CM ઉદ્ધવ ઠાકરેનું લોકડાઉનને લઈ નિવેદન કહ્યું, માસ્ક નહીં પહેરો તો ફરીથી લોકડાઉન લગાવાશે

મહારાષ્ટ્રમાં કોરોનાના વધતા કેસને પગલે મહારાષ્ટ્રના મુખ્યપ્રધાન ઉદ્ધવ ઠાકરેએ કહ્યું હતું કે, જો લોકો માસ્ક નહીં પહેરે તો ફરીથી લોકડાઉન લગાવવામાં આવશે.

• CM ઉદ્ધવ ઠાકરેએ લોકડાઉનને લઈને આપ્યું નિવેદન
• માસ્ક પહેરો નહીં તો લોકડાઉન માટે તૈયાર રહો
• મહારાષ્ટ્રના અમરાવતીમાં લગભગ એક હજાર કોરોનાના કેસ

મુંબઈ: મહારાષ્ટ્રમાં કોરોનાના કેસમાં ઝડપથી વધારો થઈ રહ્યો છે. ત્યારે આ બાબતે મહારાષ્ટ્ર મુખ્યપ્રધાન ઉદ્ધવ ઠાકરેએ કહ્યું હતું કે, લોકો માસ્ક નહીં પહેરે તો ફરીથી લોકડાઉન લગાવવામાં આવશે. ઠાકરેએ કહ્યું કે, અમરાવતીમાં લગભગ એક હજાર કોરોનાના કેસ આવ્યા છે. આ વિચારવાની બાબત છે. કોરોના વાયરસના નિયંત્રણ માટેની આપણી તૈયારી પૂર્ણ છે પરંતુ લોકોએ પણ સાવધ રહેવું પડશે.

અમરાવતીના વિભાગીય કમિશ્નરે 5 જિલ્લામાં આંશિક લોકડાઉન લગાવ્યું

આ અગાઉ અમરાવતીના વિભાગીય કમિશ્નરે પાંચ જિલ્લામાં આંશિક લોકડાઉન લગાવ્યું છે. આ શહેરો છે- અમરાવતી, અકોલા, બુલઢાણા, વાશિમ અને યવતમાલ. આ તમામ જિલ્લાઓમાં આગામી સાત દિવસો સુધી લોકડાઉનનું પાલન કરવામાં આવશે.