પૂર્વ મુખ્ય ચૂંટણી કમિશ્નરે Etv Bharatને કહ્યું, 'ધર્મ સંસદ પર મૌન દરેકને સમજાય છે'

પૂર્વ મુખ્ય ચૂંટણી કમિશ્નર એસ.વાય.કુરેશીએ કહ્યું કે, ધર્મ સંસદ પર મૌન (EX CEC SY Quraishi On Dharam Sansad) બધાને સમજાઈ રહ્યું છે. તે સીધી રીતે સરકારની સંડોવણી અથવા કહો કે તેમનું સંરક્ષણ દર્શાવે છે. Etv Bharat સાથેની એક્સક્લુઝિવ વાતચીતમાં (Exclusive Interview with SY Quraishi) તેમણે કહ્યું કે, સરકારે કાયદાની કડક જોગવાઈઓ હેઠળ કાર્યવાહી કરવી જોઈતી હતી. રેલી અંગે તેમણે કહ્યું કે, ચૂંટણી પંચે 15 જાન્યુઆરી પછી યોજાનારી તમામ રેલીઓ પર પ્રતિબંધની જાહેરાત કરવી જોઈતી હતી. Etv Bharatના વરિષ્ઠ સંવાદદાતા સૌરભ શર્માએ તેમની સાથે વાત કરી છે.

નવી દિલ્હીઃ હરિદ્વારમાં આયોજિત ધર્મ સંસદ (Dharam Sansad held at Haridwar) દરમિયાન કેટલાક સાધુ-સંતોના ભાષણને લઈને વિવાદ થયો છે. સુપ્રીમ કોર્ટ પણ આને લગતી અરજી પર સુનાવણી કરવા તૈયાર થઈ ગઈ છે. ભૂતપૂર્વ મુખ્ય ચૂંટણી કમિશ્નર એસ.વાય.કુરેશીનું (Exclusive Interview with SY Quraishi) માનવું છે કે, આ મામલે વહીવટી તંત્રે જે પ્રકારની કાર્યવાહી કરવી જોઈતી હતી, તે કંઈ કરવામાં આવી નથી. Etv Bharat સાથેની એક્સક્લુઝિવ વાતચીતમાં કુરેશીએ કહ્યું કે જે પ્રકારની ચર્ચાઓ થઈ છે, સરકારે કાયદાની કડક જોગવાઈઓ હેઠળ કાર્યવાહી કરવી જોઈતી હતી. તે અફસોસની વાત છે કે, આ બાબતમાં કોઈ તત્પરતા નહોતી. શું થઈ રહ્યું છે, લોકો બધું જોઈ રહ્યા છે.

આ મુદ્દે ચારે બાજુ મૌન છે તે ખૂબ જ ચિંતાજનક છે: એસ.વાય.કુરેશી

કુરેશીએ બેફામપણે કહ્યું કે, આ લોકો સત્તાથી સુરક્ષિત છે. જે રીતે આ મુદ્દે ચારે બાજુ મૌન છે તે ખૂબ જ ચિંતાજનક છે. તેના બદલે તમે કહો કે આ 'મૌન' પણ 'સંડોવણી' છે. કોઈએ તેની નિંદા પણ કરી નથી, આનાથી વધુ અફસોસ શું હોઈ શકે. એક દિવસ પહેલા જ રવિવારે બસપા સુપ્રીમો માયાવતીએ રાજનીતિમાં ધર્મના ઉપયોગ પર ચિંતા વ્યક્ત કરી હતી. તેમણે ચૂંટણી પંચને પણ આ મામલે કાર્યવાહી કરવાની અપીલ કરી હતી. હકીકતમાં યુપીના મુખ્યપ્રધાન યોગી આદિત્યનાથે એક ભાષણ દરમિયાન કહ્યું હતું કે, યુપીમાં ચૂંટણીમાં 80 ટકા વિરુદ્ધ 20 ટકા જોવા મળશે, તેના બીજા જ દિવસે ધર્મ સંસદમાં વિવાદાસ્પદ ભાષણ આપવામાં આવ્યું હતું.

