સુરત: સુરતમાં રખડતા શ્વાન સાથે હવે પાલતુ શ્વાનનો આતંક પણ જોવા મળી રહ્યો છે. સુરતના અલથાણ વિસ્તારમાં આવેલા સુવર્ણભૂમિ એપાર્ટમેન્ટમાં રહેતા દિનેશ પ્રવીણભાઈ કે જેઓ એસબીઆઇ બેન્કમાં મેનેજર તરીકે કામ કરે છે. તેમનો 5 વર્ષનો પુત્ર આવીક ગઈકાલે તેમની સાથે એપાર્ટમેન્ટ નીચે રમવા જઈ રહ્યો હતો. તે દરમિયાન લિફ્ટમાંથી બહાર નીકળતા જ તેજ એપાર્ટમેન્ટમાં રહેતા આશિષ દુબે જેઓ પોતાની પાસે પાલતું શ્વાન રાખ્યું છે. તે શ્વાન દ્વારા આવીક ઉપર હુમલો કરી ઝાઘની બાજુએ બચકું ભરી લીધું હતું. જે સમગ્ર ઘટના લિફ્ટમાં લગાવામાં આવેલ સીસીટીવી ફૂટેજમાં કેદ થવા પામી હતી. જોકે સમગ્ર મામલો બનતા સ્થાનિક લોકો દોડી આવ્યા હતા.
કુલ ત્રણ લોકો વિરુદ્ધ ગુનો દાખલ: આ બાબતે એસીપી ઝેડ.આર.દેસાઈએ જણાવ્યું કે, 'પોલીસ સ્ટેશન હદ વિસ્તારમાં આવેલી સુવર્ણભૂમિ એપાર્ટમેન્ટમાં રહેતા એક પિતા-પુત્ર લિફ્ટમાંથી ઉતરી રહ્યા હતા. તે દરમિયાન લિફ્ટમાંથી બહાર નીકળતા જ એક પાલતુ શ્વાન દ્વારા પિતા-પુત્ર ઉપર હુમલો કર્યો હતો. જે મામલે પિતા દ્વારા પોલીસ સ્ટેશનમાં શ્વાન માલિક તથા અન્ય બે લોકો એમ કુલ ત્રણ લોકો વિરુદ્ધ ગુનો દાખલ કરવામાં આવ્યો છે. હાલ સમગ્ર મામલે પોલીસ તપાસ કરી રહી છે. આ તપાસમાં એવું પણ સામે આવ્યું છે કે, ફરિયાદીના પુત્રને શ્વાન દ્વારા ઝાઘ ઉપર બચકું ભરી લેવામાં આવ્યું છે.'
શ્વાન માલિક વિરુદ્ધ ફરિયાદ દાખલ: આ બાબતે બાળકની માતા ખુશ્બુ શર્માએ જણાવ્યું કે,'ગત 2 ઓક્ટોબર 2024ના રોજ મારાં પતિ મારાં બાળકને લઈને બજારમાં ગયા હતા. ત્યાંથી આવતી વખતે લિફ્ટમાં બંને જણા બહાર નીકળતા જ સામે ઉભેલા શ્વાન દ્વારા મારાં પતિ અને છોકરા ઉપર હુમલો કર્યો હતો. જે મામલે હું શ્વાન માલિકના ઘરે ગઈ ત્યારે તેઓને કહ્યું કે, તમારો શ્વાન ખુલ્લો છે, તેને તમે બાંધીને રાખો. પરંતુ શ્વાન મલિક દ્વારા અમારી ઉપર જ ગુસ્સો કર્યો હતો અને અમને ગમે તેમ બોલવા લાગ્યા હતા. બીજી બાજુ મારાં પતિ બાળકને લઈને હોસ્પિટલ લઇ ગયા હતા. જ્યાં તેની સારવાર કરવામાં આવી હતી. મેં સમગ્ર મામલે અલથાણ પોલીસ સ્ટેશનમાં શ્વાન માલિક વિરુદ્ધ ગુનો નોંધાવ્યો છે.'
આ પણ વાંચો:
