હૈદરાબાદ તેલંગાણાના મુખ્યપ્રધાન કે ચંદ્રશેખર રાવે (Telangana Chief Minister K Chandrasekhar Rao) સોમવારે મફતના મુદ્દા પરની ચર્ચાને લઈને કેન્દ્ર સરકાર પર કટાક્ષ કર્યો હતો. તેમણે કલ્યાણકારી યોજનાઓને (Welfare Scheme) મફત ભેટ તરીકે કહેવાને લોકોનું અપમાન ગણાવ્યું હતું. રાવે, શાસક તેલંગાણા રાષ્ટ્ર સમિતિના (Telangana Rashtra Samithi) પ્રમુખ, રાષ્ટ્રીય લોકતાંત્રિક ગઠબંધન (National Democratic Alliance) સરકાર પર હુમલો કર્યો, આરોપ લગાવ્યો કે, તે સંઘીય મૂલ્યોને નુકસાન પહોંચાડી રહી છે, રાજ્યોને આર્થિક રીતે નબળી બનાવી રહી છે અને સત્તાઓનું કેન્દ્રીકરણ કરી રહી છે.
આ પણ વાંચો ચીનની આડોડાઈ જાસૂસી જહાજ યુઆન વાંગ 5 શ્રીલંકા પહોંચ્યું
લોકોનું કલ્યાણ એ સરકારની પ્રાથમિક જવાબદારી છે કેસીઆર તરીકે ઓળખાતા રાવે કેન્દ્ર પર દૂધ અને કબરોના નિર્માણ સહિત વિવિધ વસ્તુઓ પર ટેક્સ લાદીને ગરીબ અને મધ્યમ વર્ગ પર ભારે બોજ નાખવાનો આરોપ લગાવ્યો હતો. ફ્રીબીઝ વિષય પર ચાલી રહેલી ચર્ચામાં જોડાતા મુખ્યપ્રધાને કહ્યું કે, લોકોનું કલ્યાણ એ સરકારની પ્રાથમિક જવાબદારી છે. કેન્દ્રને જવાબદાર ઠેરવવું યોગ્ય છે કારણ કે, તે પોતાની જવાબદારી નિભાવ્યા વિના કલ્યાણકારી યોજનાઓને મફત કહીને લોકોનું અપમાન કરી રહ્યું છે.
પક્ષોની મફતની રાજનીતિમાં સામેલ થવાની ટીકા કરી વડાપ્રધાન નરેન્દ્ર મોદીએ તાજેતરમાં કહ્યું હતું કે, મફત એ ભારતના આત્મનિર્ભર બનવાના માર્ગમાં અવરોધ તેમજ કરદાતાઓ પર બોજ છે. તેમણે અમુક પક્ષોની મફતની રાજનીતિમાં સામેલ થવાની ટીકા કરી હતી. સ્વતંત્રતા દિવસના અવસરે ગોલકોંડા કિલ્લા પર ધ્વજ ફરકાવ્યા બાદ એક કાર્યક્રમને સંબોધતા રાવે કહ્યું કે, બંધારણના ઘડવૈયાઓએ એક સંઘીય માળખું બનાવ્યું હતું કારણ કે, તેઓ ઈચ્છતા હતા કે કેન્દ્ર અને રાજ્યો સાથે મળીને વિકાસ તરફ આગળ વધે.
આરોપ લગાવ્યો દિલ્હીની વર્તમાન કેન્દ્ર સરકાર સંઘીય મૂલ્યોને નુકસાન પહોંચાડી રહી છે. રાજ્યોને આર્થિક રીતે નબળા બનાવવાના ષડયંત્રમાં કેન્દ્ર સામેલ છે, તે જેના પર બેઠું છે તેને કાપવા જેવું છે. તેમણે આરોપ લગાવ્યો કે, કેન્દ્ર દ્વારા એકત્ર કરાયેલી 41 ટકા આવક રાજ્યોને જવી જોઈએ, પરંતુ તે રાજ્યોનો હિસ્સો ઘટાડવા માટે ટેક્સને બદલે સેસ લગાવીને આડકતરી રીતે આવક એકત્રિત કરી રહી છે.
આ પણ વાંચો અટલ બિહારી વાજપેયીની ચોથી પુણ્યતિથિએ રાષ્ટ્રપતિ, ઉપરાષ્ટ્રપતિ અને PM મોદીએ આપી શ્રદ્ધાંજલિ
કેન્દ્ર સરકાર સહકારી સંઘવાદના આદર્શની વાત કરે છે આ દ્વારા કેન્દ્ર વર્ષ 2022-23માં રાજ્યોની આવકમાં 11.4 ટકાનો ઘટાડો કરી રહ્યું છે. તેમણે દાવો કર્યો હતો કે, કેન્દ્ર 41 ટકાને બદલે 29.6 ટકા હિસ્સો આપીને રાજ્યોને અન્યાય કરી રહ્યું છે. એટલું જ નહીં, રાવે આરોપ લગાવ્યો કે, કેન્દ્ર વિવિધ નિયંત્રણો લાદીને રાજ્યોની આર્થિક સ્વતંત્રતાને નુકસાન પહોંચાડી રહ્યું છે. તેમણે દાવો કર્યો હતો કે, કેન્દ્ર સરકાર સહકારી સંઘવાદના આદર્શની વાત કરે છે, પરંતુ વાસ્તવમાં તે સત્તાના કેન્દ્રીકરણમાં વ્યસ્ત છે. તેમણે દિલ્હીમાં કૃષિ કાયદાનો વિરોધ કરવા માટે એકત્ર થયેલા ખેડૂતોના કથિત ચિત્રણની પણ ટીકા કરી હતી અને કહ્યું હતું કે વડાપ્રધાને આખરે માફી માંગવી પડી હતી.
