વારાણસીઃ અંજુમન ઈનાઝાનિયા મસ્જિદ કમિટી (Anjuman Inazania Mosque Committee) વતી કોર્ટમાં એક અરજી દાખલ કરવામાં આવી હતી, જેમાં એડવોકેટ કમિશ્નરને બદલવાની માંગ કરવામાં આવી હતી. આ અંગે સુનાવણી કરતી વખતે સિવિલ જજ (વરિષ્ઠ વિભાગ) રવિ કુમાર દિવાકરે વાદી અને એડવોકેટ કમિશ્નર પાસે જવાબ માંગ્યો છે. કોર્ટે સમિતિની અરજી પર આગામી સુનાવણી માટે 9 મેની તારીખ નક્કી કરી હતી. એડવોકેટ કમિશ્નર અજય કુમાર મિશ્રા કોર્ટમાં હાજર રહેશે અને અત્યાર સુધી કરવામાં આવેલી કાર્યવાહીનો વિગતવાર અહેવાલ રજૂ કરશે.
આ પણ વાંચો-હિમાચલમાં હાઈ એલર્ટ, જાણો શા માટે તમામ આંતરરાજ્ય સરહદો સીલ કરી દેવામાં આવી
પ્રતિવાદી પક્ષો પણ એડવોકેટ કમિશ્નર પર પક્ષપાતના આરોપ અંગે તેમનો પક્ષ રજૂ કરશે. મુસ્લિમ પક્ષ (Muslim party Gyanvapi case)in ના વિરોધ, બહિષ્કાર અને હોબાળા વચ્ચે શનિવારે બીજા દિવસે જ્ઞાનવાપી કેમ્પસમાં (Varanasi Gyanvapi Masjid Case) વિડીયોગ્રાફી અને સર્વેની કામગીરી અટકાવવી પડી હતી. પરિસરમાં પહોંચેલા એડવોકેટ કમિશ્નર અને સર્વે ટીમના અન્ય સભ્યોને પરિસરમાં આવેલી મસ્જિદમાં પ્રવેશવા દેવામાં આવ્યો ન હતો. અધવચ્ચે કામ અટકાવી ટીમ બહાર આવી હતી. આ કાર્યવાહી 9 મે સુધી મુલતવી રાખવામાં આવી હતી.
આ પણ વાંચો-Bulldozer return from shaheen bagh: શાહીન બાગથી વીલા મોઢે પરત ફર્યુ બુલડોઝર, જાણો લોકોએ શું કર્યું
વાદીના એડવોકેટ સોહનલાલ આર્યએ જણાવ્યું હતું કે, કોર્ટે સ્પષ્ટ આદેશ આપ્યો હતો, પરંતુ તેનું પાલન થયું નથી. અમને સર્વે માટે ત્યાં પહોંચવા પણ દેવામાં આવ્યા ન હતા. શનિવારે, મુસ્લિમ પક્ષના લોકો આવ્યા અને પરિસરની અંદર મસ્જિદના દરવાજે ઊભા રહ્યા. જેના કારણે સર્વેની કામગીરી અટકી પડી હતી. બીજી તરફ મુસ્લિમ પક્ષના વકીલ એખલાક અહેમદે કહ્યું કે, અમારા વાંધાઓ પર સોમવારે કોર્ટમાં સુનાવણી કરવામાં આવશે. એટલા માટે અમે અત્યારે સર્વેમાં ભાગ લઈ રહ્યાં નથી. અમે આ અંગે એડવોકેટ કમિશ્નરને જાણ કરી છે. એક પક્ષની સામેલગીરી ન હોવાને કારણે સર્વે અટકાવવામાં આવ્યો હતો.
