સનાતન વિશેના મારા નિવેદનને ભાજપે તોડી મરોડીને રજૂ કર્યુ: ઉદયનીધિ સ્ટાલિન

ડિએમકે નેતા અને તમિલનાડુના મુખ્યમંત્રી એમ.કે. સ્ટાલિનના મંત્રી પુત્ર ઉદયનીધિ સ્ટાલિને સનાતન ધર્મ વિશેના પોતાના અગાઉના વિવાદીત નિવેદન મામલે પહેલી વખત રવિવારે જાહેર મંચ પરથી પ્રતિક્રિયા આપી હતી. તેમણે કહ્યું કે, પ્રધાનમંત્રી નરેન્દ્ર મોદીના નેતૃત્વ વાળી ભાજપ સરકારે તેમની ટિપ્પણીઓને તોડી-મરોડીને રજૂ કરી સમગ્ર દેશમાં વાતનું વત્તેસર બનાવ્યું છે.

તામિલનાડુ: ડીએમકે યુવા પાંખના સચિવ ઉધયનિધિએ રવિવારે કરુર જિલ્લામાં પાર્ટીની યુવા કેડરની બેઠકમાં પોતાના અગાઉના નિવેદનો પર થયેલાં હોબાળા મામલે પ્રતિક્રિયા આપી હતી. તેમણે કહ્યું કે, સનાતન ધર્મ પરના પોતાના નિવેદન પરના વિવાદનો ઉલ્લેખ કરતા કહ્યું કે, સનાતન ધર્મને 'મચ્છર, ડેન્ગ્યુ, મેલેરિયા, તાવ અને કોરોના' સમાન ગણાવ્યો હતો અને કહ્યું હતું કે તેને નાબુદ કરવાની જરૂર છે ન કે માત્ર વિરોધ કરવાની.

તેમણે કહ્યું કે મે, તેઓએ મારા પર એવી વાતો કરવાનો આરોપ લગાવ્યો છે જે મેં કહ્યું જ નથી. હું એક કોન્ફરન્સમાં (ચેન્નાઈમાં) ભાગ લઈ રહ્યો હતો અને માત્ર ત્રણ મિનિટ જ બોલ્યો. મેં જે કહ્યું તે એ હતું કે દરેક સાથે સમાન વ્યવહાર થવો જોઈએ અને તેની સાથે ભેદભાવ ન કરવો જોઈએ.

ભેદભાવનો કોઈપણ પ્રયાસ ખતમ થવો જોઈએ પરંતુ તેઓએ (ભાજપ) મારા નિવેદનને તોડી-મરોડીને ખોટા અર્થઘટના સાથે રજૂ કર્યુ છે, અને સમગ્ર દેશમાં મારા વિશે વાત કરવા માટે લોકોને મજબૂર કરી દીધા. કેટલાંક સાધુઓએ મારા માથા પર 5-10 કરોડ રૂપિયાનું ઈનામ જાહેર કર્યું હતું. આ મામલો હાલ કોર્ટમાં છે અને મને કાયદામાં પૂરો વિશ્વાસ છે

મને મારી ટિપ્પણીઓ માટે માફી માંગવા માટે કહેવામાં આવ્યું હતું પરંતુ મેં કહ્યું કે હું માફી માંગી શકતો નથી. મેં કહ્યું કે હું સ્ટાલિનનો દીકરો, ક્લૈગ્નારનો પૌત્ર છું અને હું ફક્ત તેમના દ્વારા સમર્થિત વિચારધારાને વ્યક્ત કરી રહ્યો હતો. ઉધયાનિધિએ ચેન્નાઈમાં એક કાર્યક્રમમાં કહ્યું, 'સનાતન મેલેરિયા અને ડેન્ગ્યુ જેવો છે અને તેથી તેનો વિરોધ કરવાને બદલે તેને ખતમ કરી દેવો જોઈએ.'

ઉધયનિધિની ટિપ્પણીઓએ સોશિયલ મીડિયા પર તીવ્ર પ્રતિક્રિયાઓ ફેલાવી હતી અને ઘણા લોકોએ મંત્રી સામે કાનૂની કાર્યવાહીની માંગ કરી હતી. બાદમાં તેણે X (અગાઉ ટ્વિટર) પર તેના સત્તાવાર હેન્ડલ પર પોસ્ટ કર્યું, 'આ યથાવત રાખો. હું કોઈપણ કાયદાકીય પડકારનો સામનો કરવા તૈયાર છું. અમે આ પ્રકારની ભગવા ધમકીઓથી ગભરાઈશું નહીં.

જો કે, સીએમ સ્ટાલિન તેમના પુત્રના બચાવમાં કૂદી પડ્યા હતા અને કહ્યું હતું કે, ઉધયનિધિએ સનાતન ધર્મ પર શું કહ્યું તે જાણ્યા વિગર પીએમ મોદીએ કરેલી ટિપ્પણી 'અયોગ્ય' હતી. રાષ્ટ્રીય મીડિયા તરફથી સાંભળવું નિરાશાજનક છે કે વડા પ્રધાને ઉલ્લેખ કર્યો છે કે ઉધયનિધિની ટિપ્પણીઓને તેમના મંત્રી પરિષદની બેઠક દરમિયાન યોગ્ય પ્રતિસાદની જરૂર છે.

કોઈપણ દાવા કે રિપોર્ટની ચકાસણી કરવા માટે વડાપ્રધાન પાસે તમામ સંસાધનો છે. તો શું વડાપ્રધાન ઉધયનિધિ વિશે ફેલાયેલા જુઠ્ઠાણાથી અજાણ છે કે, પછી તેઓ જાણી જોઈને આવું કરી રહ્યા છે? સીએમએ તેમના સત્તાવાર એક્સ હેન્ડલ પરથી પોસ્ટ કર્યું. તેમણે બીજેપી નેતાઓ પર ખોટી વાતો ફેલાવવાનો આરોપ લગાવ્યો.

ઉધયનિધિએ અગાઉ પણ તેમની સનાતન અંગેના નિવેદન પર સ્પષ્ટતા કરી હતી અને ભાજપના નેતાઓ પર તેમના ભાષણને 'નરસંહાર ઉશ્કેરવા' તરીકે દર્શાવવાનો આરોપ મૂક્યો હતો, અને કહ્યું હતું કે તેઓ તેનો ઉપયોગ પોતાને બચાવવા માટે એક હથિયાર તરીકે કરી રહ્યા છે. ઉધયનિધિએ ટ્વિટર પર ચાર પાનાનો પત્ર શેર કર્યો અને પોસ્ટ કર્યું, 'ચાલો આપણે પેરિયાર, અણ્ણા, કલાઈગ્નાર અને પરાસિરિયરની વિચારધારાઓની જીત માટે કામ કરવાનો સંકલ્પ કરીએ. સામાજિક ન્યાયને હંમેશા ફુલવા-ફાલવા દો.