ચેન્નાઈ: તમિલનાડુમાં આવકવેરા વિભાગે આજે સવારે ડીએમકે સાંસદ એસ જગતરક્ષકના ઘરે દરોડા પાડ્યા હતા. મળતી માહિતી મુજબ, આવકવેરા વિભાગે 40 થી વધુ સ્થળોએ દરોડા પાડ્યા છે. ડીએમકે સાંસદ જગતરક્ષકના ઘર અને ઓફિસ પર દરોડા પાડવામાં આવ્યા છે. અત્યાર સુધી મળેલી માહિતી મુજબ આ દરોડા ટેક્સ ચોરી સાથે સંબંધિત છે. તમને જણાવી દઈએ કે, ત્રણ વર્ષ પહેલા EDએ ડીએમકે સાંસદ એસ જગતરક્ષકની 89 કરોડ રૂપિયાથી વધુની સંપત્તિ જપ્ત કરી હતી.
1000થી વધુ પોલીસકર્મીઓ સુરક્ષા: તાજેતરની માહિતી અનુસાર, 50 થી વધુ આવકવેરા અધિકારીઓ ડીએમકે સાંસદના નિવાસસ્થાન અને કાર્યાલય સહિત ઘણા સ્થળોએ સઘન તપાસ કરી રહ્યા છે. વિભાગ ખાસ કરીને આઈટી ચેન્નાઈના ક્રોમપેટ, પલ્લીકરનાઈ અને રતિનામંગલમમાં દરોડા પાડી રહ્યું છે. આ માટે સશસ્ત્ર દળના 1000થી વધુ પોલીસકર્મીઓ સુરક્ષા કાર્યમાં લાગેલા છે.
અરકોન્નમ મતવિસ્તારમાંથી લોકસભા: જગથરક્ષકન તમિલનાડુના અરકોન્નમ મતવિસ્તારમાંથી લોકસભાના સાંસદ છે અને તેમના મતવિસ્તારમાંથી ત્રણ વખત ચૂંટાયા છે. અગાઉ, આવકવેરા વિભાગે કરુર (તામિલનાડુ) માં જેલમાં બંધ DMK મંત્રી સેંથિલ બાલાજી સાથે જોડાયેલા 10 જગ્યાઓ પર દરોડા પાડ્યા હતા. એન્ફોર્સમેન્ટ ડિરેક્ટોરેટ દ્વારા 14 જૂને મની લોન્ડરિંગ કેસમાં તેની ધરપકડ કરવામાં આવી હતી.
- Agricultural Scientist Passed Away: દેશના દિગ્ગજ કૃષિ વૈજ્ઞાનિક એમ.એસ. સ્વામીનાથનનું 98 વર્ષની ઉંમરે અવસાન થયું
- Vande Bharat: દક્ષિણ ભારતને ફરી એકવાર વંદે ભારત ટ્રેનની ભેટ મળી, PM મોદીએ ચેન્નાઈ-કોઈમ્બતુર વંદે ભારતને લીલી ઝંડી બતાવી
- Chennai Airport: PM મોદીએ ચેન્નઈ એરપોર્ટના નવા ટર્મિનલ બિલ્ડિંગનું કર્યું ઉદ્ઘાટન
