સ્થાનિક પોલીસના જણાવ્યા મુજબ ભારતીય નાગરિકો કથિત રીતે ચોલીસ્તાનમાં પાસપોર્ટ અને વિઝા વિના પ્રવેશ માટે પ્રયાસો કરી રહ્યા હતા. જ્યારે તેઓને સદર યાહઝમાન મંડી પોલીસ સ્ટેશન નજીક ધરપકડ કરવામાં આવી હતી. આ ભારતીય વિરૂદ્ધ પાકિસ્તાન એક્ટ 1952 મુજબ કલમ 334-4 દાખલ કરવામાં આવી છે.
સૂત્રોના જણાવ્યા મુજબ રાજસ્થાનની ભારત-પાક સરહદ પાસે કાંટાળો તાર અદ્રશ્ય હોય છે, જ્યારે રણમાં ભારે વાવાઝોડાઓ અને રેતીના ટેકરાઓનો પલટો આવે છે. સૂત્રોએ દાવો કર્યો છે કે, ભૂતકાળમાં એવા કિસ્સાઓ બન્યા છે કે, જ્યારે પાડોશી દેશોના કેટલાક નાગરિકો ‘અજાણતાં’ સરહદ પાર કરી ગયા હોય, જેને આ કિસ્સામાં પણ નકારી શકાય નહીં.