્હી: રાજધાનીના ઈન્દિરા ગાંધી ઈન્ટરનેશનલ એરપોર્ટના (Delhi Indira Gandhi International Airport) ટર્મિનલ 3 પર હવાઈ મુસાફર દ્વારા જાહેરમાં પેશાબ કરવાનો વધુ એક મામલો (passenger urinated at igi airport terminal delhi) સામે આવ્યો છે. આ મામલો 8 જાન્યુઆરીનો હોવાનું સામે આવ્યું છે. જણાવવામાં આવ્યું કે જ્યારે પેસેન્જર ફ્લાઈટ પકડવા માટે ટર્મિનલ 3 પર પહોંચ્યો ત્યારે તે સંપૂર્ણ રીતે નશામાં હતો. આરોપી મુસાફરે અહીંથી સાઉદી અરેબિયાની ફ્લાઈટ પકડવાની હતી. પરંતુ તે પહેલા, જ્યારે તે ટર્મિનલ 3માં પ્રવેશવા જતો હતો ત્યારે તેણે ટર્મિનલ 3ના ગેટ નંબર 6ની સામે લોકોની સામે ખુલ્લેઆમ પેશાબ કર્યો હતો.
આ પણ વાંચો: ફ્લાઈટમાં મહિલા પર પેશાબ કરવાની ઘટનાને લઈ CEO એ માફી માંગી
નશામાં એરપોર્ટ પર અભદ્ર વર્તન: આ દરમિયાન કેટલાક લોકોએ તેને રોકવાનો પ્રયાસ પણ કર્યો હતો, પરંતુ તેણે તેમની સાથે દુર્વ્યવહાર કર્યો હતો. બાદમાં આરોપી મુસાફરની ધરપકડ કરવામાં આવી હતી. આઈજીઆઈ એરપોર્ટ પોલીસ સ્ટેશનની પોલીસે જણાવ્યું કે ધરપકડ કરાયેલા મુસાફરનું નામ ઝહુર અલી ખાન છે, જે દ્વારકાના મોહન ગાર્ડનનો રહેવાસી છે. તેને ઈન્ડિગોની ફ્લાઈટ દ્વારા સાઉદી અરેબિયા જવાનું હતું. મુસાફર પર આરોપ છે કે તે ટર્મિનલ 3 ના ગેટ નંબર 6 ની સામે ફર્યો અને પછી મુસાફરોથી ભરેલા ગેટની સામે પેશાબ કર્યો. આ આખી ઘટના ત્યાં તૈનાત CISFના ASIએ જોઈ. તેઓ તરત જ આરોપી પેસેન્જર તરફ દોડ્યા અને તેને પકડી લીધો. આ દરમિયાન લોકોએ વિરોધ કર્યો તો આરોપીઓએ તેમની સાથે પણ દુર્વ્યવહાર (Indecent behavior with passengers at igi) કર્યો.
આ પણ વાંચો: DGCAએ Go Firstનો ઉધડો લીધો, જવાબદારી સામે બેદરકારી કેમ? ખુલાસો કરો
આરોપીની ધરપકડ: આ પછી, આરોપી મુસાફરને પોલીસે બોલાવીને તેમને હવાલે કર્યો હતો. પોલીસે જણાવ્યું કે આરોપી મુસાફરની ધરપકડ કરી લેવામાં આવી છે. તેનું મેડિકલ પણ કરવામાં આવ્યું હતું, જેમાં તે નશામાં જોવા મળ્યો હતો. બાદમાં જ્યારે પેસેન્જરને પૂછપરછ કરવામાં આવી તો તેણે કહ્યું કે તે શું કરી રહ્યો છે તેની તેને ખબર નથી. તે નશામાં હતો અને તે સમયે તે કંઈ સમજી શક્યો ન હતો. તે સાઉદી અરેબિયામાં નોકરી કરવા જઈ રહ્યો હતો. ઉલ્લેખનીય છે કે, ગયા વર્ષે નવેમ્બર મહિનામાં મુંબઈના એક એર પેસેન્જર દ્વારા ફ્લાઈટની અંદર એક મહિલા પર પેશાબ કરવાના મામલો પણ સામે આવ્યો હતો. આ કેસમાં એર ઈન્ડિયા પણ મુશ્કેલીમાં મુકાઈ હતી, જે બાદ પોલીસે એફઆઈઆર નોંધી આરોપીની બેંગ્લોરથી ધરપકડ કરી હતી અને તેને ન્યાયિક કસ્ટડીમાં તિહાર જેલમાં મોકલી આપ્યો હતો.
