નવી દિલ્હી: પૂર્વ વડાપ્રધાન અને જનતા દળ-સેક્યુલર (જેડી-એસ)ના વડા એચડી દેવેગૌડા, કોંગ્રેસના નેતાઓ મલ્લિકાર્જુન અને ભાજપના નેતાઓ અશોક ગસ્તી અને ઈરાના કડ્ડી કર્ણાટકથી રાજ્યસભામાં બિનહરીફ ચૂંટાયા છે.
કર્ણાટકમાં રાજ્યસભાની ચાર બેઠકો માટે 19 જૂને ચૂંટણી યોજાવાની છે. આ ચાર બેઠકો 25 જૂને ખાલી થઇ રહી છે. હાલમાં આ બેઠકો કોંગ્રેસના રાજીવ ગૌડા અને બી.કે. હરિપ્રસાદ, ભાજપના પ્રભાકર કોરે અને જેડી (એસ)ના ડી કુપેન્દ્ર રેડ્ડી પ્રતિનિધિત્વ કરી રહ્યા છે.
આ પહેલા મંગળવારે જેડીએસ સુપ્રીમો અને પૂર્વ વડાપ્રધાન એચ.ડી. દેવેગૌડાએ રાજ્યસભાની ચૂંટણી માટે ઉમેદવારી નોંધાવી હતી.
17 રાજ્યોની 55 રાજ્યસભા બેઠકો પર 26 માર્ચે ચૂંટણી યોજાવાની હતી પરંતુ કોવિડ-19ને કારણે કમિશનને ચૂંટણી મોકૂફ રાખવી પડી. જે બાદ ચૂંટણી પંચે 19 જૂને રાજ્યસભાની ચૂંટણીઓ યોજવાની જાહેરાત કરી હતી.
