મુંબઈ: રાજ ઠાકરેની મહારાષ્ટ્ર નવનિર્માણ સેનાના કાર્યકરોએ આગામી ઈન્ડિયન પ્રીમિયર લીગ (IPL) મેચો માટે ખેલાડીઓને લાવવા માટે 5-સ્ટાર હોટલની બહાર પાર્ક કરેલી લક્ઝરી બસ (IPL Team Bus )ની બારીઓ તોડી નાખી હતી.
આ પણ વાંચો: Gujarat Heatwave Warning: ગરમીમાં તપવા થઈ જાઓ તૈયાર, ગુજરાતમાં આગામી 48 કલાક હીટવેવની આગાહી
અધિકારીઓએ બુધવારે વહેલી સવારે આ માહિતી આપી હતી. MNS-ટ્રાન્સપોર્ટ (IPL Transport Bus ) વિંગના અડધા ડઝન જેટલા કાર્યકરો મધ્યરાત્રિ પહેલા બસમાં પ્રવેશ્યા, તેમની માંગણીઓના પોસ્ટરો ચોંટાડ્યા, સૂત્રોચ્ચાર કર્યા અને બસની સામેની બારીઓ તોડવાનું શરૂ કર્યું. પાછળથી એક કાર્યકર્તા, સંજય નાઈકે કહ્યું કે, જે રીતે આ હેતુ માટે રાજ્યની બહારથી બસો ભાડે લેવામાં આવે છે અને સ્થાનિકોને રોજગારીની તકોથી વંચિત કરે છે, તેઓ તેનો વિરોધ કરી રહ્યા છે.
આ પણ વાંચો: ગ્રાન્ટમાંથી 20 ટકા તો પાર્ટી ફંડમાં આપવા પડતા: મનીષા કુકડીયાનો BJP પર આરોપ
સ્થાનિક લોકોની આજીવિકા પર અસર: નાયકે IANS ને કહ્યું "અમારા વિરોધ છતાં, તેઓએ દિલ્હી અને અન્ય ભાગોથી અહીં ઘણી બસો અને અન્ય નાના વાહનોને મંજૂરી આપી છે, જે સ્થાનિક લોકોની આજીવિકા પર અસર કરી રહી છે. વધુ બસોને નુકસાન ન થાય તે માટે પોલીસ સ્થળ પર દોડી ગઈ હતી અને બુધવારે વહેલી સવારે ઓછામાં ઓછા ત્રણ MNS-VS કાર્યકરોની અટકાયત કરી હતી.
