મુંબઈઃ મુંબઈના પ્રખ્યાત ક્રૂઝ ડ્રગ્સ કેસના (Cruise Drug Case) સાક્ષી પ્રભાકર સાઈલનું (cruise drugs case witness Prabhakar Sail) શુક્રવારે અવસાન થયું હતું. તેમના વકીલ તુષાર ખંડારેના જણાવ્યા અનુસાર પ્રભાકર સૈલનું ચેમ્બુરના માહુલ વિસ્તારમાં તેમના નિવાસસ્થાને હાર્ટ એટેકથી મૃત્યુ થયું હતું.
આ પણ વંચો: શ્રીલંકામાં આર્થિક સંકટને કારણે રાષ્ટ્રપતિએ કટોકટીની સ્થિતિ કરી જાહેર
ક્રૂઝ ડ્રગ્સ કેસના સાક્ષી પ્રભાકર સાઈલનું મોત : પ્રભાકર સૈલે મુંબઈ ક્રૂઝ ડ્રગ્સ કેસમાં (Cruise Drug Case) સમીર વાનખેડે પર કરોડોની લાંચ લેવાનો આરોપ લગાવ્યો હતો, ત્યારબાદ સમીર વાનખેડે પર તપાસ શરૂ થઈ હતી. આ મામલાની તપાસ કરી રહેલી NCBની વિજિલન્સ ટીમે પ્રભાકર સેલને પણ પૂછપરછ માટે બોલાવ્યા હતા. તે સમયે સમીર વાનખેડે NCBના ઝોનલ ડાયરેક્ટર હતા.
પ્રભાકર સૈલે કર્યો હતો દાવો : પ્રભાકર સૈલે દાવો કર્યો હતો કે ક્રુઝ પાર્ટીના દરોડા દરમિયાન તે ગોસાવી સાથે હતો. પ્રભાકરે ખુલાસો કર્યો હતો કે કેપી ગોસાવી 25 કરોડ રૂપિયામાં ફોન કરીને 18 કરોડમાં સોદો નક્કી કરવા માટે સેમ નામની વ્યક્તિ સાથે વાત કરી રહ્યો હતો. કેપી ગોસાવીએ NCBના ઝોનલ ડાયરેક્ટર સમીર વાનખેડેને પણ લાંચ આપવાની વાત કરી હતી.
આ પણ વંચો: રશિયાના વિદેશ પ્રધાને વડાપ્રધાન મોદી સાથે કરી મુલાકાત
સમીર વાનખેડે NCBને આપી હતી વિદાય : હાઈપ્રોફાઈલ કેસમાં બોલિવૂડના કિંગ ખાનના (શાહરૂખ ખાન) પુત્ર આર્યન ખાનની પણ ધરપકડ કરવામાં આવી હતી. સમીર વાનખેડેએ 2 ઓક્ટોબર 2021ના રોજ મુંબઈથી ગોવા જઈ રહેલા ક્રૂઝ શિપ પર દરોડા પાડ્યા હતા. આ દરમિયાન તેણે આર્યન ખાન સહિત 9 લોકોની ડ્રગ્સના કેસમાં સંડોવણી હોવાના કારણે ધરપકડ કરી હતી. જોકે આર્યન પાસે કોઈ ડ્રગ્સ મળી આવ્યું ન હતું. આ કિસ્સામાં સમીર વાનખેડેનો ગ્રાફ નીચે આવવા લાગ્યો હતો. તેના પર કરોડો રૂપિયાની ઉચાપત કરવાનો આરોપ હતો. બાદમાં તેણે NCBને પણ વિદાય આપી હતી.
