નવી દિલ્હી : મહારાષ્ટ્રથી દિલ્હી પહોંચેલા અપક્ષ સાંસદ નવનીત રાણા અને તેમના ધારાસભ્ય પતિ રવિ રાણાએ મુંબઈમાં(MP Navneet Rana and Ravi Rana reached Delhi) રાજકીય હંગામા અંગે લોકસભાના અધ્યક્ષને ફરિયાદ કરી છે. આ પહેલા દિલ્હીમાં સત્તાવાર નિવાસસ્થાને પહોંચતા સાંસદ નવનીત રાણા અને પતિ રવિ રાણાનું તેમના સમર્થકો દ્વારા જય શ્રી રામના નારા(Hanuman Chalisa Controvers) સાથે સ્વાગત કરવામાં આવ્યું હતું. સાંસદ નવનીત રાણાએ જણાવ્યું હતું કે જ્યાં સુધી મારા પતિ અને હું ચાર દિવસ સુધી મુંબઇમાં હતા ત્યારે BMCના લોકો આવ્યા ન હતા. પણ દિલ્હી જવા નીકળતા જ અમારા ઘરે પહોંચી ગયા હતા. અમે સરકારી કાર્યવાહીમાં દખલ નહીં કરીએ. તેમને જણાવ્યું કે, માપણી કરો અને અમારા ઘરમાં અતિક્રમણ હોય તો તોડી નાખો. અમને ખબર છે કે મહારાષ્ટ્ર સરકાર કોઈ પણ બહાનું કરીને અમારું ઘર તોડી નાખશે.
આ પણ વાંચો - 2000 મહિલાઓ સાથે હનુમાન ચાલીસાના પાઠ કરતા સાંસદ નવનીત રાણા
સરકાર પર કર્યા આક્ષેપો - સાંસદે કહ્યું કે, મહારાષ્ટ્ર સરકાર અતિક્રમણનો આરોપ લગાવીને અમને બેઘર બનાવી દે તો પણ અમારી લડાઈ ચાલુ રહેશે. સરકારની કાર્યવાહી વખતે પણ હું મૌન રહીશ, અમારું એક જ મકાન છે, તે તોડી પાડવામાં આવે તો પણ હું કશું બોલીશ નહીં. જ્યાં સુધી ઉદ્ધવ ઠાકરેનો સવાલ છે, તેઓ એવા મુખ્યપ્રધાન છે જે બે વર્ષ સુધી મુખ્યમંત્રી કાર્યાલયમાં નથી જતા, તેમની પાસેથી બીજી શું અપેક્ષા રાખી શકાય.
આ પણ વાંચો - મીડિયામાં નવનીત રાણાના નિવેદનથી ઉદ્ધવ સરકાર નારાજ, કરી શકે છે અપીલ
હનુમાન ચાલીસા વિવાદ - હનુમાન ચાલીસા વાંચવા પર સાંસદ રાણાએ કહ્યું કે જ્યાં સુધી શિવસેનાની વાત છે તો તેમની પાસે 18 સાંસદો છે, પરંતુ તેઓ એક સાંસદથી કેવી રીતે ડરી ગયા તેનો જવાબ છે. તેણે કહ્યું કે, મને 6 કલાક લોકઅપમાં રાખવામાં આવી હતી અને તે પછી 27મીએ જેલમાં મેં જ્યારે ડોક્ટરની વિનંતી કરી ત્યારે પણ મને ડોક્ટર આપવામાં આવ્યો ન હતો. બાદમાં જ્યારે ડોક્ટરે તેને જોયું તો તેણે કહ્યું કે દુખાવો અસહ્ય છે અને તાત્કાલિક તબીબી સારવાર જરૂરી છે, મને તે સમયે દુખાવો થતો હતો, ત્યારે પણ તબીબી સારવાર આપવામાં આવી ન હતી. એટલા માટે હું લોકસભા સ્પીકરને પણ ફરિયાદ કરી રહી છું.
પોલીસે કર્યો હતો વાયરલ વીડિયો - મુંબઈ પોલીસ દ્વારા તેનો વીડિયો વાયરલ કરવા અંગે સાંસદ નવનીત રાણાએ કહ્યું કે ખોટો વીડિયો વાઈરલ કરીને તેઓએ તપાસનો વિષય વાળવાનો પ્રયાસ કર્યો પરંતુ હું મારી લડાઈ ચાલુ રાખીશ અને મને હનુમાન ચાલીસા વાંચતા કોઈ રોકી શકશે નહીં. આ સાથે જ ધારાસભ્ય રવિ રાણાએ કહ્યું કે, મુખ્યપ્રધાન પાસે સત્તા છે, તેઓ કોઈપણ પગલાં લઈ શકે છે. તમે મને ખોટી રીતે ફસાવી શકો છો પરંતુ અમે દરેક કાર્યવાહીનો સામનો કરીશું. બીજી તરફ શિવસેનાના નેતા સંજય રાઉતે 20 ફૂટ નીચે દાટી દેવાની ધમકી આપતાં કહ્યું કે તેઓ આ અંગે ફરિયાદ કરશે.
