મુખ્યપ્રધાન ઉદ્ધવ ઠાકરે આપી શકે છે રાજીનામુ, કોરોના પોઝિટિવ આવ્યા બાદ કરાઈ વર્ચુઅલ બેઠક

મહારાષ્ટ્રમાં રાજકીય ઉથલપાથલ ચાલુ છે અને આ દરમિયાન એક મોટા સમાચાર(Maharashtra Political Crisis)સામે આવ્યા છે. મહારાષ્ટ્રના મુખ્યપ્રધાન ઉદ્ધવ ઠાકરેના નેતૃત્વમાં આજે કેબિનેટ મીટિંગ મળવા જઈ રહી હતી, ત્યારે તે વચ્ચે ઉદ્ધવ ઠાકરે કોરોના પોઝિટિવ હોય તેવી વાત સામે આવી છે.

મુંબઈ (મહારાષ્ટ્ર): મહારાષ્ટ્રમાં રાજકીય સંકટ વચ્ચે ઉદ્ધવ સરકારના (Maharashtra Political Crisis)ભવિષ્યને લઈને સસ્પેન્સ સતત વધી રહ્યું છે. એવા સમાચાર છે કે આજે ઉદ્ધવ ઠાકરે મુખ્યપ્રધાન પદ પરથી રાજીનામું આપવાની ઓફર કરી શકે છે. સંજય રાઉતે કહ્યું કે વિધાનસભા ભંગ કરી શકાય છે. આ દરમિયાન કોંગ્રેસના વરિષ્ઠ નેતા કમલનાથે કહ્યું હતું કે, ઉદ્ધવ ઠાકરે કોરોના પોઝિટિવ થઈ ગયા છે. કમલનાથ હવે એનસીપી સુપ્રીમો શરદ પવારને મળવાના છે.

સંજય રાઉતે વિધાનસભા ભંગ કરવાનો સંકેત આપ્યો - મહારાષ્ટ્રમાં ચાલી રહેલી રાજકીય ગતિવિધિ વચ્ચે સીએમ ઉદ્ધવ ઠાકરે કોરોના સંક્રમિત (Uddhav Thackeray infected corona)થઈ ગયા છે. આ પહેલા મહારાષ્ટ્રના રાજ્યપાલ ભગત સિંહ કોશ્યરી પણ કોરોના સંક્રમિત થઈ ચૂક્યા છે. શિવસેનાના નેતા સંજય રાઉતે ટ્વીટ કરીને વિધાનસભા ભંગ કરવાનો સંકેત આપ્યો છે, ત્યારબાદ મહારાષ્ટ્રમાં રાજકીય હલચલ વધી ગઈ છે. ભાજપના તમામ ધારાસભ્યો દેવેન્દ્ર ફડણવીસના ઘરે ભેગા થઈ રહ્યા છે. તે જ સમયે, સીએમ ઉદ્ધવ ઠાકરેએ બપોરે એક વાગ્યે કેબિનેટની બેઠક બોલાવી છે, જેમાં તેઓ હવે વર્ચ્યુઅલ રીતે ભાગ લેશે. કોંગ્રેસના નેતાઓ કમલનાથ અને બાળાસાહેબ થોરાટે પાર્ટીના ધારાસભ્યો સાથે બેઠક કરી હતી.

• #WATCH | Mumbai: "Maharashtra CM Uddhav Thackeray has tested positive for #COVID19," says Congress Observer for the state, Kamal Nath. pic.twitter.com/wl22yJkXXt

  — ANI (@ANI) June 22, 2022 " class="align-text-top noRightClick twitterSection" data="

  #WATCH | Mumbai: "Maharashtra CM Uddhav Thackeray has tested positive for #COVID19," says Congress Observer for the state, Kamal Nath. pic.twitter.com/wl22yJkXXt

  — ANI (@ANI) June 22, 2022

  ">

  #WATCH | Mumbai: "Maharashtra CM Uddhav Thackeray has tested positive for #COVID19," says Congress Observer for the state, Kamal Nath. pic.twitter.com/wl22yJkXXt

  — ANI (@ANI) June 22, 2022

મહારાષ્ટ્ર વિધાનસભા ભંગ કરવાનો સંકેત - એકનાથ શિંદે અને 40 ધારાસભ્યોએ બળવો કર્યા બાદ મહારાષ્ટ્રમાં ઘટનાક્રમ ઝડપથી બદલાઈ રહ્યો છે. થોડા સમય પહેલા શિવસેનાના નેતા સંજય રાઉતે રાજ્યની વર્તમાન રાજકીય પરિસ્થિતિ વચ્ચે મહારાષ્ટ્ર વિધાનસભા ભંગ કરવાનો સંકેત આપ્યો હતો. તેમણે ટ્વિટ કરીને લખ્યું કે મહારાષ્ટ્રમાં ચાલી રહેલું રાજકીય સંકટ વિધાનસભા ભંગ કરવા તરફ આગળ વધી રહ્યું છે.

જો વિધાનસભા વિસર્જન કરવામાં આવે તો શું થશે? - જો સરકાર વિધાનસભા ભંગ કરવાનું સૂચન કરે અને રાજ્યપાલ સૂચન સ્વીકારે તો વિધાનસભા ભંગ કરીને ફરીથી ચૂંટણી યોજવામાં આવશે. પરંતુ રાજ્યપાલ પણ આ સૂચનને નકારી શકે છે. આવું ત્યારે થશે જ્યારે રાજ્યપાલને લાગશે કે સરકાર લઘુમતીમાં છે. આવી સ્થિતિમાં રાજ્યપાલ સરકારને ફ્લોર ટેસ્ટમાં બહુમત સાબિત કરવા માટે કહી શકે છે. જો વિધાનસભા ભંગ ન થાય તો ભાજપ શિવસેનાના બળવાખોરો સાથે સરકાર બનાવવાનો પ્રયાસ કરી શકે છે. આ સ્થિતિમાં શિવસેના-એનસીપી-કોંગ્રેસે વિપક્ષમાં બેસવું પડશે.

મહારાષ્ટ્રમાં આગળ શું થશે? - જો રાજ્યમાં ફરીથી ચૂંટણી થાય તો ભાજપ શિવસેનાના બળવાખોર નેતાઓ સાથે ગઠબંધન કરી શકે છે. બીજી તરફ, ઉદ્ધવ ઠાકરે એનસીપી અને કોંગ્રેસ સાથે મળીને ચૂંટણીમાં ઉતરી શકે છે.

એકનાથ શિંદે હવે ગુવાહાટી પહોંચ્યા - મંગળવારે સવારે સુરતની લા મેરીડિયન હોટલ પહોંચેલા એકનાથ શિંદે હવે ગુવાહાટી પહોંચ્યા છે, જ્યાં ભાજપના ધારાસભ્યએ તેમનું સ્વાગત કર્યું હતું. સૂત્રોને ટાંકીને અહેવાલ છે કે એકનાથ શિંદે ભાજપ સાથે મળીને સરકાર બનાવવાનો દાવો રજૂ કરી શકે છે. ગુવાહાટીમાં મીડિયા સાથે વાત કરતા એકનાથ શિંદેએ પણ આ વાતનો સંકેત આપ્યો હતો. તેમણે કહ્યું કે અમારી પાસે 40 થી વધુ ધારાસભ્યોનું સમર્થન છે અને ટૂંક સમયમાં કેટલાક વધુ અમારી સાથે જોડાઈ શકે છે.