હૈદરાબાદઃ ઉત્તરપ્રદેશના ગ્રેટર નોઈડામાં રહેતા સચિનના પ્રેમમાં અંધ બનીને પાકિસ્તાનથી સીમા ભારત આવી ગઈ છે. આ લવસ્ટોરીએ સમગ્ર વિશ્વમાં ચકચાર જગાવી છે. સીમા તેના ચાર સંતાનોને લઈને પતિને છોડીને પાકિસ્તાનથી ભારત આવી ગઈ છે.
લવ સ્ટોરી પર બની ફિલ્મઃ પબ્જીથી શરૂ થયેલી આ લવસ્ટોરી હવે ફિલ્મી પડદા સુધી પહોંચી ગઈ છે. પ્રોડ્યુસર અમિત જાની પહેલા જ સીમા-સચિનની લવસ્ટોરી પર ફિલ્મની જાહેરાત કરી ચૂકયા છે. ફિલ્મનું નામ 'કરાચી ટુ નોઈડા' રાખવામાં આવ્યું છે. ફિલ્મનું પ્રથમ ગીત "ચલ પડે હૈ હમ" રિલીઝ થવા જઈ રહ્યું છે. ફિલ્મનું પ્રથમ પોસ્ટર પણ રિલીઝ થઈ ચૂક્યું છે.
20 ઓગસ્ટે રીલીઝ થશે ફર્સ્ટ સોન્ગઃ ફિલ્મનું પ્રથમ ગીત 20 ઓગસ્ટના રોજ રિલીઝ થવાનું છે. ફિલ્મના ડાયરેક્ટર ભારત સિંહ છે. ફિલ્મમાં સીમા હૈદરનું પાત્ર અભિનેત્રી ફરહીન ફલક ભજવી રહી છે.
સ્ટાર કાસ્ટઃ ફિલ્મના અન્ય કલાકારોમાં શ્રૃષ્ટિ બંસલ, કાયરા નેગી, મિશા નેગી, સુશાંત રાણા, અમન અને સંદેશનો સમાવેશ થાય છે.ફિલ્મનું સંગીત શશાંક દુર્ગવંશીએ આપ્યું છે. રીલીઝ થવાનુ છે તે ગીત ગાયિકા પ્રીતિ સરોજે ગાયું છે. આ ગીતના ગીતકાર અમિત જાની છે. ફિલ્મ સંબંધિત પોસ્ટમાં સીમા હૈદરના ત્રણ લૂક દેખાય છે, જેમાં એક લૂક ભારતીય છે. પહેલા સીમા ખુદ પોતાનો રોલ પ્લે કરવાની હતી, પરંતુ હવે ફરહીન સીમાનું પાત્ર ભજવી રહી છે. સમગ્ર ફિલ્મ તૈયાર થતાં જ તેની રીલીઝ ડેટ પણ દર્શકો સમક્ષ રજૂ કરવામાં આવશે.
