નવી દિલ્હી: ભારતમાં એક દિવસમાં કોરોના વાયરસના (India Corona Update) સંક્રમણના 1,61,386 નવા કેસ નોંધાયા છે. આરોગ્ય વિભાગ દ્વારા મળતી માહિતી પ્રમાણે 24 કલાકમાં સંક્રમણના કારણે વધુ 1733 લોકોના મોતને કારણે મૃત્યુઆંક વધીને 4,97,975 થઈ ગયો છે.
આ પણ વાંચો: રાજ્યમાં કોરોના કેસમાં થયો ઘટાડો 24 કલાકમાં 9,395 પોઝિટિવ કેસ નોંધાયા, 30 દર્દીએ કોરોના સામે હારી જંગ
24 કલાકમાં 2,81,109 દર્દીઓ સાજા થયા
બુધવારે સવારે 8 વાગ્યે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડામાં આ માહિતી આપવામાં આવી છે. માહિતી અનુસાર 24 કલાકમાં 2,81,109 દર્દીઓ સાજા થયા છે. મંત્રાલયે જણાવ્યું હતું કે, હાલમાં કોરોનાના 16,21,603 સક્રિય કેસ છે. દૈનિક હકારાત્મકતા દર 9.26 ટકા છે. અત્યાર સુધીમાં દેશમાં કોરોના રસીના 167.29 કરોડથી વધુ ડોઝ આપવામાં આવ્યા છે.
આ પણ વાંચો: રાજ્યમાં ધીમો પડ્યો કોરોના, છેલ્લા 24 કલાકમાં 12,131 કેસ આવ્યા સામે - મોતના આંકડાએ ચોંકાવ્યા
મૃત્યુઆંક વધીને 4,96,242 થયો
આ પહેલા મંગળવારે એક જ દિવસમાં કોરોના વાયરસના સંક્રમણના 1,67,059 નવા કેસ સામે આવતાં દેશમાં સંક્રમણના કેસ 4.14 કરોડને પાર કરી ગયા હતા. માહિતી અનુસાર 24 કલાકમાં સંક્રમણના કારણે વધુ 1,192 લોકોના મોતને કારણે મૃત્યુઆંક વધીને 4,96,242 થઈ ગયો છે.
