દિલ્હી: ઉનાળાની શરૂઆત થતા જ લીંબુની માંગ વધી જાય છે. માંગ વધતાની સાથે જ તેના ભાવ આસમાને પહોંચી ગયા છે. દિલ્હી એનસીઆરમાં છૂટક બજારમાં લીંબુની કિંમત 200 રૂપિયા પ્રતિ કિલોની નજીક પહોંચી ગઈ છે. જ્યારે જથ્થાબંધ વેપારીઓ તેને 150 થી 160 રૂપિયા પ્રતિ કિલોના ભાવે છૂટક વેપારીઓને વેચી રહ્યા છે.
પુરવઠાના અભાવે ભાવ વધ્યાઃ નોઈડાના સેક્ટર 12માં શાકભાજી વિક્રેતાએ જણાવ્યું છે કે આ સમયે ઉનાળો શરૂ થતાં જ લીંબુની માંગ વધી જાય છે. પરંતુ તે મુજબ તેનો પુરવઠો બજારમાં ઉપલબ્ધ નથી, તેથી જ લીંબુના ભાવ આસમાને પહોંચ્યા. તેમણે જણાવ્યું કે હાલમાં લીંબુની કિંમત 200 રૂપિયા પ્રતિ કિલોની આસપાસ ચાલી રહી છે. તેમણે કહ્યું કે આ સમયે લીંબુ પણ ઝાડ પર સુકાઈ જાય છે. યોગ્ય પાણી ન મળવાથી અને ધીમે ધીમે વધતી ગરમીને કારણે તેમની ઉપજ પણ ઘટી રહી છે. તેથી જ લીંબુના પુરવઠામાં અછત છે.
આ પણ વાંચો: Lemon Sherbet in Junagadh: આખા લીંબુના શરબતનો સ્વાદ માણવા દુર દુરથી લોકો પહોંચી રહ્યા છે અહીં..
લીંબુના ભાવ કાબૂમાં લેવાના પ્રયાસ: હાલમાં લીંબુ અને અન્ય શાકભાજીના ભાવ આગામી થોડા દિવસો સુધી યથાવત રહેવાની ધારણા છે. પરંતુ ટૂંક સમયમાં તેને કાબૂમાં લેવાના પ્રયાસો કરવામાં આવી રહ્યા છે. તેમ છતાં લીંબુ અને અન્ય કેટલીક શાકભાજી સામાન્ય માણસની પહોંચથી દૂર જઈ રહી છે.
આ પણ વાંચો: Lemon Price: ઉનાળાની શરૂઆતમાં જ લીંબુનો ભાવ ત્રણ ગણો થઈ જતાં ગૃહિણીઓની ચિંતા વધી
લીંબુના ભાવમાં હજુ વધશે: ગરમીથી બચવા માટે તેમજ ઠંડક મેળવવા માટે લીંબુનો વપરાશ સૌથી વધુ કરતા હોય છે. પરંતુ જ્યારથી ગરમીની શરૂઆત થઈ છે. ત્યારથી લીંબુના ભાવમાં પણ ત્રણથી ચાર ગણો વધારો જોવા મળી રહ્યો છે. અનુમાન છે આવનાર દિવસોમાં જ્યારે રમઝાન માસની શરૂઆત થશે ત્યારે લીંબુના ભાવમાં હજુ વધશે.
