- કોઈ જાન-માલને નુકસાન થયું નથી અને એક મોટી ઘટના ઘટવાથી ટળી ગઇ છે
- બોમ્બ ડિસ્પોઝલ સ્કવોડ(bomb disposal squad) ઘટના સ્થળે પહોંચી અને વિસ્ફોટકને ડિફ્યુઝ કર્યું
- આઈઈડી એક કન્ટેનરમાં છુપાવીને પ્લાન્ટ કરવામાં આવ્યું હતું
જમ્મૂ: સ્વતંત્રતા દિવસ પહેલા એક મોટો અકસ્માત ટળી ગયો છે. સુરક્ષા દળોએ દક્ષિણ કાશ્મીરના પુલવામા જિલ્લાના દદાસરા ત્રાલ વિસ્તારમાં એક તાત્કાલિક વિસ્ફોટક ઉપકરણ (improvised explosive device- IED) શોધી કાઢ્યું છે. અવંતિપોરા પોલીસ અને સુરક્ષા દળો દ્વારા ગુરુવારે મોડી રાત્રે સંયુક્ત પેટ્રોલિંગ દરમિયાન વિસ્ફોટકો મળી આવ્યા હતા. આઇઇડીને પુન:પ્રાપ્ત કર્યા પછી, તેને ડિફ્યુઝ કરવામાં આવ્યા છે. આ માહિતી અવંતિપોરા પોલીસે આપી છે.
આ પણ વાંચો- જમ્મુ-કાશ્મીરમાં લશ્કરી સંગઠનના ચાર આતંકવાદીઓની ધરપકડ
દદાસરા ત્રાલમાં સરકારી શાળા નજીક આઇઇડી મળી આવ્યું
એસએચઓ અવંતિપોરા જીએમ રાથરે(SHO Awantipora GM Rather)ETV Bharatને જણાવ્યું હતું કે, દદાસરા ત્રાલમાં સરકારી શાળા નજીક આઇઇડી મળી આવ્યું હતું. આઈઈડી એક કન્ટેનરમાં છુપાવીને ત્યાં પ્લાન્ટ કરવામાં આવ્યું હતું. સમાચાર મળતા જ બોમ્બ ડિસ્પોઝલ સ્કવોડ(bomb disposal squad) ઘટના સ્થળે પહોંચી અને વિસ્ફોટકને ડિફ્યુઝ કર્યા. આ દરમિયાન કોઈ જાન-માલને નુકસાન થયું નથી અને એક મોટી ઘટના ઘટવાથી ટળી ગઇ છે.
