- બલવીર ગિરી લગભગ 30 વર્ષથી મહંત નરેન્દ્ર ગિરીના શિષ્ય હતા
- સીએમ યોગી આદિત્યનાથ મહંત નરેન્દ્ર ગિરીને શ્રદ્ધાંજલિ આપવા પહોંચ્યા
- ઉત્તરાખંડના બલવીર ગિરી 2005 માં સંત બન્યા હતા.
પ્રયાગરાજ: અખિલ ભારતીય અખાડા પરિષદના પ્રમુખ મહંત નરેન્દ્ર ગિરીએ પોતાની સ્યુસાઇડ નોટમાં બલવીરને પોતાનો અનુગામી બનાવવા લખ્યું છે. આ સાથે અખાડાના તમામ હોદ્દેદારોને સહકાર આપવા જણાવાયું છે.
બલવીર ગિરીને એક સમયે નરેન્દ્ર ગિરીના નજીકના માનવામાં આવતા હતા.
મહંત નરેન્દ્ર ગિરિ તેમના મૃત્યુ પહેલાંજ બલવીરને મઠના મહંત, બાઘમ્બરી અને લેટે હનુમાન મંદિરના મહંત બનાવવા માટે તેઓ લખાણ કરી ચૂક્યા છે. બલવીર ગિરી લગભગ 30 વર્ષથી મહંત નરેન્દ્ર ગિરીના શિષ્ય હોવાનું કહેવાય છે. બલવીર હરિદ્વારમાં રહીને ત્યાં મઠની સંભાળ લઈ રહ્યા હતા. આનંદ ગિરી અને બલવીર ગિરી એક સમયે નરેન્દ્ર ગિરીના નજીકના માનવામાં આવતા હતા. હવે સ્યુસાઇડ નોટમાં નરેન્દ્ર ગિરીએ આત્મહત્યા માટે એકને જવાબદાર ઠેરવ્યા છે. અને બીજા શિષ્યને પોતાનો અનુગામી બનાવ્યો છે. મૂળ ઉત્તરાખંડના બલવીર ગિરી 2005 માં સંત બન્યા હતા.
આ પણ વાંચો :કોસ્ટગાર્ડનું મધદરિયે ફિલ્મી ઢબે ઓપરેશન, 150 કરોડના ડ્રગ્સ સાથે 7 ઇરાનીની ધરપકડ
સીએમ યોગીએ મહંત નરેન્દ્ર ગિરીના મૃત્યુની નિષ્પક્ષ તપાસ બાદ દોષિત લોકો સામે કડક પગલાં લેવાની વાત કરી
બલવીર ગિરી હાલમાં બાઘમ્બરી મઠમાં હાજર છે. દિવસ દરમિયાન જ્યારે સીએમ યોગી આદિત્યનાથ મહંત નરેન્દ્ર ગિરીને શ્રદ્ધાંજલિ આપવા પહોંચ્યા હતા, તે જ સમયે તેમણે બલવીર ગિરી સાથે બેસીને વાતચીત કરી હતી. વાતચીત દરમિયાન, સીએમ યોગીએ મહંત નરેન્દ્ર ગિરીના મૃત્યુની નિષ્પક્ષ તપાસ બાદ દોષિત લોકો સામે કડક પગલાં લેવાની વાત પણ કરી છે. નરેન્દ્ર ગિરીએ પોતાની સુસાઈડ નોટમાં લખ્યું છે કે 'પ્રિય બલવીર ગિરિ મઠ મંદિર, તેને ગોઠવવાનો પ્રયાસ કરો, જે રીતે મેં તે કર્યું'. આશુતોષ ગિરી અને રાજગાદીના તમામ મહાત્માઓને સહકાર આપવો. પરમ પૂજ્ય હરિગોવિંદ ગિરીને વિનંતી છે કે બલવીર ગિરીને સિંહાસનનો મહંત બનાવો. મહંત રવિન્દ્ર પુરીજી તમે હંમેશા મને સાથ આપ્યો. મારા મૃત્યુ પછી બલવીર ગિરીનું ધ્યાન રાખજો. અનુગામીની જાહેરાત પહેલા અને પછી, બલવીર ગિરીએ મીડિયાથી સંપૂર્ણ અંતર રાખ્યું છે.
આ પણ વાંચો :મોબાઈલે એક વ્યક્તિને યમધામ તો એકને જેલમાં પહોચાડ્યાં, જેપુર ગામે સ્ત્રી સાથે આડા સંબંધને લઈને કરાઈ હત્યા
