Robbery in Haridwar: તાઉ ગેંગના 5 અન્ય કુખ્યાતની ધરપકડ, એક કરોડના દાગીના, 10 લાખની રોકડ મળી

હરિદ્વારમાં લૂંટ ચલાવનારા મુખ્ય આરોપી સતિષ ચૌધરી (પુત્ર મહેન્દ્રસિંહ) મૂળ ગામ સલેમપુર પોલીસ સ્ટેશન, સલેમપુર જિલ્લા, બુલંદશહેર, ઉત્તર પ્રદેશનો રહેવાસી છે. પોલીસના જણાવ્યા મુજબ, આ કુખ્યાત ગુનેગાર પર ઉત્તર ભારતમાં 11 થી વધુ ગંભીર ગુનાના કેસ ચાલી રહ્યા છે. પોલીસે પાંચ આરોપીઓની ધરપકડ કરી એક કરોડના ઘરેણા અને રૂ. 10 લાખ રુપિયા પણ કબ્જે કર્યા છે.

• ઉત્તરાખંડ પોલીસને મળી લૂંટના કેસમાં મોટી સફળતા
• હરિદ્વારમાં લૂંટ ચલાવનારી ગેંગના 5 આરોપીઓ ઝડપાયા
• મુખ્ય સૂત્રધાર છે બુલંદશહેરનો કુખ્યાત સતીષ ચૌધરી

નવી દિલ્હી / હરિદ્વાર: ઉત્તરાખંડના હરિદ્વારના જ્વાલાપુરમાં ઉત્તરાખંડ પોલીસને શહેરની અત્યાર સુધીની સૌથી મોટી લૂંટના કેસમાં મોટી સફળતા મળી છે. આ બનાવના 48 કલાક પછીના ઘટસ્ફોટના બીજા તબક્કામાં, STF અને પોલીસે આ મોટી ઘટનાને અંજામ આપનારા તાઉ ગેંગના અન્ય પાંચ અજાણ્યા આરોપીઓની પણ ધરપકડ કરી છે.

મુખ્ય સૂત્રધાર છે બુલંદશહેરનો કુખ્યાત સતીષ ચૌધરી

ધરપકડ કરવામાં આવેલા લોકોમાં સતીશ ચૌધરી (પુત્ર મહેન્દ્ર રહે. પોલીસ સ્ટેશન સલેમપુર જીલ્લા બુલંદશહેર), અમિત ઉર્ફે ફૌજી (પુત્ર કિરણ પાલ રહે. પોલીસ સ્ટેશન ભવાન શામલી), સંજય ઉર્ફે રાજુ (પુત્ર તેજવીર, રહેવાસી બસોદી પોલીસ સ્ટેશન શિકારપુર જીલ્લા બુલંદશહેર), નીતિન મલિક (પુત્ર સુરેન્દ્રસિંહ) રહેવાસી ગામ કુર્માલી પોલીસ સ્ટેશન શામલી) અને વિકાસ ઉર્ફે હિમાંશુ (રહેવાસી રોહિણી દિલ્હી)નો પણ આ ગેંગમાં સમાવેશ થાય છે. આ ગુનાનો મુખ્ય સૂત્રધાર બુલંદશહેરનો કુખ્યાત સતીષ ચૌધરી છે, જે આખા ઉત્તર ભારતમાં આવી ઘટનાઓ ચલાવવા માટે જાણીતો છે.

1 કિલો 300 ગ્રામ સોનું, 6 કિલોથી વધુ ચાંદી મળી આવી

પોલીસના પકડમાં આવેલા ગુનેગારો પાસેથી 1 કરોડની કિંમતના ઘરેણા, મોટી માત્રામાં હથિયાર અને 10 લાખ રોકડા મળી આવ્યા છે. ચાલો આપણે જણાવી દઈએ કે, આ લૂંટના કેસમાં તાઉ ગેંગના અત્યાર સુધીમાં 8 બદમાશોની ધરપકડ કરવામાં આવી છે. અગાઉ ત્રણ આરોપીઓ પોલીસની પકડમાં આવ્યા હતા, જેમની પાસેથી લાખો રૂપિયાની રોકડ અને ઝવેરાત મળી આવી છે. મુખ્ય સૂત્રધાર સતિષ સહિત 8 કુખ્યાત આરોપીની ધરપકડ કરવામાં આવી છે. 1 કિલો 300 ગ્રામ સોનું, 6 કિલોથી વધુ ચાંદી મળી આવી છે. 10 લાખની કિંમતનો જંગી હથિયાર અને રોકડ રકમ મળી આવી છે.

