બેંગલુરુ: કર્ણાટકના સુરક્ષા અધિકારીઓ છેલ્લા 2 વર્ષથી વેશમાં રહેતા હિઝબુલ મુજાહિદ્દીન (Hizbul Terrorist Arrest In Bengaluru) આતંકવાદીની ઓળખ અને ધરપકડ બાદથી હાઈ એલર્ટ પર છે. હિજાબ વિવાદ (Hijab Controversy) અને મસ્જિદ-મંદિરના મુદ્દા બાદ રાજ્ય સંવેદનશીલ તબક્કા અને અશાંતિની સ્થિતિમાંથી પસાર થઈ રહ્યું છે. આવી સ્થિતિમાં પોલીસ સુરક્ષાને લઈને કોઈ જોખમ લેવા માંગતી નથી.
આ પણ વાંચો: Anantnag Encounter Update: અનંતનાગ એન્કાઉન્ટરમાં વધુ એક આતંકવાદી માર્યો ગયો
આતંકવાદી 2 વર્ષથી બેંગ્લોરમાં છુપાયેલો હતો : સ્થાનિક બેંગલુરુ પોલીસની મદદથી રાષ્ટ્રીય રાઈફલ્સ (RR) અને સેન્ટ્રલ આર્મ્ડ રિઝર્વ પોલીસ ફોર્સની (CRPF) પ્લાટુન દ્વારા સંયુક્ત રીતે ઓપરેશન હાથ ધરવામાં આવ્યું હતું. 3 જૂને થયેલી ધરપકડની ઘટના તાજેતરમાં સામે આવી છે. આતંકવાદી છેલ્લા 2 વર્ષથી બેંગ્લોરમાં છુપાયેલો હતો. ધરપકડ કરાયેલા આતંકવાદીની ઓળખ તાલિબ હુસૈન તરીકે થઈ છે, જે આતંકવાદી સંગઠન હિઝબુલ મુજાહિદ્દીનનો એક મુખ્ય વ્યક્તિ છે. જમ્મુ અને કાશ્મીરના પોલીસ મહાનિર્દેશક દિલબાગ સિંહ (ડીજીપી જમ્મુ અને કાશ્મીર દિલબાગ સિંહ)એ મીડિયાને આ બાબતની પુષ્ટિ કરી છે.
હિઝબુલ આતંકવાદી ઓટો ડ્રાઈવર તરીકે રહેતો હતો : સૂત્રોએ જણાવ્યું હતું કે, તાલિબ હુસૈન નાગસેની તહસીલના કિશ્તવાડ જિલ્લાનો રહેવાસી છે. તે 2016માં આતંકવાદી સંગઠનમાં જોડાયો હતો અને તેના પરિવારમાં 2 પત્નીઓ અને 5 બાળકો છે. તાલિબ જમ્મુ અને કાશ્મીર ઘાટીમાં યુવાનોનું બ્રેઈનવોશ કરતો હતો અને હિન્દુઓને નિશાન બનાવતો હતો. તે બોમ્બ વિસ્ફોટની અનેક ઘટનાઓમાં પણ સામેલ છે. જ્યારે સશસ્ત્ર દળોએ તેની શોધ વધુ તીવ્ર કરી, ત્યારે તે બેંગ્લોર ભાગી ગયો હતો. તે પત્ની અને બાળકો સાથે બેંગ્લોર આવ્યો હતો. ઓટો ચલાવીને સામાન્ય વ્યક્તિની જેમ જીવન જીવી રહ્યો હતો. સશસ્ત્ર દળોએ તાલિબ હુસૈન બેંગલુરુમાં હોવા અંગેના ઇનપુટ એકત્ર કરવામાં સફળ રહ્યા હતા.
આ પણ વાંચો: પુલવામા એન્કાઉન્ટરમાં એક આતંકી માર્યો ગયો, સેનાનો એક જવાન શહીદ
સ્થાનિક પોલીસે તેની પર નજર રાખી : ગયા અઠવાડિયે સશસ્ત્ર દળોની એક વિશેષ ટીમ આ સંદર્ભમાં બેંગલુરુ પોલીસ કમિશનરને મળી હતી. સ્થાનિક પોલીસે તેની હિલચાલ પર નજર રાખી અને દળોને જાણ કરી હતી. તેની ધરપકડ બાદ તે આતંકવાદી હોવાનું જાણીને પડોશીઓ ચોંકી ગયા હતા. આતંકવાદી અહીં સામાન્ય માણસની જેમ શાંત જીવન જીવતો હતો.
