પટણાઃ બિહારના પૂર્વ મુખ્યમંત્રી અને આરજેડી પ્રમુખ લાલુ પ્રસાદ યાદવ બીમાર (Health update Lalu Prasad Yadav) છે. પટનાની પારસ હોસ્પિટલમાં તેમની સારવાર ચાલી (Lalu Prasad Treatment Patna) રહી હતી. પરંતુ હવે તેમને એર એમ્બ્યુલન્સથી દિલ્હી (Air Ambulance Delhi) મોકલવામાં આવી રહ્યા છે. ડૉક્ટરોના જણાવ્યા અનુસાર, તેમની તબિયતમાં સુધારો થઈ રહ્યો છે. પરંતુ વધુ સારી સારવાર માટે તેમને દિલ્હી AIIMS માં એડમીટ કરવામાં આવશે. લાલુ યાદવના નાના પુત્ર તેજસ્વી યાદવ પત્ની રાજશ્રી યાદવ અને માતા રાબડી દેવી સાથે દિલ્હી (Lalu Prasad Treatment Delhi) જવા રવાના થયા છે. થોડા સમય બાદ લાલુ યાદવ પુત્રી મીસા ભારતી સાથે દિલ્હી જશે.
આ પણ વાંચોઃ છેલ્લા 24 કલાકમાં રાજ્યના આ જિલ્લાઓમાં મેઘરાજા થયા મહેરબાન
નીતિશ કુમાર લાલુને મળ્યાઃ આ દરમિયાન બિહારના મુખ્યપ્રધાન નીતિશ કુમાર પારસ હોસ્પિટલ પહોંચ્યા હતા. લાલુની હાલત પૂછી હતી. આ દરમિયાન તેમણે આરજેડી ચીફ તેમજ રાબડી દેવી અને વિપક્ષના નેતા તેજસ્વી યાદવ સાથે લાંબા સમય સુધી વાત કરી. તેજસ્વી તેમને વિદાય કરવા બહાર આવી ગયા હતા. આ પહેલા પીએમ નરેન્દ્ર મોદી, કોંગ્રેસ અધ્યક્ષ સોનિયા ગાંધી અને રાહુલ ગાંધી સહિત ઘણા નેતાઓએ તેમના સ્વાસ્થ્ય વિશે ચિંતા વ્યક્ત કરી છે, સાથે જ તેમને ઝડપથી સ્વસ્થ થવાની કામના કરી છે. નિતિશ કુમારે કહ્યું હતું કે, તેઓ દિલ્હી જશે અને ત્યાં તમામ ટેસ્ટ કરાવશે. ભગવાન તેને જલ્દી સ્વસ્થ થાય તેવી કૃપા કરે. અમે માત્ર એટલું જ ઈચ્છીએ છીએ કે તેમનું સ્વાસ્થ્ય સારું રહે. એ અમારા જૂના મિત્રો છે, આજના અમે મિત્રો નથી. ઘણા જૂના સંબંધો છે. સરકારી ખર્ચે બિલકુલ સારવાર કરાવવામાં આવશે, તે તેમનો અધિકાર છે.
સીડી પરથી પડી ગયાઃ પોતાના ઘરે સીડી પરથી લપસીને પડી જતા લાલુની તબિયત એકાએક લથડી ગઈ હતી. રવિવારે સાંજે લાલુ યાદવ રાબડી આવાસમાં સીડી પરથી લપસીને પડ્યા હતા. જે બાદ તેને સારવાર માટે કાંકરબાગની હોસ્પિટલમાં લઈ જવામાં આવ્યા હતા. ત્યાંથી તેને સારવાર બાદ રજા આપવામાં આવી હતી. બાદમાં દુખાવો વધવાને કારણે તેને રવિવારે મોડી રાત્રે જ પારસમાં એડમીટ કરવામાં આવ્યા હતા. જ્યાં તેની સારવાર ચાલી રહી છે. પહેલેથી જ વિવિધ રોગોથી પીડિત લાલુની હાલત સ્થિર અને નિયંત્રણમાં હોવાનું કહેવાય છે. તબીબોની ટીમ તેની સ્થિતિ પર નજર રાખી રહી છે.
