લખનઉ: BJP સાંસદ કૌશલ કિશોરના મોટા ભાઈનું કોરોનાને કારણે મૃત્યું

ભાજપના સાંસદ કૌશલ કિશોરના મોટા ભાઈ મહાવીર પ્રસાદનું શનિવારે મોડી રાત્રે કોરોનાને કારણે અવસાન થયું હતું. સાંસદે ટ્વીટ કરીને આ માહિતી આપી છે.

• BJP સાંસદ કૌશલ કિશોરના મોટા ભાઈનું નિધન
• કોરોનાને કારણે થયું સાંસદના ભાઈનું નિધન
• લખનઉમાં હોસ્પિટલમાં ઓક્સિજનની અછત

લખનઉ: ઉત્તર પ્રદેશમા કોરોનાને કારણે હાહાકાર થઈ રહ્યો છે. શુક્રવારે ભાજપના બે ધારાસભ્યો સહિતના રેકોર્ડ 196 લોકોનાં મોત નીપજ્યાં હતાં. તે જ સમયે, શનિવારે રાત્રે મોહનલાલગંજના સાંસદ કૌશલ કિશોરના મોટા ભાઈ મહાવીર પ્રસાદ (85) નું કોરોનાને કારણે હોસ્પિટલમાં નિધન થયું હતું. મહાવીર પ્રસાદ છેલ્લા એક અઠવાડિયાથી વેન્ટિલેટર પર હતા. સાંસદે ટ્વિટ કરીને મોટા ભાઈના મૃત્યું અંગે માહિતી આપી છે.

સાંસદે ટ્વીટ કરી આપી જાણકારી
સાંસદ કૌશલ કિશોરના મોટા ભાઈ મહાવીર પ્રસાદને કોરોના પોઝિટિવ આવ્યા બાદ કેજીએમયુની કોવિડ હોસ્પિટલમાં દાખલ કરવામાં આવ્યા હતા. તબિયત લથડતાં તેમને વેન્ટિલેટર પર રાખવામાં આવ્યા હતા, પરંતુ તેની તબિયતમાં કોઈ સુધારો થયો ન હતો. સાંસદ કૌશલ કિશોરે લોકોને ટ્વીટ કરીને મૃત્યુંની જાણકારી આપી હતી. તેમણે ટ્વિટર પર લખ્યું છે કે 'મારા મોટા ભાઈ શ્રી મહાવીર પ્રસાદ કોરોના મહામારીમાં મૃત્યું પામ્યા છે.

શનિવારે સાંસદે બહાર પાડ્યો હતો એક વિડીયો

ભાજપના સાંસદે શનિવારે વીડિયો બહાર પાડીને લખનૌમાં ઓક્સિજનની અછતનો મુદ્દો ઉઠાવ્યો હતો અને ધરણા પર બેસવાનું પણ કહ્યું હતું. સાંસદ કૌશલ કિશોરે જણાવ્યું હતું કે લોકો આખો દિવસ બોટલિંગ પ્લાન્ટ પર ઉભા રહે છે પરંતુ ઓક્સિજન મળતા નથી. તેમણે કહ્યું કે મને મદદ માંગનારા સેંકડો લોકોના કોલ આવી રહ્યા છે. તેમણે કહ્યું કે જો પરિસ્થિતિમાં સુધારો નહીં થાય તો હું ધરણા પર બેસવુ પડશે.