શ્રીનગર : ડેમોક્રેટિક પ્રોગ્રેસિવ આઝાદ પાર્ટીના (DPAP) પ્રમુખ ગુલામ નબી આઝાદે કોંગ્રેસના મહાસચિવ જયરામ રમેશ વિરુદ્ધ માનહાનિનો દાવો કર્યો છે. તેમને તેમના વકીલ દ્વારા માનહાનિની નોટિસ મોકલવામાં આવી છે. ગુલામ નબી આઝાદે આરોપ લગાવ્યો કે, જયરામ રમેશે જાહેરમાં તેમનું નામ બદનામ કર્યું, જેનાથી તેમનું અપમાન થયું.
નોટિસમાં શું કહેવામાં આવ્યું : ગુલામ નબી આઝાદે કાયદાકીય સલાહકાર નરેશ કુમાર ગુપ્તા મારફતે નોટિસ મોકલી છે. નોટિસમાં કહેવામાં આવ્યું છે કે તેમનીની (ગુલામ નબી) દોષરહિત છબીને કલંકિત કરવામાં આવી છે. તેના બદલામાં બે કરોડ રૂપિયાનું વળતર આપવાની માંગ કરવામાં આવી છે. નોટિસમાં કહેવામાં આવ્યું છે કે જયરામ રમેશે જાણીજોઈને તેમનું અપમાન કર્યું છે. નોટિસમાં કહેવામાં આવ્યું છે કે, જાહેર ભાષણમાં તેમના નામ સાથે જોડાયેલા ગુલામ શબ્દનો શાબ્દિક અર્થ આપીને તેમને બદનામ કરવાનો પ્રયાસ કરવામાં આવ્યો હતો. તેમને 'મીર જાફર' અને 'વોટ કાપનાર' કહેવામાં આવતા હતા.
આ પણ વાંચો : ગુલામ નબી આઝાદે પોતાની પાર્ટીનું નામ ડેમોક્રેટિક આઝાદ પાર્ટી રાખ્યું
રાષ્ટ્રીય સ્તરે સન્માનને ઠેસ : ગુલામ નબી આઝાદ દ્વારા જારી કરાયેલી નોટિસમાં કહેવામાં આવ્યું છે કે, તમે રાષ્ટ્રીય સ્તરે તેમના સન્માનને ઠેસ પહોંચાડી છે. તેની વધતી જતી પ્રતિષ્ઠાને કલંકિત અને નુકસાન થયું છે. તમે (જયરામ રમેશ) હંમેશા આ તકની શોધમાં છો. ગુલામ નબી આઝાદને પદ્મભૂષણ પુરસ્કારથી નવાજવામાં આવ્યા પછી તરત જ, તમે તમારા ટ્વિટર હેન્ડલ પર એક પોસ્ટ શેર કરી હતી. જેથી અન્ય લોકોના અભિપ્રાયમાં તેમને અપમાનિત કરવામાં આવે.
આ પણ વાંચો : ગુલામ નબી આઝાદની પાર્ટીના 17 નેતાઓએ પાર્ટી સાથે તોડ્યો નાતો, જોડાયા આ પક્ષમાં
કાનૂની નોટિસ : તમે આમાં ગુલામ શબ્દનો ઉપયોગ કર્યો છે. આરોપ છે કે જયરામ રમેશે ગુલામ નબી આઝાદને બદનામ કરવા માટે જાણી જોઈને આવું કર્યું. કાનૂની સલાહકાર નરેશ કુમાર ગુપ્તાએ જયરામ રમેશને સલાહ આપી કે કાનૂની નોટિસ મળ્યાની તારીખથી બે અઠવાડિયાની અંદર પ્રિન્ટ-ઈલેક્ટ્રોનિક મીડિયા અને સોશિયલ મીડિયા દ્વારા અથવા અન્ય કોઈપણ સંચાર માધ્યમ દ્વારા ગુલામ નબી આઝાદની બિનશરતી માફી માંગે. આ પહેલા પણ નબી પોતાના નિવેદનને કારણે ચર્ચામાં રહ્યા હતા.