આ પણ વાંચોઃ લવમેરેજના 12 વર્ષ બાદ આ દંપતીએ લીધી દીક્ષા, જાણો શું છે કારણ
સોશિયલ મીડિયા પર અપડેટઃ તેજસ્વીએ સોશિયલ મીડિયા પર લાલુની તબિયત અંગે અપડેટ આપી છે. તેજસ્વી યાદવે સોશિયલ સાઈટ પર એક વીડિયો જાહેર કર્યો છે, જેમાં લાલુ પ્રસાદ યાદવના તમામ શુભેચ્છકોને સલામ કરીને કહ્યું છે કે આપણે બધા પારસ હોસ્પિટલમાં છીએ. જ્યાં ગરીબોના મસીહા લાલુ પ્રસાદની સારવાર કરવામાં આવી રહી છે. અમે તમને વિનંતી કરવા માંગીએ છીએ, હોસ્પિટલમાં ન આવવાની અપીલ કરવા માંગીએ છીએ. કારણ કે, હોસ્પિટલમાં હાજર અન્ય લોકોને પણ સમસ્યાનો સામનો કરવો પડી રહ્યો છે. ચેપનું જોખમ રહે છે. તેજસ્વીએ પોતપોતાના સ્થળેથી લાલુના શુભેચ્છકોને તેમના સ્વાસ્થ્ય માટે પ્રાર્થના કરવાની અપીલ કરી છે.
PM મોદીએ ચિંતા વ્યક્ત કરીઃ લાલુ યાદવની બગડતી તબિયતથી દરેક વ્યક્તિ ચિંતિત છે. સમર્થકોથી લઈને અન્ય પક્ષોના નેતાઓએ પણ ફોન પર લાલુ યાદવની તબિયત વિશે તેજસ્વી યાદવે પૂછપરછ કરી છે. વડાપ્રધાન નરેન્દ્ર મોદીએ પોતે તેજસ્વી યાદવને ફોન કરીને લાલુ યાદવની તબિયત વિશે પૂછપરછ કરી હતી. કોંગ્રેસ અધ્યક્ષ સોનિયા ગાંધી, મુખ્યમંત્રી નીતીશ કુમાર અને રાહુલ ગાંધી સહિત કોંગ્રેસ પક્ષના અન્ય નેતાઓએ તેમના સ્વાસ્થ્ય માટે વાવડ પૂછ્યા છે. ઝડપથી સ્વસ્થ થવાની પણ કામના કરી.
આ પણ વાંચોઃ ગુજરાતની આ યુનિવર્સિટીમાં ભારતમાં પ્રથમ વખત હિંદુ સ્ટડીઝનો સ્નાતક કોર્સ, કૈક આવુ હશે જ્ઞાન
ખભામાં ઈજાઃ પટનાની પારસ હોસ્પિટલના પ્રવક્તા અનુસાર, લાલુ પ્રસાદને રવિવારે બપોરે 3.30 વાગ્યે હોસ્પિટલની ઈમરજન્સીમાં લાવવામાં આવ્યા હતા. ખભામાં ઈજાના કારણે લાલુ પ્રસાદની હાલત થોડી ખરાબ હતી. જે બાદ તેને હોસ્પિટલના ઈમરજન્સી કેર યુનિટમાં દાખલ કરવામાં આવ્યો છે. જ્યાં તેની અગાઉની તમામ સ્થિતિઓને ધ્યાનમાં રાખીને તેની સારવાર કરવામાં આવી રહી છે. હાલ તેની હાલત સ્થિર છે અને તે ડોક્ટરોની દેખરેખમાં છે.
અન્ય પણ બીમારીઓઃ લાલુ ઘણી બીમારીઓથી પીડિત છે, જેમાં સૌથી મોટી સમસ્યા ટાઈપ-2 ડાયાબિટીસ અને બ્લડ પ્રેશર છે. તેમની સારવાર કરનારા બંને વરિષ્ઠ ડૉક્ટરોના જણાવ્યા અનુસાર લાલુ પ્રસાદ 15 રોગોથી પીડિત છે. તેમની વચ્ચે સૌથી મોટી ચિંતા તેમની અનિયંત્રિત ડાયાબિટીસ છે, જે સંપૂર્ણપણે ઇન્સ્યુલિન પર આધારિત છે. સિંગાપોર જઈ રહેલા કિડની ટ્રાન્સપ્લાન્ટનો પાસપોર્ટનો અડચણ પણ કોર્ટમાંથી દૂર થઈ ગયો છે. જોકે, લાલુ યાદવ સીડી પરથી પડી ગયા બાદ તેમના સમર્થકો ખૂબ જ ચિંતિત છે.
