પ્રથમ વખત મૃત શિશુનું કરવામાં આવ્યું શબપરીક્ષણ

ગર્ભાશયમાં ગર્ભ મૃત્યુ (IUFD or stillbirth) ત્યારે થાય છે, જ્યારે બાળક ગર્ભાવસ્થાના 20મા અઠવાડિયામાં અથવા પછી ગર્ભાશયમાં મૃત્યુ પામે છે. ઇન્ટ્રાઉટેરિન ગર્ભ મૃત્યુ ચેપ આનુવંશિક રોગોને કારણે થઈ શકે છે. યુનાઈટેડ સ્ટેટ્સ ડિપાર્ટમેન્ટ ઑફ હેલ્થ એન્ડ હ્યુમન સર્વિસિસના (United States Department of Health and Human Services) જણાવ્યા અનુસાર, ગર્ભાશયના ગર્ભ મૃત્યુના કેસોની સંખ્યા શિશુ મૃત્યુની સંખ્યા જેટલી જ છે. મૃત્યુ પામેલા બાળકોના મૃત્યુનું ચોક્કસ કારણ ઘણીવાર જાણી શકાતું નથી. તેનું મુખ્ય કારણ એ છે કે, તેમનું પોસ્ટમોર્ટમ થયું નથી, પરંતુ બંગાળમાં પહેલીવાર મૃત જન્મેલા બાળકનું પોસ્ટમોર્ટમ કરવામાં આવ્યું હતું.

કોલકાતા: મૃત જન્મેલા બાળકોના મૃત્યુનું ચોક્કસ કારણ ઘણીવાર જાણી શકાતું નથી. તેનું મુખ્ય કારણ એ છે કે, તેમનું પોસ્ટમોર્ટમ થયું નથી, પરંતુ બંગાળમાં પહેલીવાર મૃત જન્મેલા બાળકનું પોસ્ટમોર્ટમ કરવામાં આવ્યું હતું. કોલકાતાની આરજી કર મેડિકલ કોલેજ હોસ્પિટલના ફોરેન્સિક મેડિસિન વિભાગના વડા ડૉ. સોમનાથ દાસે સોમવારે મૃત જન્મેલા બાળકનું પોસ્ટમોર્ટમ કર્યું હતું. આરોગ્ય વિભાગે આને મંજૂરી આપી છે. નોંધનીય છે કે, ગર્ભમાં બાળકનું મૃત્યુ અથવા બાળકના જન્મને તબીબી ભાષામાં 'ઇન્ટ્રાઉટેરાઇન ફેટલ ડેથ' (Intra-uterine fetal death) કહે છે.

આ પણ વાંચો: આસામ, કર્ણાટક, તેલંગાણા, મધ્યપ્રદેશ સહિત લગભગ અડધો દેશ છે પૂરની ઝપેટમાં

મૃત શિશુનું પોસ્ટમોર્ટમ કરાયું: સૂત્રો પાસેથી પ્રાપ્ત માહિતી અનુસાર પંજાબના રૂપનગરના નવનીત સિંહ નામના વ્યક્તિ તેની ગર્ભવતી પત્ની રૂપા બિસ્વાસ સાથે કોલકાતા આવ્યા હતા અને તેને ડિલિવરી માટે ન્યૂ અલીપુર વિસ્તારની એક ખાનગી હોસ્પિટલમાં દાખલ કરી હતી. ગયા શનિવારે રૂપા વિશ્વાસે ત્યાં એક મૃત બાળકને જન્મ આપ્યો હતો. દંપતીનો સવાલ હતો કે, બાળક ગર્ભમાં સ્વસ્થ હતું તો પછી મૃત જન્મે કેમ? આ બાબતની તપાસ કરવા તેમણે મૃત શિશુનું પોસ્ટમોર્ટમ (Postmortem of a dead infant) કરાવવાનું નક્કી કર્યું.

આ પણ વાંચો: જમ્મુ-કાશ્મીરના શોપિયનના રેબન વિસ્તારમાં એન્કાઉન્ટર

ભવિષ્યમાં ગર્ભમાં મૃત્યુની સંખ્યા ઘટી શકે: ડો.સોમનાથ દાસે જણાવ્યું હતું કે, ગર્ભમાં બાળકનું અચાનક મૃત્યુ થાય છે કે કેમ તે મૃત જન્મે છે, મોટા ભાગના કિસ્સામાં તે જાણી શકાતું નથી. મૃત બાળકના 'પેથોલોજિકલ ઓટોપ્સી' (Pathological autopsy) પરથી સમજી શકાશે કે તેનું મોત કયા કારણોસર થયું હશે. જો કારણો જાણી લેવામાં આવે તો ભવિષ્યમાં ગર્ભાવસ્થા દરમિયાન આવનારી સમસ્યાઓ દૂર કરી શકાય છે. ડૉક્ટરોનું માનવું છે કે, આ કેસમાં પોસ્ટમોર્ટમ દુર્લભ છે અને પશ્ચિમ બંગાળમાં તે પહેલીવાર થયું છે. ડૉક્ટરોને આશા છે કે, ઑટોપ્સી દ્વારા કારણનું પૃથ્થકરણ કરવાથી કેટલાક સંકેતો મળશે, જે મેડિકલ સાયન્સને વધુ મદદ કરશે. આ વખતે જો પોસ્ટમોર્ટમમાં યોગ્ય કારણ મળી આવે તો ભવિષ્યમાં ગર્ભમાં મૃત્યુની સંખ્યા ઘટી શકે છે.