ચીનમાં H10N3 બર્ડ ફ્લૂથી સંક્રમિત થયેલો પહેલો દર્દી મળ્યો

ચીનમાં મનુષ્યનો બર્ડ ફ્લૂનો H10N3થી સંક્રમિત થવાનો પહેલો કેસ સામે આવ્યો છે. ચીનના રાષ્ટ્રીય સ્વાસ્થ્ય આયોગે જણાવ્યું છે કે ઝેનજિયાંગ શહેરના 41 વર્ષના દર્દીની હાલત સ્થિર છે અને તેને હોસ્પિટલમાંથી રજા આપવામાં આવી શકે છે.

• ચીન તરફથી વધુ એક રેડઝોનની નિશાની સામે આવી
• મનુષ્યમાં બર્ડ ફ્લૂનો H10N3થી સંક્રમણ થવાનો પહેલો કેસ સામે આવ્યો
• ચીનના રાષ્ટ્રીય સ્વાસ્થ્ય આયોગે આપી માહિતી

બીજિંગઃ એચ10એન3થી મનુષ્યમાં બર્ડ ફ્લૂનો ચેપ લાગ્યો હોવાનો પહેલો કેસ ચીનના પૂર્વ પ્રાંત જિઆંગસુમાં નોંધાયો છે. ચીનના રાષ્ટ્રીય આરોગ્ય આયોગે મંગળવારે આ માહિતી આપી છે.સરકાર સંચાલિત સીજીએનટી ટીવીએ અહેવાલ આપ્યો છે કે ઝેનજિયાંગ શહેરનો 41 વર્ષના દર્દીની હાલત સ્થિર છે અને તેને હોસ્પિટલમાંથી રજા આપવામાં આવી શકે છે.

આ પણ વાંચોઃ આર્મીના જવાનોના ટેસ્ટ કરાવવાનું કહીને સંખ્યાબંધ પેથોલોજિસ્ટના ખાતામાંથી લાખો રૂપિયા ગાયબ

જોકે આરોગ્ય સત્તાવાળાઓએ આ સંક્રમણ મામલાને વધુ મહત્ત્વ ન આપતાં કહ્યું છે કે આ સંક્રમણ મરઘીમાં માણસોમાં ફેલાયેલા વાયરસનો છૂટાછવાયો કેસ છે અને રોગચાળો ફેલાવાનું જોખમ ખૂબ ઓછું છે.રાષ્ટ્રીય આરોગ્ય આયોગે એક નિવેદનમાં જણાવ્યું છે કે, 28 મેના રોજ એક દર્દી ( H10N3 Bird Flu) વાયરસથી સંક્રમિત મળ્યો હતો. કમિશને જણાવ્યું ન હતું કે તે વ્યક્તિને કેવી રીતે સંક્રમણ લાગ્યું, પણ તેમણે કહ્યું કે આ પહેલાં વિશ્વમાં ક્યાંય પણ મનુષ્યોમાં એચ10એન3 સંક્રમણ લાગ્યું નથી.

મરઘીમાંથી ફેલાવાવાળા સ્ટ્રેન ઓછો જોખમી

એચ10એન3 મરઘીઓમાં ફેલાતો બર્ડ ફ્લૂનો અપેક્ષાએ ઓછું ગંભીર સ્વરુપ ધરાવે છે.તેનું મોટા પ્રમાણમાં ફેલાવાનું જોખમ ખૂબ જ ઓછું છે. ચીનમાં બર્ડ ફ્લૂના જુદાજુદા સ્વરુપ છે જેનાથી મનુષ્યોના સંક્રમિત થવાના કેસ કોઇકોઇ વાર સામે આવે છે.

આ પણ વાંચોઃ 1 જુલાઈથી ધોરણ-12ની પરીક્ષા લેવાશે, જાણો સમગ્ર ટાઈમટેબલ…