ગાંધીનગર: ગુજરાત મેરીટાઇમ બોર્ડ (GMB) અને ફેડરેશન ઓફ ઈન્ડિયન ચેમ્બર્સ ઓફ કોમર્સ એન્ડ ઈન્ડસ્ટ્રી (FICCI) સાથે કેન્દ્રીય શિપિંગ, બંદરો અને જળમાર્ગ મંત્રાલય, 'ગ્રીન શિપ રિસાયક્લિંગ અને વ્હીકલ સ્ક્રેપિંગ' પર આંતરરાષ્ટ્રીય કોન્ફરન્સનું આયોજન કરશે.
EU સભ્ય દેશો સાથે ભાગીદારીનું અન્વેષણ થશે કેન્દ્રીય શિપિંગ, બંદરો અને જળમાર્ગ મંત્રી સર્બાનંદ સોનોવાલ 12 સપ્ટેમ્બરે મહાત્મા મંદિર ખાતે ગુજરાતના મુખ્યમંત્રી ભૂપેન્દ્ર પટેલની હાજરીમાં આંતરરાષ્ટ્રીય કોન્ફરન્સનું ઉદ્ઘાટન કરશે. આ કોન્ફરન્સ ગુજરાતમાં શિપ રિસાયક્લિંગ ઉદ્યોગની વર્તમાન સ્થિતિ અને HKC કન્વેન્શનના અનુપાલનને અપનાવવા વિશે પ્રદર્શિત કરશે. આ કોન્ફરન્સ યુરોપિયન યુનિયન (EU) શિપિંગ ઉદ્યોગ ગુજરાતમાં શિપ રિસાયક્લિંગ સુવિધાઓનો લાભ કેવી રીતે લઈ શકે અને EU સભ્ય દેશો સાથે ભાગીદારીનું અન્વેષણ કરી શકે તે અંગેની ચર્ચાને સરળ બનાવશે.
અલંગની ક્ષમતાઓને પણ પ્રદર્શિત દિવસભર ચાલનારી કોન્ફરન્સના ભાગરૂપે બે સત્રોનું આયોજન કરવામાં આવ્યું છે. ભારતમાં શિપ રિસાયક્લિંગ ઇન્ડસ્ટ્રી અને કમ્પ્લાયન્સ પરનું પ્રથમ સત્ર શિપ રિસાયક્લિંગ એક્ટ, GMB ની ભૂમિકા, HKC અને EU શિપ રિસાયક્લિંગ રેગ્યુલેશનનું (EUSRR) પાલન અને સલામત અને ટકાઉ રિસાયક્લિંગ પર ધ્યાન કેન્દ્રિત કરશે. વ્હીકલ સ્ક્રેપ પોલિસી (Vehicle Scrap Policy) પરના બીજા સત્રમાં પોલિસીની ઝાંખી જોવા મળશે, જેનો હેતુ જૂના અને અયોગ્ય વાહનોને તબક્કાવાર રીતે દૂર કરવાનો છે. તે વાહન સ્ક્રેપના હબ તરીકે અલંગની ક્ષમતાઓને પણ પ્રદર્શિત કરશે.
કોન્ફરન્સમાં કોણ લેેશે ભાગ શિપિંગ મંત્રાલય, બંદરો અને જળમાર્ગો, માર્ગ પરિવહન, ધોરીમાર્ગ મંત્રાલયના પ્રતિનિધિઓ, વૈશ્વિક સીઇઓ, અને શિપિંગ ક્ષેત્રના રાષ્ટ્રીય અને આંતરરાષ્ટ્રીય ઉદ્યોગના પ્રતિનિધિઓ, જેમાં શિપિંગ લાઇન્સ, શિપ રિસાયકલર્સ, જહાજ માલિકો વગેરે કોન્ફરન્સમાં (International Conference in Gandhinagar) ભાગ લેવાની અપેક્ષા રાખવામાં આવી છે.
