તિરુવનંતપુરમ: કેરળ સરકાર વન્ય પ્રાણીઓમાં જન્મ નિયંત્રણના પગલાં લાગુ કરવા માટે સુપ્રીમ કોર્ટનો સંપર્ક કરશે. આ અંગે કેરળના વન મંત્રી એકે સસેન્દ્રને જણાવ્યું હતું કે કેરળ સરકારે માનવ-પ્રાણી સંઘર્ષને રોકવા માટે ઘણા પગલાં લીધાં છે, પરંતુ તેમાંથી કોઈએ ઇચ્છિત પરિણામ આપ્યું નથી. તેમણે કહ્યું કે 'જંગલી પ્રાણીઓ માનવો અને ખેતી પર હુમલો કરવાના કિસ્સાઓ સતત વધી રહ્યા છે. એટલા માટે અમે વન્ય પ્રાણીઓમાં જન્મ દરને નિયંત્રિત કરવા માટે સુપ્રીમ કોર્ટમાં જઈશું.
આ પણ વાંચો: Vadodara : UTT નેશનલ રેન્કિંગ ટેબલ ટેનિસ ચેમ્પિયનશિપ યોજાશે, પહેલીવાર સરખું ઇનામ
વાઘને પકડવા CCTV લગાવાશે: વાયનાડ જિલ્લાના મનંથાવાડી ખાતે વાઘના હુમલામાં માર્યા ગયેલા ખેડૂત થોમસ (50)ના પરિવારે તેના એક આશ્રિતને વળતર અને સરકારી નોકરીની માંગ કરી છે. આ અંગે વનમંત્રીએ કહ્યું કે, વન વિભાગ પરિવારની માંગણીઓ પર ધ્યાન આપી રહ્યું છે અને પરિવારોને નિયમ મુજબ વળતર આપવામાં આવશે. તેમણે કહ્યું કે, ખેડૂતને મારનાર વાઘને પકડવા માટે આ વિસ્તારમાં વધુ CCTV લગાવવામાં આવશે.
વન્યજીવોની હાજરી વધી: સસેન્દ્રને કહ્યું કે, માનવ વસવાટ પર જંગલી પ્રાણીઓના હુમલાને અંકુશમાં લેવાનો કોઈપણ પ્રયાસ પડોશી રાજ્યોના સહયોગથી થઈ શકે છે. તેમણે કહ્યું કે, કર્ણાટક વન વિભાગ કેરળના પ્રયાસોમાં સારો સહકાર આપી રહ્યું છે. સસેન્દ્રને કહ્યું કે, 2015 પછી આ છઠ્ઠું મૃત્યુ છે અને આ દર્શાવે છે કે, કેરળના જંગલોમાં વન્યજીવોની હાજરી વધી છે. સસેન્દ્રને કહ્યું, 'એવું લાગે છે કે, જંગલી પ્રાણીઓ ખોરાકની શોધમાં માનવ વસાહતમાં પ્રવેશી રહ્યાં છે. સરકાર જંગલમાં વન્યજીવોની વહન ક્ષમતાનો વૈજ્ઞાનિક અભ્યાસ કરશે.
આ પણ વાંચો: Bangalore university alert students:ચિત્તા જોયા બાદ વિદ્યાર્થીઓ અને શિક્ષકોને આપી ચેતવણી
સુપ્રીમ કોર્ટનો સંપર્ક કરાશે: કેરળ સરકારે કહ્યું કે, અમે કાં તો પ્રાણીઓનું પુનર્વસન કરી શકીએ છીએ અથવા જો જરૂરી હોય તો અન્ય વિકલ્પો પર વિચાર કરી શકીએ છીએ. જો કે, સુપ્રીમ કોર્ટે એક આદેશથી સરકારો દ્વારા લેવામાં આવતા જન્મ નિયંત્રણના પગલાં પર રોક લગાવી દીધી છે. પ્રધાને કહ્યું કે, કેરળ સરકાર કેસની સુનવણી ઝડપી કરવા માટે સુપ્રીમ કોર્ટનો સંપર્ક કરવામાં આવશે.
