ઉત્તરાખંડ : રાજ્યમાં આ વખતે ચોમાસા પહેલા જ હવામાન ડરાવા લાગ્યું છે. ઉત્તરાખંડમાં વરસાદ અને હિમવર્ષા થઈ રહી છે. જેના કારણે ચારધામ યાત્રામાં ખલેલ પડી રહી છે. સાથે જ કડકડતી ઠંડીના કારણે મુસાફરોની મુશ્કેલીઓમાં વધારો થઇ રહ્યો છે. બીજી તરફ, ઉત્તરાખંડ સ્ટેટ ડિઝાસ્ટર મેનેજમેન્ટ ઓથોરિટી પાસેથી પ્રાપ્ત માહિતી અનુસાર, આ વર્ષે ચાલું યાત્રા દરમિયાન 21 મુસાફરોના મોત થયા છે.
ભક્તોના મૃત્યું આંકમાં સતત વધારો : નોંધનીય છે કે અત્યાર સુધીમાં 4,74,622 શ્રદ્ધાળુઓ ચારધામ યાત્રાએ ગયા છે. બીજી તરફ 6 મેના રોજ કુલ 38,523 ભક્તોએ ચાર ધામના દર્શન કર્યા હતા. ઉત્તરાખંડ સ્ટેટ ડિઝાસ્ટર મેનેજમેન્ટ ઓથોરિટી પાસેથી પ્રાપ્ત માહિતી અનુસાર, આ વર્ષે મુસાફરીની સિઝનમાં અત્યાર સુધીમાં 21 મુસાફરોના મોત થયા છે. કેદારનાથમાં સૌથી વધુ 8 મોત થયા છે. બીજા નંબર પર યમુનોત્રીના જાનકી ચટ્ટીમાં 6 મોત થયા છે. યાત્રાની સિઝન શરૂ થયા બાદ બદ્રીનાથમાં 4 ગંગોત્રી અને 3ના મોત થયા છે. ઉત્તરાખંડમાં પ્રવાસની મોસમ શરૂ થતાં જ હવામાને પણ પાયમાલી શરૂ કરી દીધી હતી.
હિમવર્ષા બની રહ્યું છે મોતનું કારણ : એપ્રિલના છેલ્લા અઠવાડિયાથી વાતાવરણ આકરું બન્યું છે. વરસાદ અને હિમવર્ષાના કારણે ભક્તોને વિવિધ સ્થળોએ રોકવામાં આવી રહ્યા છે અને જ્યારે હવામાન યોગ્ય હોય ત્યારે તેમને આગળની યાત્રા માટે મોકલવામાં આવી રહ્યા છે. ખરાબ હવામાનને કારણે રાજ્યમાં એક રાષ્ટ્રીય ધોરીમાર્ગ અને ગ્રામીણ માર્ગો બ્લોક થઈ ગયા છે. સ્ટેટ ડિઝાસ્ટર કંટ્રોલ રૂમ તરફથી પ્રાપ્ત માહિતી અનુસાર, ઋષિકેશ ચંબા ધરસુ નેશનલ હાઈવે-94 કંદિસૌર ડાબરી પાસે તૂટી ગયો છે. જ્યાં નાના વાહનોની અવરજવર તો થાય છે પરંતુ મોટા વાહનોની અવરજવરમાં અવરોધ ઉભો થાય છે.
રસ્તાઓ ધોવાઇ રહ્યા છે : આ નેશનલ હાઈવેને ખુલ્લો મુકવાની કામગીરી જાહેર બાંધકામ વિભાગ દ્વારા સતત કરવામાં આવી રહી છે. આ ઉપરાંત નૈનીતાલમાં એક ગ્રામીણ માર્ગ પણ અવરોધાયો છે. જે ખોલવાની કામગીરી ચાલી રહી છે. આ સિવાય હવામાનની વાત કરીએ તો હવામાન વિભાગે દેહરાદૂન, ટિહરી અને ઉત્તરકાશીમાં વરસાદને લઈને એલર્ટ જાહેર કર્યું છે.
