શાહડોલ: શાહડોલ જિલ્લો આદિવાસી પ્રભુત્વ ધરાવતો વિસ્તાર છે. જિલ્લામાં કુપ્રથાનું પ્રમાણ ઘણું વધારે છે. આ કારણોસર કુપ્રથાના કિસ્સાઓ આવતા રહે છે. તાજેતરમાં જ શહડોલ જિલ્લાનું કથૌતિયા ગામ એક માસૂમ બાળકીને સારવારના નામે ગરમ સળિયાના ડામ આપવામાં આવ્યા હોય તેવી માહિતી સામે આવી છે. હાલ બાળકીને તેને ખાનગી હોસ્પિટલમાં ડોક્ટરોની ટીમ દ્વારા સારવાર આપવામાં આવી રહી છે.
માસૂમને ખાનગી હોસ્પિટલમાં દાખલ કરાઈ: સૂત્રોના જણાવ્યા અનુસાર, આ 3 મહિનાની બાળકીને ગરમ સળિયાથી ઘણી વખત ડામ આપવામાં આવ્યા હતા. જ્યારે તેની તબિયત બગડવા લાગી ત્યારે માસૂમને શાહડોલ મેડિકલ કોલેજમાં લાવવામાં આવી હતી, જ્યાં તેની હાલત નાજુક હતી. બાદમાં પરિવારજનો પોતાના જોખમે માસૂમને મેડિકલ કોલેજમાંથી સારવાર માટે ખાનગી હોસ્પિટલમાં લઈ ગયા હતા, જ્યાં તેની સારવાર ચાલી રહી છે. કહેવામાં આવી રહ્યું છે કે આ માસૂમ બાળકીને શ્વાસ લેવામાં તકલીફ હતી. દગ્ના દુષ્કર્મ બાદ શ્વાસ લેવામાં તકલીફ પડવાને કારણે માસૂમને ડામ આપવામાં આવ્યો હતો પરંતુ જ્યારે તેની તબિયત બગડવા લાગી ત્યારે તેના માતા-પિતા તેને તાત્કાલિક ડોક્ટર પાસે લઈ ગયા.
આ પણ વાંચો Bhavnagar Crime : જૈન તીર્થનગરીમાં તળેટી વિસ્તારની જમીન માલિકના પરિવાર પર હુમલો