નિયમોનું ઉલ્લંઘન કરશે તો તેની સામે કડક કાર્યવાહી કરાશે: એસ.વાય.કુરેશી

કુરેશીને જ્યારે આ સંબંધિત પ્રશ્ન પૂછવામાં આવ્યો તો તેમણે કહ્યું કે, ચૂંટણી પંચે સાવધાન રહેવું પડશે. જો કોઈ નિયમોનું ઉલ્લંઘન કરશે તો તેની સામે કડક કાર્યવાહી કરવામાં આવશે. કમિશને કોઈ શિથિલતા કે લવચીક અભિગમ અપનાવવો જોઈએ નહીં અને કોઈપણ રીતે ચૂંટણી જાહેર થતાંની સાથે જ કાયદો અને વ્યવસ્થાની જવાબદારી ચૂંટણી પંચ પર આવી જાય છે. જો કોઈ કોઈપણ પ્રકારનું નિવેદન આપે છે, તો પંચ તેમની સામે કાર્યવાહી કરવા માટે સંપૂર્ણપણે સ્વતંત્ર છે.

'આયોગે રેલી અને જાહેર સભા બન્ને પર પ્રતિબંધ મૂક્યો હોત તો સારું હોત'

કુરેશીને જ્યારે પૂછવામાં આવ્યું કે પંચે ઓમિક્રોનના કારણે 15 જાન્યુઆરી સુધી જાહેર રેલી પર પ્રતિબંધની જાહેરાત કરી છે તો તેમણે કહ્યું કે, આયોગે રેલી અને જાહેર સભા બન્ને પર પ્રતિબંધ મૂક્યો હોત તો સારું હોત. પંચે 10 માર્ચે મત ગણતરીના દિવસે પણ વિજય સરઘસ અને ઉજવણીની મંજૂરી આપી નથી પરંતુ મને એ સમજાતું નથી કે કમિશને 10 માર્ચે પ્રતિબંધની જાહેરાત કરી, પરંતુ તેની પહેલા અને 15 જાન્યુઆરી પછી જાહેરાત કેમ ન કરી નથી.

8 જાન્યુઆરીથી આદર્શ આચારસંહિતા અમલમાં છે

પૂર્વ મુખ્ય ચૂંટણી કમિશ્નરે કહ્યું કે, જેવા મોટા નેતાઓ જાહેરસભામાં જશે કે તરત જ ભીડ ભેગી થઈ જશે. જાહેર સભા હોય કે રેલી, લોકો હંમેશા ત્યાં ભેગા થાય છે. ગમે તે નામ આપો, લોકો આવશે. તેથી આયોગે તમામ પ્રકારની રેલીઓ, જાહેર સભાઓ અને સભાઓ પર પ્રતિબંધ મૂક્યો હોત તો સારું થાત. આ સમયની જરૂરિયાત છે. છેવટે દરેકના સ્વાસ્થ્યનું હિત આ સાથે સંકળાયેલું છે. તમે આ કેવી રીતે અવગણી શકો છો ? ઉલ્લેખનીય છે કે, 8 જાન્યુઆરીએ ચૂંટણી પંચે ઉત્તર પ્રદેશ, ઉત્તરાખંડ, પંજાબ, મણિપુર અને ગોવાની ચૂંટણીની તારીખોની જાહેરાત કરી હતી. તે દિવસથી આદર્શ આચારસંહિતા અમલમાં છે. જોવાનું એ રહે છે કે આ ચૂંટણી ધ્રુવીકરણ અને ધાર્મિક વિભાજન પર આધારિત છે કે વિકાસના નામે.

આ પણ વાંચો: મુંબઈ એરપોર્ટ પર વિમાન ખેંચનારા વાહનમા લાગી આગ

આ પણ વાંચો: ભાજપ અધ્યક્ષ જે.પી.નડ્ડા થયા કોરોના સંક્રમિત, ટ્વિટ કરી આપી જાણકારી