નવી દિલ્હી: દિલ્હી હિંસા ષડયંત્ર (Delhi Violence Case ) કેસમાં UAPA હેઠળ નોંધાયેલા કેસમાં આરોપી ઈશરત જહાંને દિલ્હીની કર્કડૂમા (Ishrat Jahan Unlawful Activities) કોર્ટે જામીન આપ્યા છે. એડિશનલ સેશન્સ જજ અમિતાભ રાવતે જામીનનો હુકમ કર્યો હતો.
આ પણ વાંચો: દિલ્હી હિંસાના આરોપી ઉમર ખાલિદની જામીન અરજી પર નિર્ણય ટળ્યો
નતાશા નરવાલ સાથે મળીને કાવતરું ઘડ્યું: જામીન અરજી પર સુનાવણી દરમિયાન દિલ્હી પોલીસ વતી વિશેષ સરકારી વકીલ અમિત પ્રસાદે ઈશરત જહાંની નવી જામીન અરજીનો વિરોધ કરતા કહ્યું હતું કે, ઈશરત જહાં અન્ય આરોપીઓના (Ishrat Jahan accused in NorthEast Delhi violence) સંપર્કમાં હતી અને તેનો હેતુ તોફાનોનું કાવતરું ઘડવાનો હતો. અમિત પ્રસાદે કહ્યું હતું કે, ઈશરત જહાંએ નતાશા નરવાલ સાથે મળીને કાવતરું ઘડ્યું હતું, જેનો ખુરેજી વિસ્તાર સાથે કોઈ સંબંધ નથી.
અમિત પ્રસાદે કહ્યું હતું કે, ઈશરત જહાં ન તો જેએનયુ સાથે અને ન તો દિલ્હી યુનિવર્સિટી સાથે સંબંધિત હતી. આવી સ્થિતિમાં અન્ય આરોપીઓ સાથે તેનો સંપર્ક હિંસા આચરવા માટે જ હતો. અમિત પ્રસાદે કહ્યું કે, ચાર્જશીટ મુજબ ઈશરત જહાં અમાનુલ્લા સાથે પણ સંબંધિત હતી, જેને કોર્ટ દ્વારા ભાગેડુ જાહેર કરવામાં આવી હતી. અમાનુલ્લા કોઈ સામાન્ય વ્યક્તિ ન હતો, પરંતુ તે જામિયા જાગૃતિ અભિયાન ટીમનો હવાલો હતો.
કલમ 437 હેઠળ નવી જામીન અરજી દાખલ કરી: ઈશરત જહાંએ ક્રિમિનલ પ્રોસિજર કોડની કલમ 437 હેઠળ નવી જામીન અરજી દાખલ કરી હતી. અગાઉ 29 સપ્ટેમ્બર 2021ના રોજ, ઈશરત જહાંએ ફોજદારી પ્રક્રિયા સંહિતાની કલમ 439 હેઠળ દાખલ કરેલી અરજી પાછી ખેંચી લીધી હતી. સુનાવણી દરમિયાન, ઇશરત જહાં તરફથી હાજર રહેલા એડવોકેટ જિતેન્દ્ર બક્ષીએ કહ્યું હતું કે, તેઓ ફોજદારી પ્રક્રિયા સંહિતાની કલમ 439 હેઠળ દાખલ કરવામાં આવેલી અરજી પાછી ખેંચી રહ્યાં છે અને કલમ 437 હેઠળ નવી જામીન અરજી દાખલ કરશે. એડિશનલ સેશન્સ જજ અમિતાભ રાવતે ઈશરત જહાંને અરજી પાછી ખેંચી લેવાની અને નવી અરજી દાખલ કરવાની મંજૂરી આપી.
આ પણ વાંચો: ક્યારેય કલ્પના નહોતી, 'નૈતિકતા'નું ધોરણ આટલું નીચું જઈ શકે ? : સુપ્રીમ કોર્ટ
ઈશરત જહાંએ ભીડને ઉશ્કેરી: ઈશરત જહાંની 26 ફેબ્રુઆરી 2020ના રોજ ધરપકડ કરવામાં આવી હતી. ઇશરત જહાં વિરુદ્ધ ભારતીય દંડ સંહિતાની કલમ 109, 147, 148, 149, 186, 307, 332, 353 અને 34 અને આર્મ્સ એક્ટની કલમો હેઠળ FIR નોંધવામાં આવી છે. પોલીસના જણાવ્યા અનુસાર, ઈશરત જહાંએ ભીડને ઉશ્કેરતા કહ્યું કે, અમે મરવા માંગીએ છીએ, પરંતુ અમે અહીંથી ખસીશું નહીં, પોલીસ ગમે તે કરે, અમે આઝાદી લઈશું. પોલીસના જણાવ્યા અનુસાર, 26 ફેબ્રુઆરી 2020ના રોજ જગતપુરીમાં પોલીસ પર માત્ર પથ્થરમારો જ નહીં પરંતુ ગોળીઓ પણ ચલાવવામાં આવી હતી.
