બિહાર: બક્સર જિલ્લામાંથી ત્રણ યુવકોના ડૂબી જવાની ઘટના સામે આવી રહ્યા છે. સિમરી પોલીસ મથક વિસ્તારમાં બિયાસના ડેરા ગામ નજીક ગંગા નદીમાં 3 યુવકોએ સેલ્ફી લેતી વખતે સંતુલન ગુમાવતા નદીમાં પડી ગયા હતા. ગામલોકોને આ બાબતે જાણ થતા ઘટના સ્થળે પહોંચી યુવકોની શોધખોળ શરૂ કરી હતી.
6 યુવકો નાગપુરા નજીક ગંગા નદીમાં નાહવા ગયા હતા. જેમાંથી ત્રણ યુવકો સેલ્ફી લઈ રહ્યા હતા. જે દરમિયાન સંતુલન ગુમાવતા 3 યુવકો નદીમાં ડૂબી ગયા હતા. 3 મિત્રોને ડૂબતા જોઈને અન્ય ત્રણ મિત્રોએ તેમને બચાવવાનો પ્રયત્ન કર્યો હતું. પરંતુ તેમને સફળતા મળી ન હતી.
આ યુવાનોએ સમગ્ર ઘટનાની જાણ ગ્રામજનોને કરી હતી. જે કારણે ઘટના સ્થળે ગામલોકો આવીને તેમને એક યુવકને ગંગા નદીમાંથી બહાર કાઢીને સદર હોસ્પિટલમાં સારવાર અર્થે મોકલી આપ્યો હતો. જ્યારે હજૂ બે યુવકોની શોધખોળ ચાલુ છે.
ઘટનાની માહિતી મળતાની સાથે જ પોલીસ તાત્કાલિક ઘટના સ્થળે પહોંચી હતી. આ મામલે પોલીસે તપાસ શરૂ કરી હતી. એક પોલીસ અધિકારીના જણાવ્યા મુજબ, તમામ યુવકો મઝવારી ગામના રહેવાસી છે. સ્થાનિક લોકોના જણાવ્યા અનુંસાર, નાહતી વખતે તમામ યુવકો સેલ્ફી લેતા હતા. આ દરમિયાન 3 યુવકોનું સંતુલન બગડતા તેઓ ઉંડા પાણીમાં પડી ગયા હતા.
