હવે આંતરરાષ્ટ્રીય સંસ્થાન બ્રહ્માકુમારીના નવા પ્રમુખ દાદી રતનમોહિની

આંતરરાષ્ટ્રીય સંસ્થા બ્રહ્માકુમારીના નવા પ્રમુખ તરીકે 94 વર્ષીય રાજયોગિની દાદી રતનમોહિનીની પસંદગી કરવામાં આવી છે. સંસ્થાનની રાષ્ટ્રીય કાર્યકારિણી અને કોર કમિટી બેઠકમાં આ નિર્ણય લેવાયો હતો.

• સંસ્થાની રાષ્ટ્રીય કાર્યકારિણી અને કોર કમિટીની બેઠકમાં લેવાયો નિર્ણય
• સંસ્થાના પ્રમુખ રાજયોગિની દાદી હૃદયમોહિનીનું નિધન થયું હતું
• 94 વર્ષીય દાદી રતનમોહિની સંસ્થાના યુવા વિભાગના રાષ્ટ્રીય પ્રમુખ પણ છે

આ પણ વાંચોઃ જાણો એક સરકારી મહિલા અધિકારીએ શા માટે અધ્યાત્મનો માર્ગ પસંદ કર્યો?

સિરોહીઃ આંતરરાષ્ટ્રીય સંસ્થા બ્રહ્માકુમારીના નવા પ્રમુખ તરીકે 94 વર્ષીય રાજયોગિની દાદી રતનમોહિનીની પસંદગી કરવામાં આવી છે. સંસ્થાનની રાષ્ટ્રીય કાર્યકારિણી અને કોર કમિટી બેઠકમાં આ નિર્ણય લેવાયો હતો. તાજેતરમાં જ સંસ્થાના પ્રમુખ રાજયોગિની દાદી હૃદયમોહિનીનું નિધન થયું હતું. ત્યારબાદ કોર કમિટીની બેઠકમાં નવા પ્રમુખની જાહેરાત કરવામાં આવી છે. દાદી રતનમોહિની આ પહેલા સંસ્થાના ચીફ એડમિનિસ્ટ્રેટર હતાં.

આ પણ વાંચોઃ વિશ્વવિખ્યાત બ્રહ્માકુમારી સંસ્થાના મુખ્ય દાદી હૃદય મોહિનીનું મુંબઈમાં અવસાન

વિશ્વની પહેલી સંસ્થા કે જેનું સંચાલન માત્ર સ્ત્રીઓ જ કરે છેઃ દાદી રતનમોહિની

સંસ્થાના નિર્દેશક બી. કે. કરૂણાએ જણાવ્યું હતું કે, દાદી રતનમોહિની સૌથી વરિષ્ઠ છે અને કમિટીની બેઠકમાં તેમને પ્રમુખ બનાવવાનો નિર્ણય લેવાયો છે. 94 વર્ષીય દાદી રતનમોહિની સંસ્થાના યુવા વિભાગના રાષ્ટ્રીય પ્રમુખ પણ છે. આ સાથે જ વર્તમાન સંસ્થાનમાં સૌથી વરિષ્ઠ હોવાની સાથે સાથે તેઓ બ્રહ્માકુમારીઝ સંસ્થાના સંસ્થાપક સભ્યોમાંના એક છે. તેઓ નાનપણથી સંસ્થા સાથે જોડાઈને સેવા આપી રહ્યા છે. તેમણે કહ્યું કે, વિશ્વની આ પહેલી એવી સંસ્થા છે, જેનું સંચાલન સ્ત્રી જ કરતી આવી છે.