ચંદીગઢ : પંજાબ કોંગ્રેસના પૂર્વ અધ્યક્ષ નવજોત સિંહ સિદ્ધુ પટિયાલા જેલમાંથી મુક્ત થયા બાદ પહેલીવાર રાહુલ ગાંધી અને પ્રિયંકા ગાંધીને મળ્યા હતા. સિદ્ધુએ આ મીટિંગની તસવીરો સોશિયલ મીડિયા પર શેર કરી છે. આ બેઠક દરમિયાન કોંગ્રેસના પૂર્વ અધ્યક્ષે દિવંગત પંજાબી ગાયક સિદ્ધુ મુસેવાલાના પિતા બલકૌર સિંહનો પણ ઉલ્લેખ કર્યો હતો.
મીટિંગ વિશે ટ્વિટ કર્યું : નવજોત સિદ્ધુએ ટ્વિટ કર્યું છે કે, તેઓ આજે નવી દિલ્હીમાં રાહુલ ગાંધી અને પ્રિયંકાને મળ્યા હતા. આ દરમિયાન રાહુલ ગાંધીએ કહ્યું કે, તેઓ જેલ મોકલી શકે છે, ધમકીઓ આપી શકે છે, એકાઉન્ટ બ્લોક કરી શકે છે, પરંતુ પંજાબ અને મારા નેતાઓ પ્રત્યેની તેમની પ્રતિબદ્ધતા ન તો એક ઈંચ પણ ડગમગી છે અને ન તો ડગશે. નવજોત સિદ્ધુએ રાહુલ ગાંધી અને પ્રિયંકા ગાંધીને મળ્યા બાદ પોતાના ટ્વિટર હેન્ડલની બેનર ઈમેજ બદલી છે. હવે સિદ્ધુએ બેનર ઇમેજ પર રાહુલ ગાંધી સાથેની મીટિંગ દરમિયાન લીધેલો ફોટો મૂક્યો છે.
આ પણ વાંચો : Navjot Sidhu : નવજોત સિંહ સિદ્ધુ પટિયાલા જેલમાંથી છૂટ્યા, તેમના સ્વાગત માટે મોટી સંખ્યામાં સમર્થકો ઉમટ્યા
મુક્ત થયા પછી પહેલી મુલાકાત : તમને જણાવી દઈએ કે, જેલમાંથી છૂટ્યા બાદ નવજોત સિંહ સિદ્ધુની રાહુલ ગાંધી અને પ્રિયંકા વાડ્રા સાથે આ પહેલી મુલાકાત છે. જોકે, જ્યારે સિદ્ધુ જેલમાં હતા ત્યારે પ્રિયંકા ગાંધીએ પણ ટ્વીટ કર્યું હતું કે, 'પાર્ટી તમારી રાહ જોઈ રહી છે. નવજોત સિદ્ધુને મોટી જવાબદારી સોંપવામાં આવશે. હવે હાઈકમાન્ડ દ્વારા સિદ્ધુને શું જવાબદારી આપવામાં આવશે તેના પર સસ્પેન્સ યથાવત છે.
આ પણ વાંચો : ઓછી સુરક્ષા અંગે નવજોત સિદ્ધુની ટિપ્પણી : કોંગ્રેસના પૂર્વ અધ્યક્ષ નવજોત સિંહે પંજાબના મુખ્યપ્રધાન ભગવંત માન પર નિશાન સાધતા કહ્યું કે, મુખ્યપ્રધાને પંજાબના લોકોને મૂર્ખ બનાવ્યા છે. તેમણે કહ્યું કે, મુખ્યપ્રધાન અખબારના મુખ્યપ્રધાન બન્યા છે. સિદ્ધુ મૂઝવાલા મર્ડર કેસ અંગે નવજોત સિંહે કહ્યું કે, તેમની સુરક્ષામાં ઉણપ છે. મુખ્યપ્રધાનએ એક સિદ્ધુને માર્યો છે, હવે બીજા સિદ્ધુએ મરવું જોઈએ.
