નવી દિલ્હી/મુંબઈ: મજબૂત વૈશ્વિક સંકેતો વચ્ચે બુધવારે રાષ્ટ્રીય રાજધાનીના બુલિયન માર્કેટમાં સોનું રૂપિયા 300ના વધારા સાથે રૂપિયા 60,100 પ્રતિ 10 ગ્રામ પર બંધ થયું હતું. HDFC સિક્યોરિટીઝે આ માહિતી આપી હતી. છેલ્લા ટ્રેડિંગ સેશનમાં સોનું 59800 રૂપિયા પ્રતિ 10 ગ્રામ પર બંધ થયું હતું. ચાંદીની કિંમત પણ 400 વધીને 77500 રૂપિયા પ્રતિ કિલો થઈ ગઈ છે. આંતરરાષ્ટ્રીય બજારમાં સોનું વધીને $1,936 પ્રતિ ઔંસ થયું હતું. ચાંદીની કિંમત પણ વધીને $24.60 પ્રતિ ઔંસ થઈ ગઈ છે.
ઘટાડો થવાને કારણે: બુધવારે સોનાના ભાવમાં વધારો થયો હતો. વિદેશી બજારોના સકારાત્મક સંકેતો બાદ દિલ્હીના બજારોમાં હાજર સોનાના ભાવ રૂપિયા 300 વધીને રૂપિયા 60,100 પ્રતિ 10 ગ્રામ પર ટ્રેડ થયા હતા. મોતીલાલ ઓસ્વાલ ફાઇનાન્શિયલ સર્વિસિસના કોમોડિટી રિસર્ચ ડિપાર્ટમેન્ટના સિનિયર વાઈસ પ્રેસિડેન્ટ નવનીત દામાણીએ જણાવ્યું હતું કે નબળા આર્થિક ડેટા વચ્ચે ડૉલર અને બોન્ડ યીલ્ડમાં ઘટાડો થવાને કારણે સોનું ત્રણ સપ્તાહમાં સર્વોચ્ચ સ્તરે પહોંચી ગયું છે.
સ્થાનિક ચલણને ટેકો: રૂપિયો 17 પૈસા મજબૂત થયો અને ડોલર દીઠ 82.63 પર બંધ થયો હતો. બુધવારે યુએસ ડોલર સામે રૂપિયો 17 પૈસા મજબૂત થયો અને 82.63 પર બંધ થયો હતો. વૈશ્વિક બજારોમાં યુએસ ડોલર સામે નબળા વલણ વચ્ચે રૂપિયો મજબૂત થયો હતો. વિશ્લેષકોના જણાવ્યા અનુસાર, મૂડીબજારમાં વિદેશી સંસ્થાકીય રોકાણકારો (FII) દ્વારા ખરીદી અને ઇક્વિટી બજારોમાં સ્થિર વલણે સ્થાનિક ચલણને ટેકો આપ્યો હતો. જો કે, ક્રૂડ ઓઈલના ભાવમાં વધારાએ રૂપિયાના ફાયદાને મર્યાદિત કર્યો હતો.
17 પૈસાનો વધારો: ઇન્ટરબેંક ફોરેન એક્સચેન્જ માર્કેટમાં યુએસ ડોલર સામે રૂપિયો 82.67 પર ખુલ્યો હતો. ટ્રેડિંગ દરમિયાન, રૂપિયો 82.63 જેટલો ઊંચો અને 82.81 જેટલો નીચો ગયો હતો. કારોબારના અંતે અમેરિકી ડોલર સામે રૂપિયો 82.63 ના સ્તર પર બંધ થયો હતો. મંગળવારના બંધ ભાવ 82.80ની સરખામણીમાં આ 17 પૈસાનો વધારો છે. દરમિયાન, છ મુખ્ય ચલણોની બાસ્કેટ સામે યુએસ ડોલરની સ્થિતિ દર્શાવતો ડોલર ઇન્ડેક્સ 0.03 ટકા ઘટીને 103.50 થયો હતો.
રાહત આપવાનો નિર્ણય: અમેરિકાના આંકડા દર્શાવે છે કે ત્યાં લેબર માર્કેટ ધીમી પડી રહ્યું છે અને આવી સ્થિતિમાં યુએસ ફેડરલ રિઝર્વ વ્યાજ દરમાં રાહત આપવાનો નિર્ણય લઈ શકે છે. વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ 0.56 ટકા વધીને બેરલ દીઠ $85.97 પર છે. બુધવારે BSE સેન્સેક્સ 11.43 પોઈન્ટ અથવા 0.02 ટકાના મામૂલી વધારા સાથે 65,087.25 પોઈન્ટ પર બંધ થયો હતો, જ્યારે નિફ્ટી 4.80 પોઈન્ટના મામૂલી વધારા સાથે 19,347.45 પર બંધ થયો હતો. શેરબજારના ડેટા અનુસાર, વિદેશી સંસ્થાકીય રોકાણકારોએ મંગળવારે ચોખ્ખા ધોરણે રૂપિયા 61 કરોડના શેરની ખરીદી કરી હતી.
