Lalan Singh Resign: JDUના રાષ્ટ્રીય અધ્યક્ષ પદેથી લલન સિંહનું રાજીનામું, પાર્ટીની કમાન સંભાળશે નીતિશ કુમાર

બિહારની રાજનીતિ સાથે જોડાયેલા આ સમયના મોટા સમાચાર આવી રહ્યા છે. લલન સિંહે JDUના રાષ્ટ્રીય અધ્યક્ષ પદ પરથી રાજીનામું આપી દીધું છે. તેની સાથે જ નીતિશ કુમારે જેડીયુ અધ્યક્ષ પદની જવાબદારી સંભાળી છે.

દિલ્હી/પટનાઃ છેલ્લા ઘણા દિવસોથી ચાલી રહેલા લલન સિંહના રાજીનામાના સમાચારને આખરે સમર્થન મળી ગયું છે. દિલ્હીમાં JDU રાષ્ટ્રીય કાર્યકારિણીની બેઠક દરમિયાન લલન સિંહે રાષ્ટ્રીય અધ્યક્ષ પદ પરથી રાજીનામું આપ્યું છે. સૂત્રોના જણાવ્યા અનુસાર લલન સિંહે પોતે જ પદ છોડવાની ઓફર કરી હતી. હવે CM નીતિશ કુમાર પોતે પાર્ટીની કમાન સંભાળશે.

• Lalan Singh offers resignation as Party President at JDU National Executive, Nitish Kumar set to return as party boss
  
  Read @ANI Story | https://t.co/cPiYniBCmw#JDUMeeting #LalanSingh #NitishKumar pic.twitter.com/HjUlgEHhbF

  — ANI Digital (@ani_digital) December 29, 2023 " class="align-text-top noRightClick twitterSection" data="

  Lalan Singh offers resignation as Party President at JDU National Executive, Nitish Kumar set to return as party boss
  
  Read @ANI Story | https://t.co/cPiYniBCmw#JDUMeeting #LalanSingh #NitishKumar pic.twitter.com/HjUlgEHhbF

  — ANI Digital (@ani_digital) December 29, 2023

  ">

  Lalan Singh offers resignation as Party President at JDU National Executive, Nitish Kumar set to return as party boss
  
  Read @ANI Story | https://t.co/cPiYniBCmw#JDUMeeting #LalanSingh #NitishKumar pic.twitter.com/HjUlgEHhbF

  — ANI Digital (@ani_digital) December 29, 2023

લલન સિંહે રાજીનામું આપ્યુંઃ લલન સિંહના રાજીનામા બાદ બિહાર સરકારના મંત્રી વિજય કુમાર ચૌધરીએ કહ્યું કે નીતીશ કુમારે પ્રમુખ પદ સ્વીકારી લીધું છે. હવે રાષ્ટ્રીય પરિષદની બેઠક થશે અને જો દરખાસ્ત મંજૂર થશે તો સ્વાભાવિક રીતે તેઓ રાષ્ટ્રીય અધ્યક્ષ રહેશે. કેસી ત્યાગીએ કહ્યું કે પાંચ વાગ્યે પ્રેસ કોન્ફરન્સમાં સંપૂર્ણ માહિતી આપવામાં આવશે.

"લલન સિંહે પોતે કહ્યું હતું કે અગાઉ પણ તેમણે મુખ્યપ્રધાનની સૂચના પર જ પદ સ્વીકાર્યું હતું. હવે ચૂંટણી લડવા માટે તેમણે સતત બહાર રહેવું પડશે, તેથી તેમણે મુખ્યપ્રધાનને આ પદ સ્વીકારવા વિનંતી કરી હતી." - વિજય કુમાર ચૌધરી, બિહાર સરકારમાં મંત્રી

JDUની બેઠકમાં મોટો નિર્ણયઃ છેલ્લા ઘણા દિવસોથી લલન સિંહે પાર્ટીના પદ પરથી રાજીનામું આપ્યું હોવાના સમાચાર આવી રહ્યા હતા. જો કે, પાર્ટીના કોઈપણ નેતા આ અંગે ખુલીને બોલવાનું ટાળતા જોવા મળ્યા હતા. ખુદ લલન સિંહે રાજીનામાની વાતને નકારીને મીડિયા પર પોતાનો ગુસ્સો ઠાલવ્યો હતો. પરંતુ હવે દિલ્હીમાં ચાલી રહેલી JDU રાષ્ટ્રીય કાર્યકારિણીની બેઠકમાં લલન સિંહે પાર્ટીના પદ પરથી રાજીનામું આપી દીધું છે.

નીતિશે રાજીનામું સ્વીકાર્યુંઃ દિલ્હી જતા પહેલા જ્યારે પટનામાં નીતિશ કુમારને લલન સિંહના રાજીનામા અંગે પૂછવામાં આવ્યું તો તેમણે આ અંગે અસ્પષ્ટ જવાબ આપ્યો. ત્યારપછીથી અટકળોનું બજાર વધુ ગરમ થયું હતું. હવે જેડીયુની રાષ્ટ્રીય કાર્યકારિણીની બેઠકમાં લલન સિંહનું રાજીનામું સ્વીકારવામાં આવ્યું છે.

પાર્ટીની કમાન નીતિશ કુમારના હાથમાંઃ લલન સિંહના રાજીનામાની સાથે જ નીતિશ કુમારે પાર્ટીની કમાન પોતાના હાથમાં લઈ લીધી છે. લલન સિંહે બેઠક દરમિયાન અધ્યક્ષ પદ માટે નીતિશ કુમારના નામનો પ્રસ્તાવ મૂક્યો હતો. નીતીશના ખાસ મંત્રી અશોક ચૌધરીએ પહેલા જ આ વાતનો ખુલાસો કર્યો હતો.