ઈસ્લામાબાદ: પાકિસ્તાનના વડાપ્રધાન ઈમરાન ખાને શુક્રવારે (Imran Khan threatens his life) કહ્યું કે, તેમની પાસે વિશ્વસનીય માહિતી છે કે, તેમનો જીવ જોખમમાં છે. જો કે, તેમણે ભારપૂર્વક જણાવ્યું હતું કે, તેઓ ડરેલા નથી અને મુક્ત અને લોકશાહી પાકિસ્તાન માટે તેમની લડત ચાલુ (no confidence motion in pakistan) રાખશે. રવિવારે સંસદના નીચલા ગૃહ, નેશનલ એસેમ્બલીમાં અવિશ્વાસ પ્રસ્તાવ પર મતદાન પહેલા, ખાને ARY ન્યૂઝને જણાવ્યું હતું કે, શક્તિશાળી સેનાએ તેમને ત્રણ વિકલ્પો આપ્યા છે - અવિશ્વાસ પ્રસ્તાવ પર મતનો સામનો કરવા અથવા વડાપ્રધાન પદેથી રાજીનામું આપવા માટે વહેલી ચૂંટણી યોજો.
આ પણ વાંચો: હિંદુ સેનાએ દિલ્હીમાં યુએસ એમ્બેસીની બહાર લગાવ્યું ધમકીભર્યું પોસ્ટર, નોંધાઈ FIR
સુરક્ષા અને વિદેશ નીતિના મામલામાં મુખ્ય ભૂમિકા: વડાપ્રધાને કહ્યું કે, "મેં કહ્યું હતું કે, સમય પહેલાં ચૂંટણી યોજવી એ શ્રેષ્ઠ વિકલ્પ છે... હું ક્યારેય રાજીનામું આપવાનું વિચારી શકતો નથી અને અવિશ્વાસ પ્રસ્તાવ માટે, મને ખાતરી છે કે, હું છેલ્લી ઘડી સુધી લડીશ." પાકિસ્તાનની શક્તિશાળી સેનાએ છેલ્લા 73 વર્ષોમાં અડધાથી વધુ સમયથી દેશ પર શાસન કર્યું છે, તેમણે સુરક્ષા અને વિદેશ નીતિના મામલામાં મુખ્ય ભૂમિકા ભજવી છે. માત્ર તેમનો જીવ જ જોખમમાં નથી, પરંતુ વિદેશી હાથોની કઠપૂતળી બની ગયેલા વિપક્ષ તેમના ચારિત્ર્યની પણ હત્યા કરશે.
મારા જીવને પણ ખતરો છે: ક્રિકેટરમાંથી રાજકારણી બનેલા ખાને (69) કહ્યું કે, "હું મારા રાષ્ટ્રને કહેવા માંગુ છું કે મારા જીવને પણ ખતરો છે, વિરોધીઓએ મારા ચારિત્ર્યની હત્યાનું કાવતરું (No-confidence motion against Imran Khan government ) પણ ઘડ્યું છે." માત્ર મારી જ નહીં, મારી પત્નીનો પણ જીવ જોખમમાં છે. ઈમરાન ખાનને પૂછવામાં આવ્યું કે, વિપક્ષે તેમને કયા વિકલ્પો આપ્યા છે, ત્યારે કહ્યું કે, તેમને નથી લાગતું કે તેમણે વિપક્ષી નેતા શાહબાઝ શરીફ જેવા લોકો સાથે વાત કરવી જોઈએ. "જો અમે બચી જઈશું (અવિશ્વાસ પ્રસ્તાવ પર મતદાન), તો અમે આ પક્ષપલટો સાથે કામ કરીશું નહીં. (જેઓ તેમની પાર્ટી પાકિસ્તાન તહરીક-એ-ઈન્સાફ સિવાય વિપક્ષી છાવણીમાં જોડાયા છે),"
સમય પહેલા ચૂંટણી: ખાને કહ્યું કે, સમય પહેલા ચૂંટણી યોજવી એ વધુ સારો વિકલ્પ છે, હું મારા રાષ્ટ્રને વિનંતી કરીશ કે મને સાદી બહુમતી આપે જેથી મારે સમાધાન કરવું ન પડે. વિપક્ષના અવિશ્વાસ પ્રસ્તાવને કાવતરું ગણાવતા, તેમણે કહ્યું કે, તેઓ ગયા વર્ષના ઓગસ્ટથી આ વિશે જાણતા હતા અને કેટલાક વિપક્ષી નેતાઓ દૂતાવાસોના ચક્કર લગાવી રહ્યા હોવાના અહેવાલો હતા. તેમણે કહ્યું, હુસૈન હક્કાની જેવા લોકો લંડનમાં નવાઝ શરીફ (પાકિસ્તાનના ભૂતપૂર્વ વડા પ્રધાન)ને મળ્યા હતા.
ખાનની સુરક્ષા વધારી દેવામાં આવી: વિદેશી દેશોએ તેમની સ્વતંત્ર વિદેશ નીતિ સામે વાંધો ઉઠાવ્યો છે. ખાને કહ્યું કે, ધમકીભર્યા પત્રમાં માત્ર સત્તા પરિવર્તનની માંગ જ નથી કરવામાં આવી પરંતુ, તેમને વડાપ્રધાન પદ પરથી હટાવવાનો પણ સ્પષ્ટ ઉલ્લેખ કરવામાં આવ્યો છે. આ પહેલા પાકિસ્તાનના સૂચનાપ્રધાન ફવાદ ચૌધરીએ શુક્રવારે દાવો કર્યો હતો કે, સુરક્ષા એજન્સીઓએ વડાપ્રધાનની હત્યાના ષડયંત્રની જાણકારી આપી હતી. ડૉન અખબારે ચૌધરીને ટાંકીને કહ્યું કે, આ અહેવાલો પછી સરકારના નિર્ણય અનુસાર ખાનની સુરક્ષા વધારી દેવામાં આવી છે.
મારી નાખવાનું કાવતરું: એક સપ્તાહ પહેલા પાકિસ્તાન તહરીક-એ-ઈન્સાફના નેતા ફૈઝલ વાવડાએ પણ આવો જ દાવો કર્યો હતો. તેણે કહ્યું હતું કે, ખાનને "દેશ વેચવાનો" ઇનકાર કરવા બદલ મારી નાખવાનું કાવતરું ઘડવામાં આવી રહ્યું છે. વાવડાએ કહ્યું હતું કે ખાનનો જીવ જોખમમાં છે. વાવડાએ એમ પણ કહ્યું હતું કે, ખાનને ઘણી વખત કહેવામાં આવ્યું હતું કે, 27 માર્ચે તેમની રેલીના સ્ટેજની સામે બુલેટપ્રૂફ કાચ લગાવવાની જરૂર છે પરંતુ તેમણે ના પાડી દીધી હતી.