માસ્ટરમાઇન્ડ સતીષ પર 11 કેસ

ચોરીના આ કાંડને અંજામ આપનારા મુખ્ય આરોપી સતિષ ચૌધરી (પુત્ર મહેન્દ્ર સિંહ), તે મૂળ ઉત્તર પ્રદેશના સદરપુર ગામના, સલમપુર જિલ્લાનો, રહેવાસી છે. પોલીસના જણાવ્યા મુજબ, આ કુખ્યાત ગુનેગાર પર ઉત્તર ભારતમાં 11 થી વધુ ગંભીર ગુનામાં કેસ ચાલી રહ્યા છે. પોલીસ તપાસમાં બહાર આવ્યું છે કે, ગેંગના મુખ્ય સૂત્રધાર તરીકે સતિષ તાઉ એક પછી એક ઘટનાઓને અંજામ આપતો હતો. અગાઉ તેણે ગુજરાતના સુરતમાં હીરાના વેપારીને ત્યાં લૂંટ કરી હતી. તે રુદ્રપુરમાં નીલમ જ્વેલર્સ પર લૂંટ જેવી ગંભીર ઘટનાઓમાં પણ સતીષ ચૌધરીનો જ હાથ છે.

તાઉ ગેંગમાં સંડોવાયેલા બરતરફ કરાયેલા કોન્સ્ટેબલ

સંજય ઉર્ફે રાજુ પુત્ર તેજવીર સિંહ તાઉ ગેંગમાં અત્યાર સુધીમાં પકડાયેલા 8 બદમાશોમાં ઉત્તર પ્રદેશ પોલીસનો બરતરફ કરાયેલો કોન્સ્ટેબલ છે. સંજય ઉર્ફે રાજુ મૂળ બુલંદશહેર ઉત્તરપ્રદેશનો છે.

ક્યા રાજ્યમાં તાઉ ગેંગનો આતંક

તાઉ ગેંગનો આતંક દેશના અનેક રાજ્યમાં જોવા મળ્યો છે. ઓડિશા, હિલ્હી, પશ્ચિમ બંગાળ, મધ્યપ્રદેશ, હરિયાણા, ઉત્તરપ્રદેશ અને ગુજરાત જેવા અનેક રાજ્યોમાં લુંટ જેવી ઘટનાઓમાં વોંટેડ રુપે તાઉ ગેંગ સામે આવી છે.

સમગ્ર ઘટનાક્રમ

નોંધનીય વાત એ છે કે, હરિદ્વારના મોરા તારા જ્વેલર્સમાં લગભગ 2 કરોડના દાગીનાની લૂંટ થઈ હતી. બે દિવસ પહેલા હરિદ્વાર પોલીસે પત્રકાર પરિષદમાં કહ્યું હતું કે ત્રણ આરોપીની ધરપકડ કરવામાં આવી છે, જેની પાસેથી બે લાખ રૂપિયા રોકડા, એક ચાંદીની મૂર્તિ અને બે પિસ્તોલ મળી આવી છે. આરોપીઓમાં સચિન ઉર્ફે ગુડ્ડુ પુત્ર સંજય રહેવાસી ગંગોહ જિલ્લો સહારનપુર, હિમાંશુ ત્યાગી પુત્ર મામચંદ નિવાસી જિલ્લા બુલંદશહેર, હંસરાજ સૈની ઉર્ફે ટીંકુ પુત્ર નિર્મલ સૈની રહેવાસી બુધના જિલ્લા મુઝફ્ફરનગર હોલ નિવાસી જિલ્લા પંચાયત ગેસ્ટ હાઉસ રૂડકીની ધરપકડ કરવામાં આવી હતી.

આ પણ વાંચો: સુરતની એક કંપનીનું 60 કરોડ રૂપિયાની ડ્યૂટી ચોરીનું ઝડપાયું કૌભાંડ

બાતમીના આધારે રૂડકીમાં જિલ્લા પંચાયત ગેસ્ટ હાઉસના કેરટેકરને પોલીસે કસ્ટડીમાં લીધો હતો. કડક પૂછપરછ પર તેણે લૂંટમાં સંડોવણી હોવાની કબૂલાત આપી હતી. પકડાયેલા આરોપીઓની જગ્યા પર, અન્ય બે આરોપીની યુપીના સહારનપુર અને બુલંદશહેરથી ધરપકડ કરવામાં આવી હતી.