અમૃતસરઃ પાકિસ્તાન સતત ડ્રોન દ્વારા ડ્રગ્સ અને હથિયારો મોકલવાની કોશિશ કરી રહ્યું છે. BSF જવાનોએ અમૃતસર જિલ્લાના મુલ્લાકોટ ગામના ઘઉંના ખેતરમાં એક મોટી થેલી શોધી કાઢી હતી. જેની અંદરથી 3 કિલો 200 ગ્રામ હેરોઈન મળી આવ્યું હતું. ઝડપાયેલા હેરોઈનની આંતરરાષ્ટ્રીય કિંમત આશરે 21 કરોડ રૂપિયા હોવાનું કહેવાય છે.
શંકાસ્પદ ડ્રોનની ઘુસણખોરી: વાસ્તવમાં સરહદ પર તૈનાત જવાનોએ અમૃતસર જિલ્લાના મુલ્લાકોટ ગામ પાસેના વિસ્તારમાં પાકિસ્તાન તરફથી ભારતીય ક્ષેત્રમાં ઘૂસતા એક શંકાસ્પદ ડ્રોનનો અવાજ સાંભળ્યો હતો. આ પછી BSF રેન્જર્સે તરત જ પ્રતિક્રિયા આપી અને ઘૂસણખોરી કરી રહેલા ડ્રોન પર ફાયરિંગ શરૂ કરી દીધું. આ પછી આ વિસ્તારમાં તૈનાત જવાનોએ બચીવિંડ ગામના ઘઉંના ખેતરોમાં ડ્રોનથી કંઈક પડવાનો અવાજ પણ સાંભળ્યો, ત્યારબાદ ડ્રોન પાકિસ્તાન પરત ફર્યું હતું.
આ પણ વાંચો: BSF fires at Pak drone: પંજાબના અમૃતસરમાં BSFએ પાક ડ્રોન પર ફાયરિંગ કર્યું, 3 કિલો હેરોઈન મળી આવ્યું
3 કિલો 200 ગ્રામ હેરોઈન જપ્ત: આ પછી BSF જવાનોએ સર્ચ ઓપરેશન શરૂ કર્યું હતું. તલાશી દરમિયાન BSF જવાનોને ઘઉંના ખેતરમાંથી એક મોટી થેલી મળી આવી હતી. જેની અંદરથી 3 કિલો 200 ગ્રામ હેરોઈન મળી આવ્યું હતું. બીએસએફની માહિતી અનુસાર પાકિસ્તાની તસ્કરોએ આ ડ્રોન અમૃતસરના બચીવિંડ ગામમાં મોકલ્યું હતું. ડ્રોન પર બ્લિંકર્સ ફીટ કરવામાં આવ્યા હતા જેથી તસ્કરો તેને ઓળખી શકે અને તેને ઉપાડી શકે, પરંતુ બીએસએફ જવાનોએ ડ્રોનને જોયો હતો. આ પછી જવાનોએ અનેક રાઉન્ડ ફાયરિંગ કર્યું, થોડીવાર પછી ડ્રોન પાકિસ્તાન તરફ ફરી ગયું.
આ પણ વાંચો: Heroin recovered in Ferozepur: પંજાબના ફિરોઝપુરમાં BSFએ પાકિસ્તાની ડ્રોનને તોડી પાડ્યું
હેરોઈનની આંતરરાષ્ટ્રીય કિંમત 21 કરોડ: ઝડપાયેલા હેરોઇનની આંતરરાષ્ટ્રીય કિંમત 21 કરોડની આસપાસ હોવાનું કહેવાય છે. બીએસએફ દ્વારા જપ્ત કરાયેલ માલસામાન પર બ્લિંકર્સ ફીટ કરવામાં આવ્યા હતા. ડ્રોન હવામાં હોય ત્યારે આ બ્લિંકર્સ બળતા નથી, પરંતુ જમીન પર પડતાની સાથે જ સળગવા લાગે છે. પાકિસ્તાની દાણચોરોએ ભારતીય દાણચોરો માટે આ ટેકનિક અપનાવી છે, જેથી દાણચોરો સરળતાથી ખોવાયેલા કન્સાઈનમેન્ટને શોધી શકે.
