- અભિનેત્રી પ્રિયંકા પંડિતનો પ્રાઈવેટ વીડિયો વાયરલ
- અગાઉ અભિનેત્રી ત્રિશાકરનો પણ પ્રાઈવેટ વીડિયો થયો હતો લીક
- આ વીડિયો અંગે પ્રિયંકા પંડિત પોતાનું નિવેદન આપ્યું
હૈદરાબાદ: ભોજપુરી અભિનેત્રી પ્રિયંકા પંડિતનો ખાનગી વીડિયો ઇન્ટરનેટ પર લીક થયો છે. અગાઉ ભોજપુરી અભિનેત્રી ત્રિશાકર મધુનું પણ પ્રાઈવેટ વીડિયો લીક થયો હતો. જેમાં તે તેના કથિત 'બોયફ્રેન્ડ' સાથે જોવા મળી હતી. જો કે આ વીડિયો વિશે કહેવામાં આવી રહ્યું છે કે, આ વીડિયો એકદમ જૂનો છે, પણ ભોજપુરી ઇન્ડસ્ટ્રી અને ઈન્ટરનેટમાં બન્ને અભિનેત્રીઓના આવા વીડિયો દેખાવાને કારણે ખળભળાટ મચી ગયો છે.
અભિનેત્રી ત્રિશાકરનો MMS પણ થયો હતો વાયરલ
એક સમાચાર અનુસાર, પ્રિયંકા પંડિતનો આ વીડિયો ઘણો જૂનો છે. જે ત્રિશાકરના MMS ડ્રામા બાદ ફરી શેર કરવામાં આવી રહ્યો છે. પ્રિયંકાનો ખાનગી વીડિયો ઘણા સોશિયલ મીડિયાના વિવિધ પ્લેટફોર્મ પર જોવા મળી રહ્યો છે. ઇન્સ્ટાગ્રામથી યુટ્યુબ અને ટ્વિટર સુધી લોકો તેને શેર કરી રહ્યા છે અને સર્ચ કરી રહ્યા છે. આ બાબતે એક ન્યૂઝ ચેનલ સાથે વાત કરતા પ્રિયંકા પંડિતે કહ્યું હતું કે, આ તેને બદનામ કરવાનું ષડયંત્ર છે. આ માત્ર મારા નામને બદનામ કરવા માટે કરવામાં આવી રહ્યું છે.
આ વીડિયો મારો નથી : પ્રિયંકા
પ્રિયંકા પંડિતે આ બાબતે સ્પષ્ટપણે કહ્યું છે કે, કોઈ તેની પાસેથી અંગત દુશ્મની લઈ રહ્યું છે, તેથી આ બધું કરવામાં આવી રહ્યું છે. પ્રિયંકાએ એવો પણ દાવો કર્યો છે કે આ વીડિયો તેનો નથી. વીડિયોમાં દેખાતી યુવતી અન્ય કોઈ છે જે તેના જેવી દેખાય છે. પ્રિયંકાએ આ પ્રાઈવેટ વીડિયો અંગે પોલીસ કેસ કર્યો છે. પ્રિયંકાની ફરિયાદ બાદ પોલીસે આ મામલાની તપાસ શરૂ કરી છે, પોલીસ શોધી રહી છે કે આ વીડિયો ક્યાંથી લીક થયો અને આ વીડિયોનું સત્ય શું છે. જોકે આ વાતની પુષ્ટિ થઈ નથી. પ્રિયંકા અને પોલીસ તરફથી આ અંગે હજુ સુધી કોઈ માહિતી આપવામાં આવી નથી.
